מכתב: L-G Misc. 100
מכתב L-G Misc. 100תגים
תיאור
Letter from Nahray b. Nissim in Fustat, probably to Barhūn b. Mūsā al-Tahirtī in Būsīr, ca. 1053. Nahray sends details of various sales in Fustat and of related payments. A man arrived in Fustat, who fell ill and died within 15 days. During his illness he prepared a will, leaving 10 dinars for charity in Fustat. Some of this money was given to the son of raʾs al-galut instead, whom Gil identifies as David b. Ḥezekiya. The receiver of the letter was appointed as one of the executors of the will. On verso there are illegible accounts in the hand of Barhūn b. Mūsā al-Tahirtī. (Information from Gil, Kingdom, Vol. 2, p. 744.)
Edition: גיל, משה
Translation:
L-G Misc. 100 1r
תיעתוק
משה גיל, במלכות ישמעאל בתקופת הגאונים (in Hebrew) (Tel Aviv: Tel Aviv University, 1997), vol. 2.Recto
- כתאבי אטאל אללה בקא סידי אלשיך אלפאצ'ל ואדאם סלאמתה וסעאדתה וצרף אל
- אסוא ע[נה] ברחמתה מן מצר לי'ג' כלון מן טבת ואלחאל סלאמה ונעמה תתם בבקאיה
- ושוק שדיד אליה קרב אללה אלאגתמאע במנה וגודה בעד וצול כתאבה מורך' לי' כלו[ן]
- מן טבת וע[רפת מ]נה סלאמ[תה ו]חמדת אללה תע' עלי דלך ד'כר תעלק קלבה ואנה
- לם ירא מנא כתאב ועגבת וחק אבי נ'ע' מן דלך ב[ ] כאנת כתבי מתק[דמה]
- בשרח כת'יר בגמיע מא יחתאגה ואכ'רהא כתאב כביר מע אלשריף צאחב אלקארב
- ארגו אנה וצל אליה בעד כתאבה אלי ואלדי יחב עלמה אני קבצ'ת מן אבן חכם מ'ה' שק[ה]
- מכמד טואל וליס מעהא אלא [ ]לא תצ'[ ] ותצפחתהא כלהא וגדת [מנ]הא ה' עליה[א]
- סעיד וג' עליהא דאוד ואלבאקי מגהול וכדלך קבצ'ת מן אבן שבל ז' פוט חמר
- לדאוד פיערפני מא יראה פי באב הדא אלמתאע ואמא אלרזמה אלאולי אלדי פי דאר
- אבן רגא אלי אלאן מא אתפק לנא חלהא ואדא חלת דפעת מא הו ברסם לדאוד לברהון
- כמא אמר וקד בעת בעץ' צאבון אבן כ'לילה סער ד' ואנא אן שא אללה אביע אלבאקי
- וקד קבצ'ת מן [תמ]ן אלכברית ט'ו' ד'י'נ' וסדס ואנא אקבץ' אלבאקי אן שא אללה ואמא
- ת'מן אלזית קבץ' בעצ'ה ברהון והו יקבץ' אלבאקי ואד'א כתב ספתג'ה יכתבהא
- באסמה וראית פי כתאבה יקול הוד'א אני אכפף ענכם ועלמת אנה צ'יק צדר[ה]
- מן מא [כאן] כתב ענה פמא אעלם מן כלקה צ'יק אלצדו אלא אלאחתמאל עלי מן [כאן]
- לה עליה חגה ואנא וחק אבי יאמולאי פארח בקצא חואיגה כת'יר מתלד'ד' וחק
- מא אעתקדה בקצ'אהא וכאשף אלסראיר יעלם צחה קולי ומא יאכר כתבי
- ענה כל יום כל יום(!) אלא מא עלי מן אלאשג'אל ומצר לא ינגז פיהא שגל אלא באל
- לזום ואלמואצ'בה וקד קבצ'ת אלאעדאל אלעדלין אלאולי גא פיהא ש'ש'ע' ש'ש'[ ]
