מכתב: Sassoon 713

מכתב Sassoon 713

מטא-דאטא

מספר מדף
Sassoon 713
שפה עיקרית
Judaeo-Arabic

What's in the PGP

  • 1 Transcription

תיאור

Letter from Shelomo Kohen b. Abū Zikrī Yehuda b. Yosef ha-Sijilmasi, in Fustat, to his father, most likely in Aden while on his return journey from India. In Judaeo-Arabic. Dating: January 1148 CE. Shelomo gives a detailed account of the Almohad invasions and persecutions in the West from 1145 to the present-day (on the day he wrote the letter, a messenger arrived with the news that Bejaia had fallen to the Almohads). He also gives a detailed description of his illness. "As for me, after having opened a shop, a great general depression (kasār) occurred. I was ill for nine months with tertiary fever (al-muthallatha) and fever of the liver (ḥummā l-kabd). Neither I, nor anyone else believed that I would recover from this. In the wake of the illness, difficulties in breathing (ḍīq nafas) befell me, which lasted two months. Had I not made up my mind to leave the business, I would have perished. At present, I do nothing, sitting partly in the qāʿa [workshop or Bible school] of Joseph and partly in the store of the Son of the Scholar. I study a good part of the night with him every night" (Goitein, Med Soc, V, p. 337). Shelomo concludes with a profuse expression of filial dedication: “Please, with the help of the Almighty, may the reply to this my letter be the sight of you, if God wills. Be not enticed by business so that you forget us. For—by my faith in Heaven—every additional day of your absence takes a year from our lives. Consider that the life of the son of man is nothing but light. You are our light. If you are not with us, how can we live?” (Goitein, Med. Soc., viii, C, 2, n. 125; translation slightly altered for clarity). Partial English translation by Goitein, Med Soc V, 59-61 and 107. Discussed in Miriam Frenkel, “Genizah Documents as Literary Products.” ASE.

תגים

Additional metadata

Collection
Various, Former Sassoon collection
תאריך קלט
In PGP since 2018
תמונה
תיעתוק
תרגום

W. H. Z. Hirschberg, "The Almohad Persecution and the India Trade‎" (in Hebrew), in Itzhaq Baer Jubilee Volume‎ (Jerusalem: The Historical Society of Israel, 1960).

Recto:

