רשומה קשורה ל-מכתב: BL OR 5563C.19

Recto

1. [כת]אבי יאס[ידי ומו]לאי וריסי וגלילי אטאל אללה בקאך ואדאם איאם סלאמתך וסעאדתך לו' בקין מן
2. תשרי אעאדה אללה עליך סנין אן כתירא בעד וצול כתב מולאי אעזה אללה ווקפת מנה עלי
3. סלאמתך ועאפיתך אדאמהא אללה לך ודכרת יאמולאי אן ננפד אליך בקית אלרחל וקד תקדם
4. כתאבי אליך וערפתך אן אנפדת אליך פי כיטי עמר אבו עוף עדל אלי כאצת מולאי אלש[יך]
5. אדאם אללה עזה וערפני בוצולה סאלם ללה אלחמד וערפתך אן וזנת ענה דינ' כרא לאן
6. צאחב אלכיטי לם יתרכנא אלי אן אכד אלכרא כאמל ואסתכרת אללה תעאלא ואנפדת אלי
7. מולאי אלשיך פי כיטי מחמד חנדו צחבת זרעה צאחבך אידה אללה ד' אעדאל
8. מנהא עדלין כלטת כלוף בן זכרי אידה אללה עליהא אסמך ואסמה ועדל עליה
9. פרח אבן סלימאן אלקאבסי אנפדה אלי כלוף וכאתבתה פי באבה וסאלני ננפדה
10.  אלי מולאי אלשיך אידה אללה ועדל אלי כאצתי ארגו וצול אלגמיע אליך וסאלת
11.  יא מולאי אן תבקי אלעדל אלדי אלי כאצתי ענדך אלי אן נצל ולא תדפע מנה אלי [אחד]
12.  שי אלי וצולי אן שא אללה ואחב מן מולאי אלשיך אדאם אללה עלוה אן י[          ]
13.  מן קבלה קאסד אן יחצר תפתישה פי דאר מאנך לאן לי פיה חואיג אן [            ]
14.  נכשא לאלא תצ'יע וארגו אן יפעל מולאי אלשיך דלך אן שאללה ואנפדת אליך
15.  איצ'א פי כיטי מלוך סלמה אללה עדל אלי כאצתך אידך אללה והו אלעדל
16.  אלדי אכרגת מנה אלזיבק ודָאָכְלה ט'ו' תוב כז אחב מן מולאי אלש[יך]
17.  אן יבקיהא לי ענדה אלי וצולי אן שאללה ודאכלה איצא מ'ג' מלחפה דיבאג
18.  אלי יוסף בן אדוניה אלכהן אחב אן תדפעהא אליה ואלי זרעה כ' שקה סוס[י]
19.  ומלאחף דיבאג ודאכל אלעדל רקעה באסם כל ואחד ומא לה וערפתך
20.  יא מולאי אדאם אללה תאיד[ך] אן כנת אנפדת אליך אלרזמה אלואצלה מן קבל
21.  מימון אבן אפראים אידה אללה צחבת עמר אבן אלארכסי אלמסלם ואן כאן
22.  אכרא עשארי אבן אלבסמלי עלי אנה ידכל פיה פלמא אק[ל]עו פזעו אל
23.  קום מנה ופאסכוה וצאלחוה עלי נצ' אלכרא וקד וזנת ען אלרזמה ז' קרארט
24.  אלדי לזמהא פתדפע אליה מא וזן לך מן אלכרא וערפתך אן וזנת ען אלרומ[י]
25.  ואגב דאר מאנך ובאב [רשיד] ולם יתבקא עליך אלא כרא אלכיטי לא גיר
26.  והו יערפך מא ילזמהא מן אלכרא ודכלהא פי כיטי מחסן אסל מן 
27.  אללה אן יכתב עליה אלסלאמה ולם יאכדני באלאסכנדריה אלא אלקטעה
28.  אלזיבק ואלרזם אלואלצה צחבת סלאמה אלגזאל אנא נעמל עלי טלועי
29.  בהא אן שאללה ומא נחתאג נאכד עלי מולאי אלשיך אדאם אללה עזה
30.  פי אמר אלעדל אלדי לכאצתי לאן לי פיה חואיג אן [               ]א פ[               ]
31.  ועלי כאצת מולאי אלשיך אלשריפה אפצ'ל אלסלאם ובניך כל ואחד
32.  באסמה אפצל אלסלאם ואטיבה ואברכה ואזכאה ועקב שלום

Recto, right margin

1. ושכתור
2. אללכי ליס
3. ענדנא מנה
4. כבר אלא אנה 
5. כאן עמל עליה
6. אלמא ורגע
7. אלי ספאקץ
8. ופרג ואצלח
9. ותרכוה עלי
10.  אלאקלאע
11.  אסל מן אללא
12.  אן יכתב
13.  עליה אל
14.  סלאמה
15.  ויגמע עליך
16.  במנה ופצלה
17.  אמין
18.  ואלסלאם

Verso

1. שיכי ומולאי וריסי וגלילי אלשיך אלגליל אבי אלפרג                מן אפרים בן אסמאעיל נ'נ'
2. יוסף בן יעקוב בן עוכל נ'נ' אטאל אללה בקאה ואדאל<ם>        שאכר תפצלה במצר מגלסה 
3.                                               תאידה ונעמאה                                      אן שא אללה