מכתב: T-S 10J15.4
מכתב T-S 10J15.4What's in the PGP
- תמונה
- 1 Transcription
תיאור
Letter from Isma’il b. Farah, Alexandria, to Nahray b. Nissim, Fustat. September 23, 1056. The letter contains details about shipments of money and goods, and several requests to send letters, as well as requests related to buying goods (mainly sugar) and selling goods (mainly silk) in Fustat. Also mentions a large shipment of wax that was sent to the government. (Information from Gil, Kingdom, Vol. 3, #490) VMR
תגים
Editor: גיל, משה
T-S 10J15.4 1r
recto
-
סידי ומולאי אטאל אללה בקאך ואדאם תאידך וסלאמתך וסעאדתך ען סלאמה ושוק אליך קרב
-
אללה אלאגתמאע בך ליב כלאת מן תשרי ואלאמר לל[ה צ]אחבה תקדמת כתבי אליך עדה ולם
-
ארא לאחדהא גואב ארגו שגל כיר אעלמתך יאסידי במא אנפדתה ביד אבו עלי בן שבל סרר פיהא
-
ק דינ ט דר מנהא סרה אלי ולייך פרח סאלתך אנפאדהא לה ארגו כתאבך ואלדנ מני באלקרב
-
ובקיה תמן אלנחאס אעלמתך במא קבצתה ללכהן כלטתך סרתין כאנת צחבה אכי סלימאן וצל
-
אלי מאזר ואנפדהא אלי הנא ורזמה בז קבצתהא הי כלטה מע אלחסן ורזמה תאניה כלטה מ[ע]
-
אלחנן הי ענד אבי אלפרג מרדוך ורזמה כאנת צחבה אבי אלקאצם בן כלף אלסוסי ראב ענא [ ]
-
אלי ראש השנה אוסקהא מע רחלה ואנכרתה עליה דלך וטלבנאהא מנה קאל מא אמרת בדפעהא
-
אלי לבן אלתאהרתי ופיהא שש וקד נסכת לך אלכתאב נסכתין ואלאסבוע אלמאצי אעטית
-
צבארה כתב לשריף אלכתאמי מכזנה פי זקאק אלקנאדיל דאר בן תדכר וצולהא ואלפיוג
-
מא יחמלו לעבד כתאב לעל תחרץ תעטי כתבה לבן שבל אללואז או אלי אסכנדראני תקול עליה
-
דאר בן חאמד <א>לעמא ואנא מתשוף למא יטרא לי מן אכבארך אלפרסי אלדי לכצתנא //ממא אנפדה// אלכהן לעלה
-
וצל תמן עלי באנפאדה ואן וצל מנה כתאב תתפצל בה ונפד עלי [ ] נסכתין לי בקין מן רביע
-
אלאול נסכה ואחדה מא זאדני פיהא שיי וקד אסתכרת אללה ושדתה פי רזמה סידי אבי זכריא
-
יהודה בן אסמעיל נע רזימה תקבצהא אן שא אללה אלרזמה אוסקת פי עשארי מן זקאק אלמחאל וכדלך
-
פי רזמה לאלחנן אצחק בן עמה שדדת פיהא רזימה לם יוסקוהא לאלאן וכדלך פי רזמה לסידי אבי אל
-
בשר סלמאן בן אלבגל רזימה אדא מן אללה בוצול אלגמיע תבקיהם אלי וצול פרח אן שא אללה
recto - right margin
-
וכדלך וזן עלי אלסלטן ג אעדאל שמע קבצהא אלאסכנדראני לעבד
-
אחב ידך עליהא הי פי גמלה אלנאס ואוזאנהא ש קקפ קפ גרוי ואנא עלי
-
שד קפאף חריר אדא מן אללה בסלאמתהא וכאן תם שהוה ביעהא אן שא אללה
recto - top margin
-
תעלמני באלאסעאר אלמגרביה ואלשרקיה תתפצל עלי בכמס קנטאר סכר גייד נסתעמלה ונצף מן מא לימון
-
חסב עואידך אלגמילה אקתצא מא בקי פי אלקיסאריה לא תפרט פיה מתפצל תכתץ אפצל אלסלם ושלם
T-S 10J15.4 1v
verso - bottom margin - address
-
סידי ומולאי אבי יחיי נהראי בן נסים נע מן אסמעיל בן פרח נע
-
אטאל אללה בקאה ואדאם תאידה וסלאמתה
