רשומה קשורה ל-מכתב: CUL Or.1080 J17

משה גיל, (634–1099) ארץ-ישראל בתקופה המוסלמית הראשונה‎ (in Hebrew) (Tel Aviv: Tel Aviv University, 1983), vol. 3.

Recto

תוכלת עלי אללה
כתאבי יאסידי ומולאי אטאל אללה בקאך ואדאם סלאמתך וסעאדתך
מן אטראבלס אלשאם לי בקין מן מרחשון כתמה אללה עליך באחסן
כאתמה אלדי תריד עלמה קד אנפדת לסכנדרה (!) ד רזם קטן
כא שכארה תין צחבה סידי אבי זכרי בן סגמאר ולם
יתפק לי רכוב מעה אקלע פי מרכב אללכי (?) כתב אללה סלאמתה
ורכבת פי מרכב בן אלזפאת יחיי אלסכנדראני וראיתה
תואנא כתיר נזלת מנה ותרכת פיה שכארה כיש קמח
וכריטה כבירה קמח לברקה וקפה קמח עלי אלכל אסמי יעקוב
ערבי ולי מעה מרדה כרקה חמרה כז ווציתה יסלם דלך
לסידי מרדוך ואנא אכשא יציע ויאכדוה אלנואתיא פאסל
מולאי יכתב אלי מרדוך ואברהם בן אלאסכנדראני ואבו זכרי
בן סגמאר יקבצו דאלך ואן כאן עלי שי יזנוה עני ויאכדוה
מן אלוכיל אלדי ענדה אלתין ואלקטן ויאמולאי הדא עולת
נסתעמלו ללקות ואנת תעלם אלוקת לא ילחקך תואני
אנה צעב והו חול דינארין לא תציע ותכתב ותוכד ותכון

Right Margin

אלחאגה

לך

ותקצי

חקי פי

דלך

וחצלך

פי אל

כתאן

וגעלתהא

כלטה

אלנצף פי

אלקטן

ואלתין

ואלנצף

פי אלשיש

והו צחבתי

דון וי דינ

Top Margin

ואלא

נחתצלה

עלי

וצולי

למצר

וקד לך

נציב

פי אלדי

מני

לא

תפרט

פי אל

....

Verso

אלכתא[ב ] לי כבר כיר וקד רגע מרכב אלקאצי בן אבי עקיל אלי
צור והו אלמרכב אלדי אקלע מן אסכנדריה ואנא נצל אלי
צור ונכאתבך באלשרח ומתלך מן לא [ית]ואנא ואל سلام
וכל מן סאל עני אל سلام ויוסף וואלדה אל سلام וקלבי
משגול להם פי הדה אלסנה אלכירה ביד אללה עוג السلام

Below

لسيدي وموﻻي ابي يحيي نهراي بن نسيم من شاكر٥ يعقوب بن سلمان

الحريري

اطال الله بقا٥ وادام تاييد٥ الفسطاط ان شاء الله
دار الصرف ابرهيم بن اسحق التاهرتي

Upside-Down

אבי יחיי נהראי בן נסים מן ודה (?)

الحسين بن عبد الرحمن وولد٥ عيسى(?)

יעקוב בן סלמאן אלחרירי

CUL Or.1080 J17 1r