מכתב: ENA NS I.78

מכתב ENA NS I.78

מטא-דאטא

מספר מדף
ENA NS I.78
שפה עיקרית
Judaeo-Arabic

What's in the PGP

  • תמונה
  • 1 Transcription

תיאור

Letter from Yehuda b. Moshe b. Sughmār, in Alexandria, to Abū Bishr Azhar b. Manṣūr (aka Avraham), in Fustat, ca. 1075. Mentions a shipment of silk to Fustat that got wet. The writer cannot come to Fustat, and he asks the addressee to handle some business and money matters for him. The reason for this is that he has numerous illnesses (amrāḍ shattā), the least of which is the jarab (probably trachoma, but the word can also refer to skin diseases), and so he cannot sit or ride. Furthermore, factoring in travel expenses, he does not think the gains will outweigh the losses in his money and his health. But if the addressee thinks it is absolutely necessary, he will bear the 'fasting and difficulty' and make the trip. Meanwhile, a rumor spread in Fustat about Yehuda b. Moshe b. Sughmār, somehow involving Abū l-Faraj Dā'ūd b. Shaʿyā and the ruler Sayf al-Islam (=Badr al-Jamālī?). However, the person who was said to have been the source of the rumour publicly denied it in the synagogue, swearing truthfulness on pain of excommunication. A court decision denying the rumour was also issued. (Information from Gil.) ASE.

תגים

Additional metadata

Collection
Jewish Theological Seminary Library
Historical shelfmarks
ENA NS I, fol. 78; ENA NS I, f. 78; ENA L115
תאריך קלט
In PGP since 2018
תמונה
תיעתוק
תרגום

ENA NS I.78 1

1
משה גיל, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. תקדמת כתבי למולאי אלשיך אלגליל אטאל אללה בקאה ואדאם עלאה וכב[ת]

  2. עדוה עדה גואבא ען כתבה אלואצלה אגבתה ען כל פצל פיה[א ואמא]

  3. מא דכרה מן קבצה אל[חר]יר ונשרה ו[     ]ה פשכרת אנעאמה ו[   ]

  4. עלי דלך וסאלתה אן ינעם ויזנה [ו]יערצה ויביע מנה מא אנבאע לה

  5. ויעלמני כם סוי וכם וזנה סרעה וכאן דכר אן הלאל אכד מנה אניף

  6. וארבעין כלעה וערפתה באן וצלני כתאב אבן אכי ידכר אן אלחריר וזנה

  7. סתין רטל [ ]ר ווצלני כתאב הלאל ולם ידכר אנה אכד מן אלחריר [שי]

  8. ואשגל סרי דלך וקד כתבת כתאב לעמה ואליה נסאלהם עלי מן יסל[ם]

  9. [ ]ל ש[     ] פארגו אנהם פעלא דלך וכאן

  10. סאלת מולאי אבי זכרי יחיי אלפאסי אן יעאון מולאי אלשיך פי ביע הדה

  11. אלחריר וסאלת איצא מולאי אבי נצר בקא בן שויע אדאם אללה עזה בכתאב

  12. אן יעאון מולאי פי ביעה אן אחתאג אליהמא וכדלך ערפני אבו סעיד [       ]

  13. אל[ ] אנה עארף בזבונה ובמן ישתריה וסאלתה איצאל [               ] אלי

  14. מולאי אלשיך ויעאונה פי ביעה לאן מולאי אלשיך [ ]ונתי[ ]

  15. [     ]ה ליס יקדר עלי ביעה וראית כתבך יאמולא[י אד]אם אללה תאידך

  16. תחתני פיהא עלי [א]לטלוע למצר ותקול פי טלועך נפע פי פנון שתי

  17. [ו]ערפתך יאמ[ולא]י אן מעי אמראץ שתי אקלה אלגרב ליס אקדר אן

  18.  אגלס ולא ארכב ואיצא [יכו]ן עלי פי טלועי סלף ומון ומא אטן אנני אנת[פ]ע

  19. [מ]תל מא יציע מני מן מאלי ומן גסמי וסאלתך אן תתפצל ותשק עלי נפס[ך]

