Legal document: Yevr.-Arab. I 328
Legal document Yevr.-Arab. I 328What's in the PGP
- 1 Transcription
Description
Legal record (#80) in a court register/pinqas from a Karaite beit din in Cairo (on ff. 27v-28r of Yevr.-Arab. I 328). Dated 5 Av 5325 AM (1565 CE). Release agreement between a recently divorced couple. Sarah bt. Hārūn al-Qudsi releases her ex-husband ʿAbd al-Maʿṭī b. Khiḍr al-Fūlādī from any further monetary and material claims following their divorce that same on the evening of 5 Av 5325 AM. The latter legal procedure must have been recorded in a separate court register or perhaps solely on a loose-leaf bill of divorce (given that it does not appear in Yevr.-Arab. I 328). MCD.
Tags
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 27v
- ..ע קנטאר טייב בסביל אלנדר //אלמד׳ אע׳// לכנסת דאר שמחה תב׳ ותכ׳ תם אשהדת
- עליהא גאליה אלמד׳ אע׳ אן ליס [[ל]] בקי להא ענד פרג א׳ אללוי אלמד׳ אע׳ לא פצה
- ולא דהב ולא פלוס ולא נחאס ולא אתאת ולא קמאש ולא קרץ' ולא מקארצה
- ולא שטר ולא אשהאד בוגה אן יכון מטלק מא עדה הדה אלמבלג אלמעיין
- אע׳ אלדי קדרה כמסה ועשרין אשרפי דהב גדד אלמד׳ אע׳ וכל דלך חצל ברצ'א
- אתנינהם מן גיר אגבאר בחצ'ור אלמולי אלאגל כ׳׳ר יהודה הרופא הדיין יצ׳׳ו
- [[.ל]] מולי אלאגל כ׳׳ר ישעיה תוריזי יצ׳׳ו ובשהאדת מן יש[[.]]הד מן יצע כטה
- פיה והכל שריר ובריר וקים
- ופי לילה תארי׳ אשהד עליה ע׳אללטיף א׳אלמר׳ משה אלמגרבי נ׳׳ע נ׳׳ע(!)
- אנה ענדה ופי דמתה לשמואל אללוי אבן אלמר׳ יעקב אללוי הסומך נ׳׳ע
- מאיה וסתין נצף פצ'ה תלך אכר כל חסאב ואכר כל מעאמלה לה תם אשהד
- עליה ע׳אללטיף אלמגרבי //אלמד׳ אע׳// בחלף בש׳ ית׳ אנה יוצל שמואל אללוי אלמד׳ אע׳
- כל גמעה אן תמצ'י //נצפין// נצפין פצה ודלך מן אול שהר תאריכה וגמעה תארי׳
- והי גמעה פינחס אלא ען עאקה שרעיה יא צ'עף או רמד וחיתאן יזול
- תלך אלעארץ' יופי אלשהר פי אכרה גמלה ואחדת תם אשהד עליה
- שמואל אללוי אלקים אלמד׳ אע׳ אן ליס בקי לה ענדה לא פצה ולא דהב
- ולא מעאמלה ולא שטר ולא שיא קל ולא גל מא עדה הדה אלמבלג
- אלמעיין אע׳ אלדי קדרה מאיה וסתין נצף פצה וכל דלך חצל בחצ'ור
- אלמולי אלאגל כ׳׳ר יהודה הרופא הדיין //יצ׳׳ו// וכ׳׳ר ישעיה תוריזי יצ׳׳ו ובשהאדת
- מן יצ'ע כטה פיה והכל שריר ובריר וקים
- למא כאן בתא׳ לילה אן יספר צבאחהא נהאר אלגמעה ה׳ פי שהר אב
- יא׳׳ל סנה ה׳ש׳כ׳ה׳ ליצירה [[אשהד]] חצ'ר ע׳אלמעטי א׳אלמר׳ כצר אלפולאדי
