ثيقة شرعيّة: T-S 8J5.18

ثيقة شرعيّة T-S 8J5.18

العلامات

تاريخ الإدخال

في PGP منذ 1990

الوصف

Bifolium from a court notebook. Fol. 1a: End of a legal query (ll. 1–4) and complete answer/responsum (ll. 5–19) in the case of Hilāl the husband of the son of the deceased female slave. The Jewish muqaddam lost 75 dinars to the wālī of the town owing to his own fault, and Hilāl is not responsible for this loss. The 40 mujalladāt (volumes) which Hilāl had taken from the estate of the deceased and which he had used for his litigation with the muqaddam are not his, and he has to pay for them to the heirs and to return the rest. The wālī acted illegally, but the muqaddam cannot blame anyone other than himself. Fols. 2r and 2v: Possibly more details about the same case, with a lot of details about silk. (Information from Goitein's index cards.) EMS. Written by Mevorakh b. Natan. AA.

T-S 8J5.18 1r

1r

النصوص المفرّغة

S. D. Goitein, unpublished editions.

TS 8 J 5, f. 18a

  1. הי ענדה אלאן והו אלמקדם אלמדכור אם לא או למן תעדא
  2. ואכדהא והו הלאל ואן כאן להם צ אן יעיקו אלכתב אל
  3. באקיה ענדהם אעני אל עין כתאב אלדי ענד אלמקדם ואלכתב
  4. אלדי ענד אכיה או לא יורונו רבותינו ושכרם כפול מן השמים
  5. אלגואב ובאללה אלתופיק אן כאן אלאמר בה עלי מא חכי פי הדא
  6. אלסואל פליס ילזם הלאל זוג אבנה אלגאריה אלמתופייה מן אלעה'
  7. דינאר אלתי כסרהא אלמקדם לואלי אלבלד שי לאנה אלדי סבב עלי
  8. נפסה כסארה אלמבלג אלמדכור מן חית אד בראיה מא וקע
  9. אלארתיאב בה מן אגרה פיה ענד אלואלי פללקאיל אן יקול
  10. אנה לו תכלם במא לם יקע בה ארתיאב לם יכסרה אלואלי שי
  11. ממא כסרה ואמא אלדפאתיר אלתי אכדהא הלאל מן תרכה אל
  12. מתופא ליצאנע בהא ען נפסה פי מא טלבה בה אלמקדם מן אלכסארה
  13. אלגיר לאזמה לה אלי אן אכד מנהא אלואלי מ מגלד פעליה
  14. אן יזן תמנהא ללוראת ויצרף מא בקי מנהא אלי אלמכאן אלדי מנה
  15. אכדהא וליס ללמקדם ולא לאכיה אלאמתסאך בשי מנהא עמא
  16. תעלק עליהמא אלואלי בה פי אמר אלגאריה חתי כסרא מא
  17. דכר ענהמא פאנהמא תעלק עליה מא לואלי
  18. טלמא ותעדיא מע כון אלמקדם אלמסבב עלי נפסה אלתטרק
  19. אליה ואלתעלק עליה פי מא קדמנא ושלום

