رسالة: Moss. V,363.5
رسالة Moss. V,363.5العلامات
الوصف
Letter in the hand of Nahray b. Nissim. In Judaeo-Arabic The writer had paid 60+ dinars to gentiles to save Yeshaʿya al-Fāsī. He had asked the latter three years back to deliver the money to the Ra's al-Mathība in Jerusalem. Instead Yeshaʿya claimed that Nahray owed him money. Information from Goitein's note card. (NB: This was previously described as "Business letter by David b. Abi Zimra," which must belong to another unidentified shelfmark.)
Edition: Goitein, S. D.
Translation:
Moss. V,363.5 1r
النصوص المفرّغة
S. D. Goitein, unpublished editions.- אפרדת יאסידי וכבירי הדה אלרקעה בחא[ג]ה מפרדה לת[כון]
- ענאיתך פיהא אוכד והי אני אערפך מא עאמלת בה ישעיה
- אלפאסי ואני כלצת רוחה מן אידי אלגוים ואכרגתה בלטאיף
- וצמאן תצמנתה ענה ואכדוני אלגוים פי דלך אלוקת אלחאד
- ואלזמוני ימין פלם יתמכן לי אן אחלף ולא אמכנני אלדפ[ע ע]ן נפסי
- פוזנת אלניף וסתין דינר בעלם אצחאבנא וכתבת אליה מד ג סנין
- אן יסלם אלדנניר לראס מתיבה אלקדס עלי ידיך וערפתה בדלך פלם
- יפעל ולא אחתשם אן ינכר מא עאמלתה בה חתא אדעא אנה
- לה ענדי מאל פאכדת מעשה בית דין במא וזנתה פי דלך אלוקת
- מן אלורק ואנפדתה מע כתאבי הדא וכתבת כתאבא אלי סידי אל[יה]
- ראס מתיבה אלקדס גואב לכתאבה אלואצל עלי ידיך אידך אללה
- ואעלמתה בצחה אלאמר וכתאב אכי וסידי אלשיך אבו יעקב
- לראס אלמתיבה איצא אד עלי ידיה דפעת וכתאבין לצדיקנא אבי אברהים
- אבן אלסהל ואנפדת אלגמיע אלי חצרתך אלגלילה לא עדמתך לתענא
- בהא אלענאיה אלאכירה ותנפדהא אלי מתיבה אלקדס לתצל אליהם
- מע מן תתק בה ותסרני בדלך ויאתיני כתאבך סריעא אן שא אללה
- בוצולהא אליך ותנפדהא לתטיב נפסי בדלך פעל [ ]
- מתפצלא מתטולא מתאבא מאגורא ושלומך יגדל נצח [סלה]
الترجمة
Moss. V,363.5 1v