  1. ואומר מי יתן לי אבר כיונה אעופה ואשכונה וגו׳
  2. אל תירא כי אתך אני אל תשתע כי אני אלהיך וגו׳
  3. מגדל עוז שם [ייי] בו ירוץ צדיק [ונשגב]
  4. כי תעבור במים אתך אני ובנהרות לא ישטפוך
  5. כי תלך במו אש לא תכוה ולהבה לא תבער בך וגו׳
  6. כתאבי אליך יא ואלדי אלעזיז עלי וענדי [א]טאל [אללה פי אלכיר בקאך]
  7. ואדאם תאיידך ונעמאך [וכבת באלדל] אלמהין [אעדאך וחסדאך] ומן
  8. חסן אלתופיק לא אכלאך גמע אללה ביננא [עלי אסר חאל במנה ולטפה]
  9. אנה ולי דלך ואלקאדר עליה אן שא אללה יעלם בורא הכל מא גאר(?) מן אלשוק
  10. אליך ואלתוק לדיך לו הממת אן אצף בעץ דלך למא וסעה כתאב ולא
  11. כטאב ווצלני כתאבך אלכרים מן מרבאט וכאן לי כמים קרים על נפש
  12. [עיפה] . . . . . מא גרא עליך ועז עלי דלך ולאכן ברוך ייי עלי סלאמך
  13. . . . . . באלדניא ומא פיהא ואמא מא טרא עליך מן פצאיל
  14. לא יזכר אלא במעשיו הרעים כמא כאן פי אלצן אלאדא . . ק . א
  15. מעות לא יוכל לתקון ואמא גיר דלך וצלני מן תפצלך מע בן אלבקאל קאדורה
  16. י . . . . . ק צפא פי תמנהא תמאניא עשר דינאר דפעת מכס תלאתה
  17. דנאניר גיר רבע עליהא ועלי אלצנדל ועלי אלתוב ואלברדה ולאכנהא
  18. מא הי שי תנלבס ולא תצלח אלא ללוסט ודפעת איצא לסת גוהר
  19. כמסה דנאניר ואמא אלצנדל לם אביעה אעלמת מולאי דלך ואמא
  20. מא אנא עליה פאן כנת פתחת דכאן וגרא עלי אלנאס כסאר עטים
  21. וכנת קד בקית מריץ תסעה שהור באלמתלתה וחמא אלכבד ומא
  22. קלת ולא קאל אחד אנני יכון לי כלאץ מנהא וטרא עלייא עקבא דלך ציק
  23. נפס אקמת בה שהרין פלולא מא אלחק רוחי ואקום מן אלדכאן כנת קד הלכת
  24. ואנא אליום בטאל קאעד מן קאעה יוסף אלי דכאן בן אלתלמיד ואנא כל לילה
  25. אקרא ענדה אלוקת מן אלליל ואמא גיר דלך אן כל מן לנא ענדה שי מא אכדנא
  26. מנה שי ולא מעהם שי נאכד ופי הדה אלמדה רסמת עלי אבו אסחאק בן אלשופא
  27. באלתמאניה דנאניר אלדי כאנת לנא עליה פי אלאגארה ואקאם מעה
  28. אלתרסים עשרה איאם פכרג מנה עלי אלרייס בלמכרג קבח וקאל לה
  29. אנא נסלם ונעמל פיך אלנציחה ללסלטאן בכדא וכדא דינאר וצאר אן
  30. מא לקיה יגוות עליה ויקול לה מא נחתכם אלא ענד קאצי אלקצאה אן להו ענדי
  31. חק יחלף עליה ויאכדה אכרה אן תוסטו אלנאס ביננא ואכדת מנה
  32. סתה דנאניר ולולא אכדהא מנה מא קדרת נאכד שי ואמא גיר דלך
  33. אן כאן וצל מן ענד אלשיך יוסף קטיעאת צנדל מן דא אלמקארב וקאל
  34. אן קימתהם תלאתה דנאניר מלכייה וקאל אשתרי לי בהם מרואח
  35. וברוזהם וקד אשתרית להו עשרין מרוחה וברוזתהא(!) לה ופצל ענדי
  36. מן קימתהם כמסה ועשרין דרהם אתפצל אקבצהא מנה והם צחבה
  37. אלשיך אבו אלמפצל בן סלאמה אן שא אללה ואמא מא תריד עלמא מן אכבאר
  38. אלמגרב אלדי כל שומעיה תצלינה אזניו וצלו אלנאס ואקואם איצא יהוד
  39. ממן כאן חאצר פי אלמערכה ואכברו אן אלסוסי //עבד אלמומן// נזל עלי אלאמיר תאשפין פי
  40. והראן וחאצרה וקתל עסאכרה וקתל אלאמיר תאשפין וצלבה תם אנה
  41. פתח תלמסאן וקתל כל מן פיהא אלא אלדי אפשעו וענד מא אתצל
  42. אלכבר באהל סגלמאסה קאמו עלי אמירהם ואשהרו אלכלאף עלי
  43. אלמראבטין ואכרגוהם מן אלבלד ואנפדו ורא עבד אלמומן וסלמו לה
  44. אלבלד ובעד מא דכל אלבלד צם אליהוד ואערץ עליהם אלפשעות בעד
  45. אן בקו מעה סבעה שהור פי אלמראודה וכאנו טול הדה מדה פי תענית
  46. וצלאה ובעד דלך גא קאיד מן קיאדה וטלב מנהם אלפשעות ותאבו ען דלך
  47. פקתל מנהם עלי ייחוד השם מאיה וכמסין יהודי הצור תמים פעלו וגו׳
  48. ברוך דיין האמת שופט בצדק ואמת וג׳ באשר דבר מלך שלטון וג׳
  49. ואפשעו אלבקיה ואול אלפושעים יוסף בן עמראן דיין סגלמאסה על זה