- ואמא אלו' אעדאל וזן ר' ברהון אלספתגה כמא ד'כר וואגב לדאר אלכתאן
- וחסאב כל אנסי מתבות והד'א שרחה אברהים בן יוסף אלצבאג עדלין ש'ש'פ' ש'ש'פ'
- אלואגב וזנה הו ד' ורב ו>' חבה אברהים בן מוסי עדלין ש'ש'ע' ש'ש'ס' אלואגב
- ד' וסדס ו>' חבה ברהון בן מוסי עדל ש'ש'פ' דינרין ותמן ו>' קיר' מימון עדל ש'ש'צ'
- דינרין וסדס וקד וזנת ען אלגמיע ודפעתהם לדאר אלדקיק [[ואנ]] ומעהם עדל
- מן אעדאל אלגנון ואלעדל אלאכ'ר דפעתה למכ'זנה ואנא ג'דא נרץ אלגמיע פי
- מכון ר' חסון חתי אד'א צ'אק מכזנה [[כאנת]] וגאת אלאעדאל אכדת לכם (13) קיבלתי מן
- מכון וקד ערצ'ת אלמרגאן אלדי כאן פי רזמה' אבן אלסכרי סוי די'נ' ותמן ואנא
- אצ'יפה עלי מתאע ישועה וקד עיית כם נכלם אבו אלמעאלי פי קטעה והו
- ימטלני וקד אועדני אנה יגי יבית לילתין יקטעה ו[פי] בית יוסף קד [
- לה שי ענד מגיה יביעה ויקבץ' וארגו אנה נגז [ ] עלי אכרהא
- וקד וצל לי כתאב נסים בן בנאיה והו ידכר אן [ ] לי אלמעאגר
- ואנה יסתופי [ ] חצול אלמלאה אלדביקי ואנא אכתב לאולאד אלברדאני פיהא
- וקד //כאן// וצל[ ] בן ע[ ] אלד'הב ומרץ' מסכין בעד 'טו' יום תופי [
- גאיחתה עצ'ימה ואשתג'לנא מעה פי וציאת וצדאע אלי אן דפן וקד
Recto, right margin
- רצא באל
- יהוד וגעלך אנת
- יאמולאי תשרף מע
- אבן [ ]
- בן [ ]
- וקד אוצא אלגמי[ע]
- מא לה באן יצדק ענה
- הנא י' דנ'א' ונחב
- ראיה למן יולא
- תדבירהא חתי
- תפרק וקד געל
- מגהא אלטביב ד'י'נ'
- לאבן ראס אלגאלות
- וקד לזנא אבן אשתארה
- פי אלה' דנ'א' וקד קאל לי
- אן אלדי כאן וקע עליה
- אלא[תפאק אן] יכון עליה
- הו צ'מ[אן ] דנא' ועלי
- אנא ור' ברהון דינרין
- פיערפני איש אלדי
- יריד אכתב עליה
- וקד כאן קלבי משגול
- מן גהת צ'עף ר' מימון
- כתיר ואשג'לנא ען [ ]
- אלחואיג ואלצפר מן אל
- סבב בחדית מות
- הד'א אלרגל
- ר[חמה] אללה
Recto, upper margin
- פוצל כתאבה
- בעד הד'א יד'כר
- אנה וגד ראחה
- פוחק אבי לקד
- פרחת וסררת
- בד'לך וקר אכדת
- לה צרה והי דרג
- כתאבי הד'א
- אללה יג'ריה ענהא
- באלצחה ד'כר
- אנה תפצ'ל ובאע
- בנצ' ורב' אלת'וב
- ואסלה ביע אל
- באקי ואנגאזה לא
- עדמתה אבדא
- ולעלה ילטף
- בקאסם
תרגום
L-G Misc. 100 1v
Verso
- פי אכ'ד' אלכתאן ויתם לי עליה ברקלו וכתאבי אליה דרג כתאבי הד'א וקד
- וחק אבי אבי נ'ע' אשג'ל קלבי מא ד'כרה פי כתאבה לעיאש מן אן תחרך עליה
- וגע אלגנב וסבב דאך עדמה אלשראב וקד עו'ל עלי אנפאדה מע סלמאן
- .... מע כתאבי הד'א והו שי יכסו אמלי פי הדא אלוקת [ ] אחד מן אצחאב[נא]
- קבל אליום פמא כאן יתאכ'ר ענה ואנא אסלה אן לא יקטע כתבה פי סאיר אלאוקאת
- בסלאמתה וחאל גסמה אע'צם עלינא מן כל תגארה אללה תע' יגעלה אבדא פי חיז
- אלסלאמה ברחמתה