- בין איאד //אד׳// הנ׳ הג׳ שמואל הדיין יצ׳׳ו [[ואלמו]] פי מנזלה ואלמולי אלאגל כ׳׳ר
- יהודה הרופא הדיין יצ׳׳ו ואשהד עליה אנה לם עאד יסתחק עלי שרה
- אבנת הארון אלקדסי אלדי כאנת קבל תארי׳ זוגתה וטל[קהא] פי תלך
- אללילה לא פצה ולא פלוס ולא נחאס ולא קמאש ולא אתאת ולא מעאמלה
- ולא ודאעה ולא סהו
Yevr.-Arab. I 328 verso
°
Yevr.-Arab. I 328, folio 28r
- ולא תסיר למכלוק אן יכון מטלקא לא ליהודי ולא מסלם ולא לנצ[ראני
- ולא שטר בכט אליהוד ולא מצטור בכט אלישמעאלים ולא אשהאד לא
- באליהוד ולא באלישמעאלים לא פי מחכמה ולא פי גיר מחכמה אן תכון
- ולא דעוא ולא טלב לא מן גהתהא ולא מן גהת נפקת בנתהא [[בוגה א]]
- [[יכון מטלק]] אלדי כאן כתבהא עליהא פי מחכמה אלחאכם ולא שיא קל ולא
- גל מטלק ממא מצ'י מן אלזמאן אלי יום תאריכה תם אשהדת עליה שרה
- אלמד׳ אע׳ [[אלדי(!) כאנת קבל תארי]] אנהא לם עאדת תסתחק עלי [[זוגהא]]
- ע׳אלמעטי אלפולאדי אלדי כאן קבל תארי זוגהא לא חק ולא מסתחק ולא
- כסוה ואנהא אסתגלקה [[כסותהא]] חקהא אלדי מעיין להא פי [[אל]] כתבתהא(! =כתובתהא)
- פי לילה תארי׳ ולא דעוא ולא טלב ולא פצ'ה ולא דהב ולא נחאס ולא קמאש
- בוגה אן יכון מטלקא ואן כל ואחד מנהם פריק וחדה לם יגיב לרפיקה כבר
- אן יכון מטלקא וכל דלך חצל ברצ'א אתנינהם מן גיר אגבאר בשהאדת
- מן יצע כטה פיה והכל שריר ובריר וקים
- למא כאן בתא׳ נהאר אלגמעה ט׳׳י פי שהר תא׳ סנה תא׳ חצ'ר ע׳אלחק א׳אלמר׳ שמואל
- אלמערוף באלחואש בין איאדי אלמולי אלאגל אד׳ הנ׳ הג׳ שמואל הדיין יצ׳׳ו ואשהד עליה
- באן ליס לה ענד אסתיתה אבנת אלמר׳ משה אלכהן אלמערוף בפליפל אלדי(!) כאנת קבל
- תארי׳ זוגתה וטלקהא יום תארי׳ לא פצ'ה ולא דהב ולא פלוס ולא נחאס ולא קמאש
- ולא אתאת ולא קרץ ולא מקארצ'ה ולא ודאעה ולא דעוה ולא טלב ולא סהו ולא נסיאן
- ולא ימין בללה ולא שי קל ולא גל ממא מצ'י מן אלזמאן אלי יום תארי׳ תם אשהדת
- עליהא אסתיתה אלמד׳ אע׳ עלי אנהא לם עאדת תסתחק עלי ע׳אלחק אלחואש
- אלחואש(!) אלמד׳ אע׳ אלדי כאן קבל תארי׳ זוגהא לא פצ'ה // ולא דהב// ולא פלוס ולא נחאס ולא
- קמאש ולא את[א]ת ולא קרץ ולא מקארצ'ה ולא ודאעה ולא דעוה ולא טלב ולא
- סהו ולא נסיאן ולא ימין בללה ולא חק ולא מסתחק ולא כסוי ולא מאוחר אלדי
- הו מעיין להא פי אלכתובה ולא שיא קל ולא גל ממא מצ'י מן אלזמאן אלי יום תארי׳
- מא עדא אתנין וסתין נצף פצ'ה געלהם להא //אלדיין// פי נט'יר גמיע מה תסתחקה
- עליה מן כסאוי ומאוחר וגירה ואנהא אברתה מן גמיע חקוקהא אלדי
- כאנת תסתחקה עליה תם אנהא רצ'ית בתקציטהם עליה לעלמהא בחאלה