Right margin:

  1. אספדה ואילילה וכאן
  2. קבל דכול עבד אלמומן אלי אלבלד
  3. וקת קאמו אהל אלבלד אלמראבטין הרב
  4. מן אהל אלבלד מן אליהוד חדוד מאתין(?) יהוד
  5. אלי אלקצבה ופי גמלתהם מר יעקוב ועבוד(?)
  6. עמומתי ומר יהודה בר מר פתחון ואכ(?)
  7. והם אלאן פי דרעא בעד אן אכדו כלמא
  8. כאן מעהם ומא נעלם בעד דלך
  9. מא אנקצא מן אמרהם ולם יבק(?)
  10. מן גמיע בלאד אלמראבטין לסאיר
  11. אלכוארג גיר דרעא ומכנאסה
  12. וקהלות אלגרב בעונות כלהם באדן
  13. ומא בקי אחד מן בגאיה אלי באב טל
  14. עליה אסם יהודי וקתל מן קתל
  15. ואפשע מן אפשע ויום אן
  16. כתבת כתאבי הדא א[תא אל]כבר
  17. באן בגאיה אכדהא שיאת(?) תב[ארך?]
  18. [ו]תעאלי יהד קות ולא
  19. יבעד(?) איצא אמל אן הוא פי נפאץ(?)
  20. באגל הדה אלדיאר וכדלך
  21. קד צח לה סאחל אלבחר גמלהם
  22. מן באב אשבליא(?) אלי באב
  23. טרטושה ובא(?) עטים . . .
  24. דלך מן אלאנדלסין אנפדו
  25. אליהו ומלכוה אלדיאר(?)
  26. ומאי בקי לא[למראבטין?]
  27. נצר פי בלאד [אלמגרב?]
  28. קרטבא וגרנאטא
  29. ודכרו . . .
  30. אן קד אכדוה . . .
  31. אלפישאניין

Upper margin, diagonal lines:

(1) . . . הא ואנמא (2) . . . אסתפתאחה פאס (3) ק[תל פיה]א מאיה אלף נסמה (4) וקתל פי מרוכוש מאיה ועשרין (5) אלף נסמה ערפתך דלך ומא (6) הו מן כבר אלא מן חצר (7) אעלמתך דלך ואמא גיר דלך (8) אנני אכדת מן אלעמיד (9) כמסין דינאר אשתרית (10) מנהא אלדי קדרת עלי (11) שראה ואלבקיה דהב פי (12) אלבית

Verso:

