מכתב: DK 231.1 (alt: IX)
מכתב DK 231.1 (alt: IX)What's in the PGP
- 1 Transcription
תיאור
Letter from an unidentified sender addressed to Eliyyahu the Judge. The sender alludes several times to lessons that he learned as a pupil of Eliyyahu. Reports that a certain Yosef traveled without the sender's knowledge; he has sent letters every week inquiring after him but has not received a response. Yosef's family has also heard nothing from him. During ḥol ha-moʿed of Passover the sender urged Avraham b. Hārūn to go up (to Fustat) to look for him, but he did not respond in a satisfactory way (there follows a disquisition on the decline of the generations). He states that Ibn al-Tawwazī Yosef is ill, though the context is unclear. The Tripolitans arrived and assured the sender that Yosef is well. He urges Eliyyahu to make Yosef come home, because sitting idly in Fustat will not help the captive women (some of this man's family members?). The sender has also sent two letters to R. Yosef as well as prior letter sent with Khuḍayr. Goitein's index card suggests that the sender is writing from Alexandria and that Yosef's daughters are in prison, but it's not clear where either of these are stated in the letter.
תגים
Editor: Motzkin
DK 231.1 (alt: IX) recto
Recto
- בה
- כי צדיק ייי צדקות ישר יחזו פנימו
- אלממלוך יקבל אלארץ בין ידא מושב הדרת יקרת תפארת
- צפירת מרינו ורבינו אור עיננו ועטרת ראשנו אליהו
- הדיין החכם המשכיל ירום שמו בישראל תם ינהי אנה כתיר אל
- שוק אלי גלאל טלעתהא אלנפיסי איד אללה עזהא וחרס מעאליהא
- וגמע אלשמל בתפצלהא כיף נחב ונשתהי בעונה תע ואלדי נעלם
- מולאי בה אן אלמולא ר יוסף שצ כאן קד סאפר וכאן אלממלוך
- לם יערף אלא לבעד וצעב עלי כתיר ואשתד אלשוק אכתר תם
- אן בעד ספרה לם יזל אלממלוך כל גמעה יסיר כותב ולם
- יצלני מנה קט גואב ולא וצל לאהלה כתאב ולא כבר חתי
- אנה תוהמנא אמור חס ושלום פלמא כאן פי וסטאניאת
- אלפסח לקית אברהם בן הרון פחרכתה ללטלוע פאחתג באמור
- תליק באהל אלעצר כיף תעלמנא מן בין ידאך אלכרימתין
- אדא כאנת אלאעצאר אלדי כאן בינהם אלאנביא אלדי אל
- אעצאר אלדי פיהא אלחכמים אדון לאן עדם אלנבי ידל
- עלי אנחטאט אלעצר ועדם אלחכמים ידל עלי אנחטאט
- אכתר ועדם אלגאונים ידל עלי אשד או קיל עליהם גם
- ביש לא יבושו וכ ואיצא קיל מנביא ועד כהן כולו עושה
- שקר תם אן בן אלתווזי יוסף מריץ תם אן אין איש שם על
- לב וכאן אלממלוך למא אן אנקטעת ענא אכבאר אל
- מואלי אלסאדה סירת לחצרתך עדה כותב עסי אן תטלעני
- עלי אמורה ולם יצלני גואב פלטף ית ש ווצלו אלטראבלס/י/ן
- וטמנני אנה פי עאפיה ומא קנעת אלי אן אסת<ח>לפתהם
- ב<א>ימאן תקילה עלי אלתפריד ואסעה יא מולאי תעלמה אן
- מן גד אלפסח סיר ממלוכך לה ואנא נעלמה אן מא יטלע
- אחד וכל סאעת אן ינעאק יחצל וראה אמור יתעב פי
- [[מדואתהא]] //מדואתהא(?)// לא ימכנה אלמולא אן יקעד אכתר פלו אן
- קעאדה ינפע כאן אלאנסאן יסתבסל צררה בנפע
- אלשבויות בלקעאדה צרר להם ולה לאן אדא וצל לה שי
- יטלם כאטרה תשוש פי מא ידברה ואכר מא נוצי אל
- מולא אן לו אטלעת חצרתך עלי חאל מן וראה למא
- מכנתה אן יבאת במצר וטמנה אן אולאדה פי עאפיה
- פי אנפסהם בל אמורהם תודי אלצרר ופסאד חאל ואלמולא
- הו אלדי אעלמנא בכל פצילה ואעלמנא במא גא פי וחי אחיך //עמך//
Recto - right margin
- ואלעבד אלצגיר יסלם עלי אלמולא ויקבל ידיה ורגליה ושלום רב וישע יקרב אמונה אומן ושלום ואלמואלי אלאצחאב אלסלאם עלי ואלגואב סרעה
DK 231.1 (alt: IX) verso
Verso
- תוכץ טלעתהא אלסעידה אלשריפה אתם אלסלאם ואפצלה
- ותקרי אלמולא רבי יוסף אלסלאם ותעלמה אני סירת צחבה
- הדא אלכתאב כתאבין לה וא מע חאמל הדא ווא מע
- מכארי ואכר קבל האולא מע כציר ויסלם אלמולא עלי
- אלפרעין אלנגיבין אפצל אלסלאם ואתמה ושלום רב
Verso - Hebrew address
- מושב הדרת יקרת צפירת ת[פארת מרנו ורבנו אליהו הדיין
- המשכיל ירום הודו ויגדל [כבודו
Verso - Arabic address
- يصل الى مصر الى مربعة] العطارين لدكان الشيخ
- . . . . . يسلم] للشيخ ابو الفرج بن الريس ديان مصر