منحة في ثيقة شرعيّة: Yevr.-Arab. I 328
ثيقة شرعيّة Yevr.-Arab. I 328- الاقتباس المرجعي
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41604/.
- Relation to document
- Digital Edition
صورة
النصوص المفرّغة
الترجمة
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 32v
- למא כאן] נהאר אלאתנין ראבע עשר פי שהר סיון המכובד סנה ה׳ש׳כ׳ו׳ ליצירה אשהד עליה
- ... ...]ן אלמולא יוסף אלנקאש מן כלפון [[אלמגרבי]] אליהודי אלרבאן אבן סעיד א׳ אבו גדיד
- גמיע מא כאן יחצה פי אלארבעה קטט אלזבדה ודלך אלנצף ביהם עאלהם עלי דונהם אלדי(?) כאנו
- קבל תאר׳ שרכה בין כלפון אלמד׳ אע׳ ובין יעיש אלכהן א׳אלמר׳ ע׳אלכרים אלכהן אלמאורדי מן אלדהב
- אלגדיד ס׳׳ב אשרפי דהב תם אשהד עליה כלפון אלמד׳ אע׳ אנה קבץ תמן נצף הדה אלארבעה
- אלקטט אלדי כאנו שרכה בינה ובין יעיש אלכהן אלמד׳ אע׳ וצאר אלא אלשרכה בין צדקה ובין יעיש אלכהן
- תם אשהדו עליהם יעיש [[אלמד׳]] וצדקה אלמדכורין אע׳ [[ל]] עלי אנהם אסתרצ'ו באנהם יכונו שרכה
- פי הדה אלארבעה קטט אלזבדה כמא כאנו קבל תארי׳ יעיש וכלפון ואן גמיע מא יטלע פי
- הדה אלארבעה קטט מן אלזבדה בינאתהם אלאתנין עלי אלסויא אלנצף ואלנצף ואן אכתאר צדקה
- יאכד מא יחצה זבדה אול באול ואן אכתאר יביעהא עלי בעצ'הא [[אל]] עלי אלשרכה ואן
- גמיע ויקסמו תמנהא עלי אלסויא ואן כלפתהם עליהם באלסויא ואנהם יוצלו בעצהם אלבעץ
- אלאמונה פי גמיע מא יטלע פיהם מן אלרבח ופי כלפתהם ופי אלמביע ודלך מן גמיע אלוגוה
- [[ואם חס]] ואן חצל פיהם עארץ יא מות יא ג'ירה יכון עלי אתנינהם ואן לא סביל לאחדא מנהם יקול
- לרפיקה קום ביעהם ולא יגצבהם פי ביעהם אלא אן חצל לאתנינהם כרוהיא(?) פיהם וכאן ברצ'א
- אתנינהם ביעהם מן גיר רצ'א אחדהם ודלך למדה תלת סנין מן תארי׳ וכל דלך חצל מן יעיש
- וצדקה אלמד׳ אע׳ ברצ'אהם //מן גירה אגבארה// בחלף בש׳ ית׳ תם אשהד עליה צדקה אלמד׳ אע׳ בחלף בש׳ ית׳
- עלי אנה יוצל יעיש כל סנה אן תמצי מן תארי׳ אשרפי דהב גדיד ודלך פי נט'יר קאעדהם פי בית
- יעיש מסאעדה פי כרא אלבית
- למא כאן בתא׳ נהאר אל[[גמעה]] כמיס כ׳׳ד פי סיון סנה ה׳ש׳כ׳ו׳ ליצירה אשהד עליה משה
- אללי[י א]בן ע׳אלבאקי אללוי אן ענדה ופי דמתה תמאניה דהב גדד לפרגא׳ א׳ ע׳אלרחים
- שקיר ואנה יקים לה בהם [[עלי]] כל שהר אן ימצ'י כ׳׳ו שהר ודלך עלי תלאת עשר
- שהר ואן [[אנכ]] עזז אכר אלשהר ען נצף או נציף(?) או תלאת אכר אלמדה יגלקהם
- לה בתמאמהם וכמאלהם ודלך מן משה אללוי בחלף בש׳ ית׳ אנה ראצי בגמיע
- מא נץ ושרח אע׳ תם אשהד עליה פרגא׳ שקיר אלמד׳ אע׳ באנה ראצ'י בגמיע
- מא שרח ונץ אע׳ ואנה לם יסתכיה מן אומות העולם דון אן הו ואיאה עלי דין
- תורה ויאדנוה אלדיינים אנה יסתכיה