  20. [א]לכרימה פי אן תנוב עני פי דלך ותחמל עני אלטלוע ואנא ואתק בתפצלך

  21. פי דלך פאן כאן [נס]תגיר באללה תם אמר צרורי לא אבוד מן טלועי

  22. פיה ולא ממדוחה(!) ען טלועי חמלת נפסי עלי אלצום ואלצעובה ונטלע

  23. כמא קדר אללה עלי ואנא מתוקע וצול כתאבך אלכ[רי]ם במא תאמר בה

  24. נעול עליה וקד וצית אבי סעיד אן יגתמע בך פאן כאן לא אבוד מן אל

  25. חרכה תאמרה יאכד לי מוצע ננזל פיה אין מא תראה ואין כפא אללה

  26. פדאלך מן תפצלך וסאלתך אן תאכד לי חסאב בן שעיא במא וזנה עני

  27. מצנף וכדאלך מא וזנה איצא הלאל ויצלני טי כתאבך וארגו אן כתאבך

  28. באלקרב מני ב[ ד]אלך וכאן וצלני כתאב אלשיך אבי אלפרג בן שעיא

  29. יעתב וילום אן ערפה בן קסאסא אני אנא ומולאי אלשיך אבו אלפרג

recto - top margin

  1. בן נחום אדאם

  2. אללה עזה תכלמ[נא]

  3. פיה ענדה ואנא

  4. [  סא]לנאה עלי

  5. אלוקוף אלי

  6. סיף אלאסלאם

  7. אדאם אללה

  8. סלטאנה פיה

  9. פלמא וצל

  10. אלמדכור

  11. אחצרנאה

  12. בין ידי אל

  13. גמאעה

ENA NS I.78 2

2

verso

  1. וסאלנאה אן כאן קל]נא ש]יא מן דלך פחלף בין ידי אלגמאעה

  2. אנה מא סמע מ] [מן דלך ואנה מא דכרה ענא ולם יקנע

  3. מנה דלך ועולנא עלי [אלנ]זול אלי אלכניסה נחרם באסם נפוסנא אן כאן

  4. קלנא דלך ובאסם מן תקול פקאל אלכצם ענד אלחצור פי אלכניסה

  5. אנא אכפיכם פוקף ואחרם נפסה אן כאן סמע מנא דלך קט או קאלה

  6. ענא פשהד עליה כל מן חצר וכתב עליה בד[ל]ך מעשה פתערף ללשיך

  7. אלפאצל אלדי באע גמיע מא ביני ובינה בכלאם בן קסאסא ואללה ילק[י]

  8. כל אנסאן פעלה וניתה ואלסמאק ואללה יאמולאי מא לה טאלב ולעל

  9. באלקרב מן אלאידם יתחרך ונביעה וכאן קד וצל לה מן דאוד מע

  10. אלקאפלה כתאב לא שך אן דאכלה חסאב ואנפדתוה טי כתאבה

  11. ביד סלמאן אלדי כאן צירפי פי אלבטאטין אלדי כאן ברשיד מתצרף

  12. ארג[ו ] תכתב גואבה סרעה ותנפדה נצדרה מע מן [יגי]

  13. אן שא אל[לה כצצת] מולאי אלשיך באגל אלסלם ומולאי אלשיך אלגליל [אבו אל]

  14. ברכאת [                    ] מכצוצא באתם אלסלם ומולאי אבו נצר

  15. [א]דאם אללה עזה מכצוצא באלסלם ואנא מנתצר לוצול כתאבה

  16. [      ] פלא יוכרה עני ויפעל פי אלקס[ ] ושלום

verso - bottom margin - address

  1. [למו]לאי אלשיך אלאגל אבו בשר אזהר בן [מנ]צור בן סגמאר

תנאי היתר שימוש בתצלום
  • ENA NS I.78: Images provided by the Jewish Theological Seminary Library (JTSL) CC-Zero / Public Domain
Jewish Theological Seminary Library, ENA NS I.78. Available online through the Princeton Geniza Project at https://geniza.princeton.edu/documents/5725/, accessed November 27, 2024.
https://geniza.princeton.edu/documents/5725/