رسالة: ENA 1822a.59
رسالة ENA 1822a.59العلامات
الوصف
Letter, detailed, about the pressing of grapes and the making of wine in which the writer informs his relative that for his three dinars, thirty jars of wine were produced.
Edition: Goitein, S. D.
Translation:
ENA 1822a.59 1
النصوص المفرّغة
S. D. Goitein, unpublished editions.- בסם אללה אלרחמן אלרחים
- וצל כתאבך יאשיכי אטאל אללה בקאך ווצל בוצולה אלמרשחה
- ואלמדאד //ואלקצדיה// לא עדמתך ולא כלות מנך ואמא מא דכרתה
- מן אמר אלענב פלם יצל כתאבך אלא וקד כרג גמיע מא ענדי
- מן אלענב מן כרם אלואד וגירה ואן קדרת עלי חמל שי מן אל
- מחרקה לאעתצרה האנהא פעלת ואלא אעלמתך מא יכון לאן
- אהל אסכר מא יקרר ועדי . . . . מנהם אלי אלמחרקה
- למא גרי וקד תעדר [. . . . . . . . .] פי הדא אלוקת
- ואכדת ברזקי //כלה// ענהא לאעצרה ואנפדה אלי אלבית
- פאדא וצל תראעיה חתי יצל אן שא אללה וקד כתבת
- אלי סידי אלכאל אדאם אללה עזה אנה קד חצל לה באלג
- דנא תלתין גרה וערפתה אן אנפאדהא אליה אולי
- פאדא תקרר ראיה עלי דלך כאתבני בה לאקדם
- חמלהא אליה ואתבעהא במא ענדי מן אלעציר וקד
- סאלתה איצא אן יעאונך פי תכליץ אלגראר [[ואן כאן]] //מע מא אנה// ליס
- ע/נ/דהא אעתראץ ולא שי מן אלואגב פתכאתבני
right margin, diagonal lines at 180 degrees to main text
במא יכון מנך פי דלך אן שא אללה | ולם אפהם איש כאן מעני שגל
קלובכם קבל | וצול כתאבי לאן כטך צעד פכיף אדא | טלבתה פתערפני איש
אלסבב פי דלך | אן שא אללה |
top margin, diagonal lines at 180 degrees to main text
ולקד עגבת מן שדה | מערפתך באלזראעה ואלקמח | מא הו באק כתאן ולא באק | אל. . . אעתרת אן ס. | כתאבך
במא ל. . . . |
الترجمة
ENA 1822a.59 2
verso
- ואלקמח פאדא תיסר מן כיר מא פי אלאגראן אנפדתה ולם אוכרה
- אן שא אללה תכץ אלאכת חרסהא אללה באלסלם וכדלך אבא אלפרג
- בקא ואכי אנה והליל ושעיון ואלגמאעה תכצהם באלסלם
- ואדא חצלת מן אלארגואן אנפ. .ה לל. לח. . ואלמנ.
- יצל מע אלאודק מאיה גרה כמסין מנהא לסידי אבי יעקוב
- אדאם אללה עזה וכמסין תכון מקרה ענדך ולא יאכד סידי
- אלכאל אדאם אללה עזה מנהא שי לאנהא כלהא ממלואה כאן אתרהא
- חלו פיאכד מנהא תלתון ואן תך אלאכרי תצבר אלי
- אלטריק אלאכרי חתי יצל שיה מע בקיה מא לי האהנא
- ואכתב עלי אלדי לם י. . .[. . . . . . .] אן שא אללה
- ואלכמסין גרה אדא וצלת תדעהא פי . . . . . בהדא
- וכדלך תנזלהא אן שא אללה . . . . .אתכ.[. . .]. .
right margin, straight lines at 90 degrees to main text
יצל אליך לכאצי סבעה וארבעיון גרה
ואן נקץ שי מן אלעדד ערפתני
bottom margin, straight lines at 180 degrees to main text. Address.
אלי אבו סעיד בן דאוד אדאם אללה עזה מן אברהים בן אלנעמאן