الترجمة

T-S 8J5.18 1v

1v

T-S 8J5.18 2r

2r

TS 8 J 5, f. 18c

  1. וכאן מבלגהא מן אלורק אלף ותסעה מאיה וכמסין דרהמא וחסבנא
  2. צרף אלדי קבצנאה גא אלף ותמאן מאיה ותלאתה וארבעין
  3. דרהמא ורבע אלבאקי פי גהתה מאיה דרהם וסתה דראהם
  4. ונצף ורבע אנכר הדה אלפצלה מן אלודאעה וכאן ענד מעמר
  5. אלמדכור ען מעאמלה אחד וארבעין דינארא לה מנהא זוג
  6. אחאריס דינאר ואחד פי חיאה אלמתופא קבצנא מנה
  7. עשרין דינאר אלא כמסה קראריט ובקי ענדה עשרין דינאר
  8. וה קראריט אועדנא אננא נעוד בעד ג איאם וקבצהא
  9. פעדנא אליה וקד ארתאי וטמע ומשא פי אלרכילות מענא
  10. ותשארר אנה סאכן מלך אלמשנה פאחתגנא אן נאכד
  11. מנה רהאן מצאג וגירה עלי אלעשרין דינאר וה קראריט
  12. ואטלק אלביע ללוכיל אלי שהר בעד אלנאמנות ואלנדר
  13. עליה אן תאכר וכאן ענד מעמר אלמדכור ודיעה
  14. שדה חריר רומי יערפו בה אלחרירין אלדי פי אלמחלה
  15. וגירהם והי סבעה עשר רטלא ופצלה חריר לאסין מביץ
  16. וזן סבעין דרהמא ולאסין עראקי אכר מחלול וזנה תשנ
  17. דרהמא עדד ארבעה עשר רבע וחריר אוסאט כזאב
  18. רטל ואחד ונצף ולאסין עראקי איצא וזן כמסה ותסעין
  19. דרהם וישהד בדלך משה הלוי בר מנחם דידיע בן אלנמילה
  20. פעלמנא מנה הדה אלגמלה פאחצר אלועא וליס פיה
  21. אלא תלאתה עשר רטלא חריר רומי לא גיר עדמנא גמיע
  22. מא הו מדכור מצאף אלי מא פצל עליה מן דרא אלצרף והי
  23. ק ו ונצף ורבע פטלבנאה בדלך פאנכר גמיע דלך ולזמנאה
  24. באלימין אלתי תלזמה פתצוור מן דלך ומשא מענא פי אלרכילות
  25. תאני דפעה ומצא חמל עלינא אלפושעים אקרבא אלמתופא

T-S 8J5.18 2v

2v

TS 8 J 5, f. 18b

  1. וקאל לא כסרנכם אלפין דינאר פגאלטנאה בחסב סכנה
  2. מלך אלמשנה וכל מן פי אלבלד אקאמה מעה פהדדנאה
  3. בהיבת סיידנא ואכרנא אסתיפא אלימין עליה עלי גמיע
  4. מא אנכרה וסרקה ווהבנא ללפושעים דרא ונפדנאהם
  5. ואנפצלנא ענה וחצרנא מנייה זפתי וגדנא בהא
  6. ענד עואץ בן יוסף אלצבאג סבעה וארבעין דינארא פטאלבנאה
  7. בהא פקאל לא היו דברים מעולם לם יטהר בהא לא כט ולא
  8. שטר ולא חגה ולא תבת באלשהאדה גיר ר משה לא גיר
  9. דידיע בן אלנמילה פאכתצמה וראפעה וטמע אנה יחלף
  10. ויברא ולם יזל אלממלוך ומ חלפון סגולת הנדיבים אל
  11. סאכן באלמחלה ננאקלה ונערפה אן הדא שי לא יתם
  12. לה וערפנאהא אן אלמוצע אלדי יתשארר בה אן אלחצרה אל
  13. רייסיה תכרג עליה מנה אלנביד פחזב הדא עואץ גמיע
  14. אליהוד וקאלו מא ילזמה אלא חרם פצאח עליהם אלנאיב אל
  15. מנדוב ו הקהם ותולא אמר עואץ אלי אן קרב אלמבלג
  16. בעד מא אקנא מנה אלוכיל אנה יאכדהא מנה דינארין
  17. באלשהר פחניד אקנא עואץ מן נפסה אן נפסה אן ענדה ופי קבלה
  18. לתרכה הלאל אלמתופא סבעה וארבעין דינארא חוב שריר
  19. ומלוה זקופה וקבץ מנה אלוכיל דינאר ואחד ברסם אל
  20. נפקה ודכר אלוכיל קבל אלקנין אנה אנוס בחסב אנכאר אל
  21. כצם ואנפצלנא מנה וקבצנא איצא מן
  22. מנייה זפתא מן אלחזן אלכשלאוי עשרין רטל חריר כאנת
  23. ודיעה ענדה מן גמלתהא עשרה ארטאל כזאג וסט
  24. ועשרה ארטאל כזאג מקארבה ממזוגה פי נקצהא בלאסין
  25. עראקי וקבצנא מנה איצא חריר מפתול רטלין אלא כסר
بيان أذونات الصورة
  • T-S 8J5.18: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.