  1. ואכדת מן אלשיך אסחאק אלנצראני ארבעה אמנא מאמיראן
  2. מקארבה צח פי תמנהא תסעה דנאניר ואכד מני דינארין ונצף(?)
  3. מכס עלמתך דלך ואמא גיר דלך קד וגהת צחבה אסחאק
  4. קפה פיהא אסבידאג ארבע ותמאנין דר׳ לאזורד מאיה
  5. תסעה ועשרין דר׳ רב(?) סוס(?) ערק מגאת תמאניה
  6. בהמן אתני עשר דרהם גנטיאנה אתני עשר דר׳ תרנגבין יג׳ דר׳
  7. סכבינג כמסה וארבעין דר׳ עוד קרח סתה דר׳
  8. זהר בנפסג כמסין דר׳ מסתעגלה(?) ועבנה(?) תסעה גושיר מת׳
  9. גנדבאדסתר יא׳ דר׳ אסבנתין כה דר׳ אבתימון עשרה דר׳
  10. תתסלם דלך מנה אן שא אללה ואמא גיר דלך יא ואלדי בקא שי
  11. משקה בכון אן מא ענדנא גאריה פעסי אן שא אללה יכון
  12. צחבתך גאריה ואמא גיר דלך אן צניעה אלכלאפה אכד מן
  13. אלשיך אבו אלמכארם ואכוה כמסה מאיה דינאר ופרג אללה
  14. ענהם בעד דלך ואלשיך אבו אלמכארם אליום פי גאה עטים
  15. מע פכר אלצנאיע אלסאמרי ונחן בנקטע עמר מקארב
  16. פי אלטארמה אלקאסאה אלסלאלם ודין אלאהואן וקד פרגת
  17. מדה אלאגארה ומא באגסר אכלמה לאנך מא ערפתני בשי
  18. ווצל פי הדה אלאיאם אנסאן סגלמאסי עאלם יקאל להו
  19. מר יוסף בן מלאל קרא עלי בן מיגש ומעה כט בן מיגש
  20. באלמינוי וגרא לה מע אלרב מקאמאת ומא יפלח אללה בה פי [בק?]
  21. מצר לאנה מגנון והו יקריך אכץ סלאם ומתשוק אליך ומגתם
  22. כיף מא אסתגמע בך פי מצר וכדלך אנסאן יקאל לה בן קציב
  23. מן כבאר פאס הרב מן דיך אלבלאד וסלם הו ואכוה אלואחד
  24. ואכברני ען ספר תורה אלדי כנת וגהתה מע בן תאלוית
  25. אנה גאבה מעה אלי בגאיה ואנסאן כהן מן אהל פאס יקאל לה
  26. בן אלקבאוי(?) והו יקרב לנא קאל ומא מעה שי אלא דבר מעט
  27. קעד בה בזאז פי אלקשאשיין ואבו אלרביע בן סטלון גמיעא
  28. יקרוך אפצל סלאם ומתשופין לקאך אללה יגמע שמלנא
  29. ושמלהם בך עלי אפצל חאל ואבלג אמל וסאלת תפצלך
  30. אן תסתעמל לי ערצי ערץ סתה ונצף פי טול סתה או אקל
  31. יכון לי טלית ולעל בעזרת שדי יכון גואב כתאבי הדא
  32. נצרך אן שא אללה ולא יעגבך אלתגארה ותנסאנא פואמונת
  33. השמים מא מנה יום זאיד תגיב ענא פיה אלא והו נאקץ
  34. מן עמרנא סנה ואעלם אן בן אדם מא חיאתה אלא אלנור ואנת
  35. נורנא אדא גבת ענא כיף נעיש וקד כאן כתאבי תקדם אליך
  36. פי מעני בן אלחיפיה בקי ללרב ענדה תסעה דנאניר ואלרב
  37. ביטלבני כל יום בהא ומא ביסכתה עני אלא אלתחשים

Right margin:

(1) פאללה אללה כד (2) מנה ולא תכליה וקד (3) אשתרית דקיק אלחזאז ועמלתהא(!) (4) מע אלנשאדר פיס.ה(?) ואנא אן שא אללה (5) אנפדהא כץ נפסך באתם סלאם (6) ואפצלה ואטיבה ואתמה וואלדתי (7) וכרימתי יכצוך באפצל סלאם (8) עלי קדר שוקהא אליך ותוקהם לדיך (9) אללה יקר עיננא אגמעין בלקיאך אן (10) שאללה ואם אבו אלחסן ובנתהא (11) ואבנהא יכצוך באתם סלאם לך (12) אלעמר וטול אלחיאה מסכינה סת אלגרב (13) בנת זכרי מאתת מד שבעה שהור ואלשיך (14) אבו אלמנא גארנא ומן ענדה יכצוך (15) באלסלאם ותקרי ענא (16) אהלנא גמיעהם באלסלאם (17) שבט אתנט׳

Address, right-hand column:

  1. ל[כבוד גדו]לת קדושת מרינו ורבינו יהודה . . .
  2. . . . . . . . . . . . . . . . . . . . . . נין הגאונים . . .
  3. בר כב׳ גד׳ קד׳ מרור יוסף הכהן . . . . .
  4. . . . . . חיה מ . . . . .

Address, left-hand column:

  1. המתפלל לאל בעדו
  2. . . . שלמה כהן שלום
Various, Former Sassoon collection, Sassoon 713. Available online through the Princeton Geniza Project at https://geniza.princeton.edu/documents/9640/, accessed December 26, 2024.
https://geniza.princeton.edu/documents/9640/