رسالة: DK 230.3 (alt: XIX)

رسالة DK 230.3 (alt: XIX)

العلامات

تاريخ الإدخال

في PGP منذ 2004

الوصف

Letter from ʿAmram b. Yosef to Netanʾel b. Yefet regarding goods sent by Ḥasan b. Bundār. Location: Alexandria. Dating: 1094–97 CE. ʿAmram mentions his ophthalmia ('it seems as if I have found slight relief') and the wretched woman (ʿaguna for ʿaguma, as in CUL Or.1080 J24) who suffers pain in the joints of her hands and feet (this woman and her arthritis also appear in T-S 13J23.10). ʿAmram excuses himself from paying his respects to the Nagid on account of his ophthalmia, so he asks Netanel to represent him. ʿAmram makes the same request of Mūsā b. Abī l-Ḥayy in Halper 394 and of Nahray b. Nissim in Bodl. MS heb. d.75/19. This letter also mentions Khiyār (b. Yaʿāqov), known from Moss. II,160 (PGPID 5451) and related documents. (Information in part from Goitein’s index card and Med. Soc. II, 478, Section 18.)

النصوص المفرّغة

S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.

II, 6 Verso:

  1. בש רח
  2. כגק מרנ ורבנ נתנאל ישמרהו שומר ישראל ויהיה בעזרו
  3. אטאל אללה בקאה ואדאם סלאמתה וסעאדתה ותאיידה
  4. ונעמתה ען חאל סלאמה ועאפיה ושוק שדיד לטאלעתה
  5. אלסעידה אדאם אללה עזהא קד עלם [אל] כאלק גלת קדרתה
  6. אננא מא אדע אלסואל ען מואלי אלו[אצלין] ומן לנא פי כל אלאוקאת
  7. ומן תחוט בה ענאיתה יבלגנא סלאמתה וסלאמת גמיעהם
  8. ושכרנא אללה תע עלי דלך וסאלנאה //אל// מזידהם מן כל כיר
  9. לאנה ולי דלך ואלקאדר עליה ואעלם מולאי אדאם אללה עז[ה]
  10. אן אוקפני ר כיאר אחיאה אללה עלי כתאב מולאי ע[לי]
  11. מא אמרת בה חצרת סיידנא כגק מרנ ורב' אדוננו מבו[רך]
  12. החבר בסנה<ד>רין גדולה אלוף הבינות חכם הישיבה
  13. סנהדרא רבא הנר המערבי שר השרים נגיד הנג[ידים]
  14. עוז כל בית ישראל ותפארתו: ירום הודו ויגביה מזלו
  15. ויגדל כבודו במא וצל לחצרתה אלסאמיה אדאם אללה עזהא
  16. כתאב מולאי אלשיך אבו עלי חסן בן בנדאר מן עדן פי אמר
  17. אלכאפור אלואצל אליה מן מולאי אלשיך אבו אלפרג נסים
  18. צהרי מן סנין וסאלתה אנפאדה אלי וכנת קד כתבת אליה
  19. עדת כתב פי תוגיהה אלינא לתפתרג בה זוגתה הדה אל
  20. עגונה אלדי להא מדה מריצה בוגע אלמפאצל מא תתצרף
  21. אללה יעוצהא כיר ומא אכר מגיי אלחצרת סידנא כאן לנהניה
  22. כמא יגב עלינא עלי אלמולוד ימ רח אלא דלך ונגדד עהד
  23. בומאליא אחיאהם אללה גיר אן קד כנת סאלת מולאי אלשיך
  24. אבו אלסרור וגירה יקבלו ידה עני ויערפוה עדרי תם אני
  25. כנת רמד באל עינין ואל סעה כאני וגדת ראחה קליל
  26. ומא כתבת הדא אלכתאב אלא מתכל עלי אללה תעאלי ועלי
  27. מולאי אן יבצר עדרי ענד סידנא וידיניני לכף זכות
  28. ויכון לי לפה ולמליץ אד היבתה גלילת אלקדר אללה
  29. יזידה גדולה והוד בעיני אלהים ואדם ויהיה בעזרו
  30. יקים עליו מ ש ונח מצא חן בעיני יו ויהי דויד בכל(!) דרכיו
  31. משכיל וייי עמו: פאחב מן מולאי יערפה דעאנא לכם
  32. ליל ונהאר אללה יתקבל מנא פיכם צאלח אלדעא ואן יכלף עליה
  33. בבנים זכרים לחיים ולקימא ולא יוקפה עלי מכרוה
  34. ויסתירהו בסתר כנפיו יקים עליו ק דכ תסתירם בסתר פניך
  35. מרוכסי איש וג ויכפיה מחנת אדם רע וחלאים רעים וכל
  36. מיני פרענות יקים על' תרום ידך על צריך וכל אויבך (!) יכרתו:
  37. ויחיה לנא ולכל ישראל אד הו מושיע אקאמה אללה כמא ועדהם
  38. אנה לא ידעהם ואף גם זאת בהיותם וג' ויקים עליו מקרא שכ

