רשומה קשורה ל-מכתב: T-S 12.424

מכתב T-S 12.424
  1. ציטוט
    S. D. Goitein, index cards.
    Location in source
    Relation to document
    • דיון
  2. ציטוט
    משה גיל, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.
    Location in source
    • #655
    Relation to document
    • Digital Edition
    • מהדורה
תמונה
תיעתוק
תרגום

T-S 12.424 1r

1r
משה גיל, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. [    ]אה אלדי תריד עלמה סלמך אללה אן וצל כתאבך

  2. יאמולאי ואנת תדכר פיה אן אשתרית גמיע חואיגנא

  3. ולם יבק מנהם שי וקד אשכית אן מא כאן יקבצוהם

  4. אולאד בן מטרוח ואנעאקו עלינא כתיר וקד אסתבטנא

  5. אצחאבנא אלקראיין עסי יגי מעהם כברהם ומא

  6. עלמונא שי וקד ותק האדה אלאחרף אוצקנא ולם יכן

  7. לנא פוק אלבר חאגה גיר אלא לעל[ו]ש ולמא אן בטאו עלי אל

  8. חואיג וכברהם אחתגת אלי סיידי אבן זכריה יחיי בן

  9. זרארה אלדי גבתה אלא ענדך וקלת לה אדפע לה אלכ דינ

  10. ואסעה יאמולאי הו מסאפר ולא בקי לנא עאקה גיר

  11. [      ] אנא נסאפרו ויום אן יצל אלא ענדך נחב אנך

  12. תדפע לה גמיע חואיגנא מא כלת מן בקיה אל

  13. דהב ולא תבקי לנא חאגה אלי אלדי אוצינאך פי אלכתכ

  14. ולא [כנת] אשתרית וערפנא מביוע אלדהב גמיעה

  15. וגמיע שרח הדא פי נסכה גירך אלמוצא ונחב יא

  16. מולאי אן תתפצל יום אן יצל אנך תשתרי לי איצי

  17. האד לולו כביר וגיד טייב מן י דנאניר אלהאד אלי ט

  18. ו> האד ביו דנ אלהאד אלי טו ו> אלהאד יום אן יצל

  19. ואיצי ה אמנאן קסב קרונפל וי ארטאל חריר משתות

  20. וי נצפיאת בי אלדנא אלי אלא יא אלי וציר יום אן יצל ולא

  21. תכליה יבקא סאעה אן ואחדה ויכון מא בקי לנא עאקה

  22. גיר ספרנא ולא תחתאג וצאיה וגירך יחתאג אל

  23. וצאיה וקד ילזמנא חק מא נוגהה קדר ג דנא מצריה

  24. וגמיע מא יגי בידה יגי עליה אלתקצים ואתק אלשיך

  25. אבו זכרי ולא תאכר לי בעדה חאגה ולא מא יסוא

  26. דאלך לא תכליה וכוד לי איצי הולא ווגה אלגמיע בידה

  27. מא גיר אלדהב וגהה ביד אלחאג עלי אלצקלי או ביד

  28. אלחאג עביד מן כל בד ואעלמני כל חאגה ותמנהא

  29. ולא תכליה יקעד תם סאעא אן ואחדה ואש מא כאן

  30. ענדך ווגהה מעה והו מעה רקעה אגל זכא יכרג

T-S 12.424 1v

1v

verso

  1. [ ] אנה מא יסוא [        ] אכדוה ענך כרא אלצבר

  2. וגמיע מא ילזמה הו וגמיע מא תוגה ואן כאן ללמולא

  3. חאגה ישרפנא בקצאהא ואדפע לה מקדאר מא אשתריה

  4. נסכה //או// אלרקעה אלתי הי מכתובה ענדה ערבי ועבראני

  5. אדפע וערפנא בגמיע אלמשתרא פי אלנסכה וגמיע אל

  6. תכרג ענא ולא תכלי בעדה חאגה גיי אלדהב ולא

  7. תכליה יקעד סאעא אן ואחדה אן נחן מסאפרין מן

  8. כל בד ויום אן יצל אן שא אללה אחתרז פי כרוגה ואן כאן

  9. מא בקי לה באש [ש] יסדר וצול עסי יכרג לה אחד

  10. מעאכפיך ולא תאכרה סאעא אן ואחדה ואקל מן

  11. האדה אלא מתלך כפאיה ואפצל סלאם עליך וכל

  12. מן תשמלה ענאיתך אלסלאם ועמי כלפון יבלגך

  13. אלסלאם והו יקול לך בקיה אלדהב מן אסרע מן

  14. הולא אלג אלחאג עביד או בן מטרוח אבו אלפצל או

  15. מע אלחאג עלי אלצקלי ולא תכליה באנך אכדתה

  16. בעד אלחאג עביד וערפנא בקיה אלחסאב כמא יגב

  17. ואקל מן האדה אלא מתלך כפאיה ואלסלאם ושלום רב

  18. וישע יקרב וג צרר איצי עקיק ענבי מכבדא

  19. ולא תאכרהם סאעה אן ואחדה גירך יאמולאי אל

  20. מוצא ושלום רב וישע יקרב

תנאי היתר שימוש בתצלום
  • T-S 12.424: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.