منحة في رسالة: T-S 16.279

رسالة T-S 16.279
  1. الاقتباس المرجعي
    S. D. Goitein, index cards.
    Location in source
    Relation to document
    • المناقشة
  2. الاقتباس المرجعي
    Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.
    Location in source
    • #782
    Relation to document
    • Digital Edition
    • الطبعة
  3. الاقتباس المرجعي
    S. D. Goitein, unpublished editions.
    Location in source
    Relation to document
    • الطبعة
صورة
النصوص المفرّغة
الترجمة

T-S 16.279 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. ומא אערף בה יאכי וסידי אחיאה אללה ואבקאה ורזקה אלאיאם [

  2. וכתבו בספר החיים      אן אכר סבינא וגלאנא והלאך חאלנא וכראב רבאענ[א]

  3. וכלאהא כתם אללה דנובנא ויסר עטרת ראשנו ואסף אלי גן עדן אלשיך אל

  4. פאצל החסיד הטוב והישר הצדיק הגמור מר ברהון בן רב משה זכ לברכה

  5. [ ]ני בקולי לך אן ופאתה זכרו לברכה כאנת עלינא כלנא וחאלנא מא

  6. [ ]לך ואנצרף לגן עדן מפני רעתנו וכלמתנו ובשת פנינו וערמימותינו

  7. ען וציה כאמלה תאמה וגעל אלוצי עלי כל אסבאבה ועלי ולדה יחיה לעד

  8. ויפרה וירבה ולדגה ויסגה ויתקיים בו מתהלך בתמו צדיק אשרי בניו אחריו

  9. אלשיך אלפאצל אלגליל הצדיק הטהור והחסיד הבר הברור והנכר יחיד

  10. [ ] יוסף יוסיף ייי על ימיו ועל שנותיו ויאריך ימים

  11. [ ] ותופי יום אלגמעה אלצחא ונגז פי קברה לילה אל

  12. סבת מבית צדיק יגדול וכאן דלד פל ח מן אלול וכאן מן גמיל מיתתו וקבורתו

  13. מא יגב אן יתע[זא] בה גירנא לכן בחן פקדנא עליה אלעדא אללה לגבר קלובנא

  14. כלנא בר משה ולדה יחי לעד ערפתך דלד לתעלם עד היכן ודאתנא אל

  15. [ ] ואלי אין בלג חאלנא יכאן וגהת אליך יאסידי עלי לדיה ימצא רחמים

  16. [כרי]טה פיהא אלף תכד דרה קדם תמנהא עלי דינ ונצף סאלתך תחתאל עלי

  17. פיהא פי אצראפהא באי וגה תראה ותוגה לי קליל כתאן נעמל מנה מא נלבס

  18. לאן מא וצלת אלי הנא סוי בכלה כיש עלי ראסי ופי וסטי ונעל לרגלי יכון

  19. [ ] ואסע אלכלכאל מתקן וקליל כאגד טלחי נכתב פיה אלי בגדאד ואלי ארץ

  20. [יש]ראל וארגוך תדכר מא קד אגרא הלאכ ביננא ותלחקך פיה עזמה

  21. ותתם מראדי מן דלך ותוגהה אליי מע מן יחסן ענדך מן אצחאבנא

  22. וכאן אכברתך אן גמיע מא נסכתה ונסכה לי ואלדי נע מן כתב ספית וצאעת

  23. [ואחרמ]ת פי כל מוצאיהם אכלום סנאוהם ישראל וגוים ותזייד מן אגל דלך

  24. צעף נפסי ולא חילה לי ומא בקי פי ולא מעי באי שי אכלף ורקה ואחדה

  25. ולא תם מנין תכלף ודתרת אלתורה דפעה מן אלמגרב ואן בקי שי פבקי

  26. שי לא יגוז אן יעוול עליה מע קום רפעו ראס והם מא ידרו מא אל[

  27. [ ]ל מקדאר חאלהם ומן לא יעלם חאל נפסה ויחס מא יסוה אנגח אן יכן מעה

  28. [מ]עלם ולעלהא אחרית הימים פכל מא תואעט אליה נבי ישראל קד חצר וזאד

  29. עליה ואחב כתאבך מע אלפיג תטיב נפסי פאנך תקצי מא סאלתך פיה בגמלתה

  30. וכתבת עלי סריעה נסל מן אללה אן יטלענא עלי כיר מן גהת ברהון וכאלתך

  31. ובנתהא פל מרכב אלסלטאן אללה יגעלהם פי חיז אלסלאם ان شاء الله ואלסלאם על [ ]

T-S 16.279 1v

1v

verso

  1. לסידי ומולאי מר נהראי ביר נסים ננ מן צלח בן בהלול שלום רב

  2. אטאל אללה בקאה ואדאם נעמתה

  3. سيدي الشيخ ابي يحيى نهراي بن نسيم اطال الله من صلح بن بهلول بالفسطاط

  4. بقاه [ان شاء الله]

بيان أذونات الصورة
  • T-S 16.279: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.