منحة في رسالة: T-S 16.281
رسالة T-S 16.281- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Relation to document
- Digital Edition
صورة
النصوص المفرّغة
الترجمة
Editor: Goitein, S. D.
T-S 16.281 1r
S. D. Goitein, unpublished editions.
- . . . . . . . . . . . .]א[.]ת חזקני אלוקת ובקית כאיף מן אלדרכים [. .
- . . . . . . . . . . . . . . .ת פיה וקעדת שרמי(?) פי אלציע נחו שהרין
- . . . . . . . . . . . .]מא [. . . .] בלשתך בשי מן //דלך// ברוך יוי אלהי אלאמר
- . . . . . . . . . . . . .] אנא פי[ה] מעוד באללטם לאכן מא מכן אלעוץ
- . . . . . . .]ן מכ[. . . .] אלינ[א] יוי נתן ויוי לקח יהי שם יוי מבורך
- . . . .] עמי כלאם קאטע אלשהואת וימנע ענך אלתשויש וקאל וקיל
- אלש שמואל יקף מעך אלי אן יסתר אלאמר [. .] ממא מן וכמאלה ותרסל
- תעלמני אן אנקטע חסי מן מצר ולא[. . .] אחד ישוש עליהם
- מן גהתי ויקצא אלאמר עלי שלום ומא ללעבד אלא מולאה ואלאגר
- הו עלי אללה תע ויא אבן עמי כם גלבת פי אכתי ואקול להא קומי
- תעאלי זורי ואן ארדתי תרדי מצר רדיתכי יא אבן עמי וקד תע[בת
- עליא פי ספרי מא סכא(?) מא גרא עליא ערום יצאת מב[טן אמי
- וערום אשוב שמ יוי וג ולא אזיד אכתר מן הדא יא אבן //עמי// תע[. . . .
- פרקתי מנכם וגרבתי ופרקתי מן אהלי ואקארבי היינא .[. . .
- אן ארסלה מא אכתבה אלא בדמועי וכל כתאב אן יצל אליא מא
- אקראה אלא בדמועי היתה לי דמעתי לחם יומם ולילה ל[. .
- כי לא לאדם דרכו תם יא אבן עמי קלת מן צעף אליקין מא א[. . . .
- צחבתי אולא אן אלמכ יעלם אן אליקין הו אלחק בעד תצור [. . .
- פי אלנפס וארתפע ענה כל אלשכוך יא באלמקבול באלנביא יא
- באלברהאן והו אלאמונה אלחקיקיה אלדי קיל ענהא וצדיק באמונ[תו
- יחיה והו אלתאבת בעד אלמות לאן לו כאן ענדי שך פי אליקין
- פעלת ברוחי אנא ואן קלת לי ולם ומא פעלת מעי כדלך אקולך
- אלחק מן חיתה ואלחק טאהר אדא כנת אנא בנפסי פעלת מע
- נפסי ואנתו ואהלי עא[ת]בין עליא פלו //כאן// מעך איש כאן יכלצני
- מע זיד ועמר וכאלד ונאס לא אטיק אשכי עדרי ולא ארדהם
- לא בידי ולא בקלמי אנפאר לא עדר להם ולא ירדהם אלא אללה
- פמא יכפאני אלכלאם פי גאנבי מן גהה נפסי ואלא מן גהתך פאכון אנא
- אלסבב פי כלאם אלנאס פי גאנבי פאוסיף על חטאתי פשע ומא יעל[ם
- אלצמאיר אלא אללה אנא יעלם אללה אני אנאם נומה ואציר נבהא[ן]
- לם יאכדני נום מן גהת חאלי וקטעתי וגרבתי ווחדתי ודורת
- אולאדי וקלת עאפיתי ולם אסלי נפסי סוא במעונת אללה
- ואקול סוף האדם למות פהדא שרח חאלי ואוקאתי מטתי
- בדמעתי ערשי אמסה פמא אשכי חאלי אלא אלי אללה תע יא אבן
- אעלמני בכבר אלמריצה וכיף עמלהם פי אלנגידות ומן ידורו(?) . ולו [ו]מן
- פצלך אקף עלי ר יצחק אבן ראש יל וסלם עליה מן גהתי וקול לה
- ירסל לי כתאב יעלמני מן קציית ר נתן מן גמיע אמרה(?) ויכון דלך בינך
- ובינה מן כל בד וסבב ולא תתהאון פי דלך תם יא אבן פי אמל אני
- אנזל אלקדס ואנא מתרוי פי דלך וכל כתאב אן תרסל לא תרסל אלא
- לצפד לאני מא אנזל אלקדס חתי אעלם אלמכ בעד אלס עלי אלסכר(?)
- ועלי אלאך אלעזיז וביתה ועלי אלולד אלש הרון וביתה ואולאדה
T-S 16.281 1v
