מכתב: Moss. Va,9

כתאבי יאסידי ומולאי ואלעזיז עלי אטאל אללה בקאך ואדאם סלאמתך וסעאדתך

ונעמתך מן בוציר לי איאם כלון מן שהר מרחשואן בדאה אללה כיר אלבדאיה

וכתמה אחסן כאתמא ואסעדנא ואיאך ביה ובלגנא אלמחאב פיה

ואמא אלשוק פשדיד ממא יטול שרחה ויתסע דכרה אסל אללה תעאלי

קרב אלאגתמאע במנה וכרמה פאנה עלי מא ישא קדיר וקד [תקדם]

מני למא קבלך כתאב ותאני ותאלת וארגו וקופך עלי אלגמיע אן שא אללה

וערפתך פיהם חאל אלבלד ומא הו עליה ודלך אן אלכתאן קליל רדי [ ]

אלטלב ומע דלך פלא ימשיו חאל נקד ויעסרוה אלי גאיה ואכתר אלמגרביין

פלא יאכדוהא ויחתגו פיהא בכל חגה ולא יאכדו אלא נקד אלשהואת ית[ ]

פי אלשד צרר שין לם יכון להם ברצם וקד ואללה [ ] אלי

גאיה לאני שאהדת שין לם נתעודה ואשד מא עלי אן [ ]

צמעאר קו לא אכלאק להם עביד ומן לא ירתגא [ ]

יגאמלו בעצהם אלבעץ ולא ינאסיו אצחאבהם ואי[ ]

מעהם אלי מא לא חאגה אליה פראית אני אדא הרש(?) [ ]

פעסי בדלך נבלג מא נריד אן שא אללה ובאללה [ ]

[            ] פיום נשתרי וג [ ]

[      ] אחאב אלכתאן אלג[ ]

סבכתהא סבך ומחצתהא מחץ [ ]

מליח יזין עלי גירה וק[ ]

אלנקד פאנהם יתחכמו במא לא[ ]

אלמר כתבת להא אל[ ] אלצרורה [ ] קד וציתמוני ב[ ]

לא נקדר [ ] ענהא [       ] נצל אליהא אלא באל[       ] אלגיאד [ ]

וגהת לי פי אלמרכב אלכביר דנ תצלח ממא נקו[ ]

אולא פאמר[הא] יבקא ואקף ויפות אלוקת אלוקת [ ]

[              ] בק דינ גיאד נמזגהא לי במא מעי [ ]

ונבלג מ[ ] שהותי מעא אן יגי צאחבה וישכרנא עליה [ ]

[     ] חצרה אן [      ]תני כתאן אן גיד ולם יסתוי אל[

אלא מן וקת אן וצלת אנא אלי האדה אליום ואדא כאן [ ] האדה

אלוקת כאן אלכתאן לט וקד אשתרית כתאן מא קדרה נ דינ לקאט אליך

אן צאלח גיד פיה וחיאתי צלאח נצף דינ פי כל קנ ואריד אתם

בקיה שראי מן האדה אלשרא לאן ליס ענדי שך(?) תעמל [     ]

נקוא בהא עלי גירי ואנא עלי אלחרץ ובאללה אלתופיק פלו

כאנת אלארזאק תוכד באלמצאברה למא צבקנא אליהא אחד

ואמא קאסם פמא

ואללה אולאני גמיל

ולא ע[                ] 

אהתם כמא יגב

ובאללה לולא אן

אלתגאר אלדי וראי

יראעיוני ולא

יצאיקוני למא

קצדני ולא

אצחב צנה(?)

ברזמה ואנא

ואגד עליה

ועיית כם נלטף\

ביה ונסוסה

והו צעד ולא

יפעל [         ]

ויקול ולא

יתם פלא

אחסן אללה

גזאה

ואלדי אשתריתה מן אלכתאן אלמבארך אבתדאה יום אלד פמן דלך

מימון רזמתין ד פואת אלוזן נג רטל נקי אלתמן דינרין עדדא

חסין ו רזם ואחדה נאקצה אלוזן קמב נקי אלתמן ו דנ אלא תמן עדדא

פכר(?) [ ] אלוזן ג קנ אלא תלת נקי אלתמן יא דינ אלא תלת עדדא

מרקוס ד רזם אלוזן ק נקי אלתמן ד דנ עדדא

כולי בן חגאג ד רזם אלוזן ק נקי אלתמן ד דנ עדדא

בן מכאבר(?) ח רזם ופצל אלוזן קק נקי אלתמן ח דנ עדד

אלכאל ח רזם אלוזן קק נקי אלתמן ט דנ עדד

מגיד בן צדקה רזמה אלוזן כה רטל בקי אלתמן די עדד

מגיד בן בהא(?) רזמה ג פואת אלוזן כו רטל נקי אלתמן דינ עדד

עיזם(?) ד רזם ג פואת אלוזן קו נקי   אלתמן ד דנ אלא  תמן עדד

[      ] אכר שראי ולי יום ונ לם נשתרי פיה שי והי איאם אן גידה אלנפץ מא

[           ] אסל אללה מא פיה אלכירה ואנא נסתקים מעאמלה אלכאל וברכאתה

[               ]אב אן גידא וקד קטעת סער כתאן [       ] ד דנ ונצף

[             ] נצף אלכאל סער ד דנ ונצף אלקנ עדד ואנא [         ] בקיה

[             ] וקד וצל כתאבך ביד סידי אבי אברהים עיאש ווקפת מנה עלי מא

[                      ]כר ען די[         ] חאגה [        ] ממן לא [             ] חסב מא יגב והו ואללה

[                             ] ולא תכן תגארה תשתרי בגיר מערפה [         ] בגיר

מערפה א[ ] אלכתאן אלגיד

בה דנ [                                                ] מקשר [ ] גריב מן יח אלי יז

[     ] דלך בעת אל[אכ]סיאת(?) כמא [ ] תמנהם ואמא אלאנטאע

[ליס] להם טאלב אלא י דרהם כל נטע פאן ראית ללביע וגה פכתב אלי ואנא

[     ]דד נצרף לך אלדרהם פי כתאן צרף לו אלי לה אעלמתך דלך וקד

[ט]לבו מני אלעטארין שיש דקיק ודנאנירה ואזנה פאן ראית אן תשתרי

[י] ארטאל תסתצל<ח>הא כמא יגב ותסבג מנהא אסוד ה ואלואן ה פאשתריהא

[             ] אביעהא כמא אכתאר ומא קסמה אללה כאן ביני ובינך פהי

אכ[תר] חאגתי עסי תתעלקו פיהא בשי ולא תסבג פיהא אחמר חבה אלא

ה אסוד וה אלואן אספר וחשישי ומסני ואורק ואכחל לא גיר ואלבקיה אסוד

ואלם תקדר עלי רלך כתבת אלי אבן סגמאו סלמה [אללה] שד [       ] וסדאגהא

يدفع التمارين دكان ابي الخير        بلغ هديت

الصيرفي اليهودي ان شاء الله        لما عطيت

[לסידי ומולאי אבי] יצחק ברהון בן צאלח זצל    מן סלאמה בן נס[ים] בן אסחק ננ

אלתא[הרתי]

[אטאל אל]לה בקאה ואדאם סלאמתה ונעמתה