מכתב: T-S 10J14.26

recto

1. כתאבי אטאל אללה בקא מולאי אלשיך ואדאם תאידה וסלאמתה וסעאדתה

2. ונעמאה מן רשיד יום אלאחד בעד משקה אן עצימה אן ללה

3. אלחמד אלדי כאנת אלעאקבה ללכיר ונעלם אנך משגול אלקלב

4. מן נאיחיתי(!) וחמד ללה ארגו תמאם באחסאן וטריק רשיד פי אל

5. בר מנקטעה ונחן דאכלין פי אלבחר אסל מן אללה אלסלאמה

6. [         ] ואלדי נסאל מולאי פיה יתפצל עלי וישתרי לי ארדב

7. קמח עאלי ויגיבה לביתי ויצלחה לי מחתפץ ביה לפסח

8. וקד סאלת סידי סבאע כאדם אלשלישי פי אלתכלף בהא אלי

9. חין וצולהא ותאכד אלתמן מן ענד סידי אבי זכרי צהר סידי אלשיך

10. מסעוד תקול לה אנה תמנה כו דינ אללה אללה מא נחתאג

11. נוכד עליך פי דלך וקד אועדתה פי אלתכלף פיה בדנאניר

12. ותאכד לה שכירתין ותוציה באלאהתמאם עליהא [  ]אן אלמא

13. וקד בלגנא אן סער אסכנדריא בסתה דנא אלארדב

14. ואנא אצל אן שא אללה פאן וגדתהם כאעו לך אלקמח ואלי בעתה

15. לך אבא אן שא אללה ומא אחתאג אכד עלי מולאי פי דלך ונעלם

16. אן אכלפך משקה אללה לא יעדמני בקאך נחב מנך תבלג סלאמי

17. אלי מולאי אלשיך סידי אבי זכרי יהודה ביר מנשה ומולאי

18. אלשיך סידי אלשופט אדאם אללה עזה ומולאי אלשיך סידי

19. אכי עלי אכיה אד תם לי אל[טלוע] אנחדאר ומא ראיתהם

20. אחב תנוב עני פי דלך וכדלך תבלג מולאי אלשיך

21. אבי אלפצל אלדהבי סלאמי ותערפה שכרי לה אללה

22. ידרכני מכאפאתה ומא אחתאג אוכד עלי מולאי סלמה

verso

1. אללה פי אכתר מן שרא ארדב קמח ויגעל מן יתכלף לי

2. ביה לפסח לאן סער אסכנדריא בסתה דנא אלארדב

3. אללה אללה ואן יקבץ תמנה מן סידי אבי זכרי צהר סידי

4. מסעוד סלמה אללה וסבאע כאדם אלשלישי יתכלף לי ביה

5. ואן כאן לא ידפע אבו זכרי ואלעאיד באללה שי תזן אנת יאמולאי

6. מן ענדך מתפצלא קראת עלי כאצה רוחך אלשריפה אפצל

7. אלסלאם ופתאך חרסה אללה אלסלאם וסידי אלשיך אבי

8. עמראן וסידי אבי אלפרג וסידי אבי עלי אפצל אלסלם

9. וסידי אלשיך אבי זכרי וסידי ערוץ וסידי אבי אלחסן

10. יכצוך אפצל אלסלם יאסידי תדפע לאבי אלפרג

11. צהרך דרהמלן ואנא נציפהא אלא תמן לולו אן שי(!) אללה

12. פעלת מתפצל ושלום ופתאך חרסה אללה אלסלם

13. ותכץ עני מולאי אלחבר בן אלכאמכי אלסלאם

verso - bottom margin - address

1. מולאי רבנו מר נהראי ביר נסים זצל ולייה נתן בן נהראי בן נתן נע

2. אטאל אללה בקאה ואדאם תאידה