رسالة: ENA 4045.9
رسالة ENA 4045.9العلامات
الوصف
Letter from Yosef b. Avraham b. Bundar to Sulayman b. Abu Zikri Kohen denying misappropriation of a deposit. Aden, 1152.
Edition: Goitein, S. D.; Friedman, Mordechai Akiva
Translation:
ENA 4045.9 1
النصوص المفرّغة
S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.II, 45a
- ראס [א]לספט [...]
- כטי ופיה מכתוב וגדת אלשדה מא ערפת מן
- אודעהא ענדי תבקא אלי //אן// יצלני טאלבהא פלדלך
- ערפו אלגמאעה אנהא אלדי לחצרתה פוחק מן כלקני
- וכלקך ווחק מן כתב סלאמתי פי אלבחר ואלבר אלדי
- סאפרת פיהם ווצלת סאלם אן כאן ענדי כבר ולא
- עלם אן דלך לחצרתה ולא שך אן מולאי רמאהא פי
- אלמכזן עלי אלעאדה אלדי כאן יפעל לאן אלמכזן כאן
- בחכמה מא ימנעה מנה אחד ולא שך אן אלעבד
- טרח אלשדה פי אלספט וליס לממלוכהא עלם לדלך
- פלא חצרתה טמעת פי מא דכרת ולא לממלוכהא עלם
- אן דלך להא פלמא סאפרת חצרתה אלי ברוץ פתשת
- אלספט פוגדת אלשדה ובקית מפכר למן הי פלדלך
- כתבת רקע ותרכתה פיהא וסאפר ממלוכהא ולם
- ואללה יפתח אלשדה ולא נטר מא פיהא לאנהא כאנת
- משדודה בכיט אלא אן יכון ממלוכהא קד טמע
- להא פי דלך ענד [[אלדי]] //מא// טרא עליה אלדי טרא פלא
- טרח אללה פיה ברכה ולא עמרה לא דניא ולא אכרה
- פלם תדכר חצרתה הדא אלכלאם אלא //לא// שך אנה קד
- סקט מן עינה//א// במא קד טרא עליה וממלוכהא וחאשי
- חצרתה ען דלך ולא אטן אן הדא אלשי ענדהא ולא
- פי צמירהא וקד יא מולאי אלנאס יבלו באלגרם ואלברץ
- ומא אשבאה דלך ולא חילה פי מא קצאה אללה
- ולא עמל יא מולאי באלניאת הנסתרות לי' אלהינו והנגלות וג
- וליס [[יממן]] ימכן יא מולאי אלאנסאן ימדח רוחה
- לא כן אלגרבא אלמסאפרין אלי מצר וגירהם עאלמין
- בכל שי ואמא אלשדה אלתיאב פאכדהא חי אלשיך
- מחרוז בנאקץ תמן מן אלדי קבץ אלתמן מן אולאדי
- וכדלך איצא וצלני כתאבהא אלכרים וכתב אלי אולאדי
- ופיהם כלאם גפא מן חצרתה לאכן מולאי במחאל
- לאן לם יכתב ממלוכהא הדה אלכתאב אלא ולם יבקא
- פי קלבה ע[ליהא] שי באלגמלה אלכאפיה והי בחל ואוסע
- אלחל //דניא ואכרה// בקלב כאלץ וכדלך אדא כתב אלגואב אלי ממלוכה[א]
- תגעלה במחיל דניא ואכרה פאלכטא לם יכון אלא לבני
- אדם ובאללה יא מולאי אלמאלך לקד תאסף [ממלוכהא]
- ען קלה מכאתבתהא ומ.[...]
- פכ.[...]
- ל[...]
Margins:
(1) כתאבי אכר רגב (2) סנה סבעה וארבעין
الترجمة
ENA 4045.9 2