الترجمة

Verso:

  1. אל תירא כי אתך אנכי ואל תשתע כי אני אהיך אמצתיך אף
  2. עזרתיך אף תמכתיך בימין צדקי: תם ערפני איצא
  3. אן באע בעצה יראה ואגב ואשתרי באלבקיה מסך וענבר
  4. ואנה אנפדה מע אלרוסל אלואצלין ואן מולאי ענד וצול
  5. אלשי אליה ינפדה פענד סמאענא דלך פרחנא בדלך כתיר
  6. ודעינא לסידנא אד אהתם בנא עלי כתרת אשגאלה במא
  7. יכתץ באלמלוכה ואמור ישראל פאסאל אללה אן יתקבל מנא פיה
  8. צאלח אלדעא ומכאפאתה מן אלבארי אד אנעאמה ותפצֹלה
  9. עלינא קדים וחדית ואל עמרי(!) אעמאלה כלהא לשם שמים
  10. אללה יוקפהא בין ידיה מע אלגרבא ואלקרבא פכיף מן הום
  11. צנאיעה מחסובין עליה פאסאל אללה אן יטול עמרה ויחרס
  12. עלינא ועלי ישראל פאחב מן מולאי יבצר עדרי ענד
  13. חצֹרתה ויקבל ידיה ומא מולאי מן יוצא פי דלך אד חכמתו
  14. יתירה מנה אללה ויחרס מולאי עלי אלואלדה ועלי מן יחתאגה
  15. וישאהדנא ענדה בנים זכרים ויוקף בין ידיכם אפעאלכם
  16. אלחסנה פתקריהם סלאם וכל מן ענדנא יכצוהם באל סלם
  17. ואחב מן מולאי ענד וצול הדה אלשוי אנה אחסבה מן אללה
  18. וענדי פאן כאן רב אברהם ביר יעקב אדאם אללה עזה
  19. סלמה [לה] ויתכלף לנא בה ואן לם אן יתפצל תמאם
  20. יבקיה ענדה אלי אן יכתב לר כיאר ידכר מא יפעל
  21. בה לעל ביעה ענדכם אפצל מן הונא כצצת
  22. חצרתה אתם אלסלם וכל מן ישמלה ענאיתה אפצל אלסלם
  23. פאחב מן מולאי אדאם אללה עזה אן ישרפני בחאגה
  24. תכון לה נאתי פיהא מסרורה וישרפני בכתאבה
  25. באחואלה אלל[ה] יגעלהם אגמעין פי חיז אלסלאמה ויכפיה
  26. אלאסוא ושלום אדוני יגדל ויפרח וירבה לעד

Address:

  1. מולאי אלשיך אלגליל אבו אלמפצל שאכר תפצלה עמרם
  2. מר נתנאל ביר יפת נע ביר יוסף הזקן זצל
  3. אטאל אללה בקאה ו[א]דאם סלאמתה בן אכו אל נגיד זל