מכתב: T-S 18J4.12

מכתב T-S 18J4.12

מטא-דאטא

מספר מדף
T-S 18J4.12
שפה עיקרית
Judaeo-Arabic

What's in the PGP

  • תמונה
  • 1 Transcription

תיאור

Letter addressed to the Nagid Mevorakh about irregularities and inefficiency in the administration of the synagogue of the Iraqians in Fustat. The writer especially complains about the beadle of the synagogue. Dated ca. 1105. (Information from Mediterranean Society, II, pp. 83, 85 and from Goitein's index cards.) See AIU VII.A.17 (PGPID 6175).

Additional metadata

Collection
Cambridge University Library, Taylor-Schechter
Historical shelfmarks
TS 18 J 4, fol. 12; TS 18 J 4, f. 12; TS Box 18 J 4, fol. 12; TS Box 18 J 4, f. 12
תאריך קלט
In PGP since 2017
תמונה
תיעתוק
תרגום

T-S 18J4.12 1r

1r
S. D. Goitein, unpublished editions.
  1. בשמך רחמ
  2. אלאמור אלחקיקיאת ואלקואנין אלמרסומאת אטאל אללה בקא חצרה
  3. סיידנא אלרייס אלאגל אלוף הבינות השם הנעים הנכון מעים האלהים
  4. וכגע קץ הקריאה נאמר מפי הנשיא שאין על גביו אלא ייי אלהיו חכם
  5. הישיבה סנהדרא רבא שר השרים ונגיד הנגידים ועוז כל בית ישראל
  6. ירום הודה ויגדל כבודה אדא חדת פי אלזמאן אמר ידכל עליהא שי מן
  7. אלכלל ואהמל דלך אסתחכם אלפסאד ואעתאצת עלי מן ירום תקוימהא
  8. וחאל אלבלד קד אנפסדת ודכלת עליה אלדואכל וחצרתה אלסאמיה
  9. אדאם אללה עלוהא גאפלה ען דלך לא ישך ממלוכהא פיה והו מנהי
  10. אליהא אדאם אללה עלוהא אלאמור לתקף עליהא והי אן אלכניסה
  11. אלעראקיין עמרהא אללה בבקאהא קד אסתחכם פיהא אלכראב ואל
  12. התכה ואלכשפה ודאך אן אלדין קד געל להם אלכלאם פי אלגמיע ואל
  13. נהי ידורו עלי שארית הפלטה הנשארת מעט מהרבה ויכדעוהם
  14. בכל מעני ללאנתקאל אלי הנאך אלי אלמוצע אלאכר פקום יאכדוהם
  15. באלמסלה וקום יקולו להם תגו אלי הנאך ליכונו אולאדכם יקרו פי
  16. כל סבת אלפרשה מע אלנאס ומן יריד יתרגם יתרגם לאן אלאסדאר
  17. ענדנא לטאף קצד פי אגלאקהא ודחצהא ואללה תעאלי לא יבלגהם דלך
  18. ויבקי חצרתה אלסאמיה להא ולנא ולקד אל אלחאל מעהם אלי אן גא אלחבר
  19. ר יחזקאל ור שלום עלי עאדתהם אלי ענדנא מואליהם יום אלסבת אלי אל
  20. כניסה וגלסו אלי אן קאל אלחזן גאל ישראל וקאמו אלנאס פי אללחש פאכדוה[ם
  21. וכרגו ובקי ממלוכהא מתעגב מא ידרי למן ינסב אלעאמיה לאלדי גאו
  22. אכדוהם וכרגו מן בית ייי או לאלדי כרגו וכלו אלצלאה והדא גאיה פי
  23. אלמבאינה ואלאתקאח וקד כאן יתעיין עליהם אדא כאנו יותרו
  24. עודתהם אלי ענדהם ימצו אלי מנאזלהם ויתרצוהם כמא ישו ווגדה
  25. אכר מוגב לכראב אלכניסה אן אלכאדם מא הו צורה כאדם בל רייס
  26. אמר נאהי וכיל אלחכם אי שי אן קאל ללנאיב אמתתל ואדא קיל לה
  27. שי יקתצי חאל אלכניסה וכדמה גמאעתהא יקול לו קאל לי הדא אלקול
  28. אלרייס חפטה אללה קלת לה לא סמע ולא טאעה ומא כפא אן פי אל
  29. סכאן אלמכתצין בה נחו כמסה עשר נסמה מנהם מן יעתקד אנה
  30. שיך אלמוצע וצאחב אמר ונהי מנצאף אלי ריאסה אכיה ומנה[ם מ]ן
  31. יל]עב באלחמאם עלי צטוח אלכניסה ומנהם מתמעשין ירוחו
  32. ויגרו עלי אלכניסה ואלנסואן ואלאולאד ומן בעץ מא גרי פי איאם סוכה
  33. אלמאצי וקד ראית אלסוכה שעתה וראם בעץ אלנאס עמארתהא
  34. בתבליטהא ותגיירהא פסך דלך אלראי ולם ימכן אכתר מן תבייצהא
  35. לא גיר ללצרורה ואן בעץ אלנאס איצא אשתהא תבייץ אלכניסה פפסך
  36. דלך] איצא וכדלך אלאן למא אלתפתת חצרה סיידנא אלי פתח אלכזאנה
  37. ועמלהא רואק באעמדה פסך ראי חצרתה פיהא וקיל אן אלחאיט עטים
  38. ובטל אלאהתמאם בה והדא מן בעץ מצארבהם פי כראבהא ותם
  39. אשיא לא אטיל בשרחהא פי אלרקעה ואלמעתמד עליה פי אלניאבה
  40. ען חצרתה קד כדע ואנצוא אלי אלפראנסה מעתקד אן מא קדאמה
  41. אחד יערף] וסבב אנכדאעה ואנצואה אליהם וגוה מנהא אנה מא
  42. יכאלפהם אד קד צארו חזב ואחד ווגה אן תאני אן קד מדת אלאידי
  43. פי מאל אליתומים וקד צארו במנזלה שלם לי ואשלם לך ודאך אן
  44. אחדהם קד אכד מן מאל אליתומים דון אלמאיתי דינארא ואכר קד
  45. . . . . . .] וכסר והמא אלמסמון בפראנסה ואבן נסים ענדה

T-S 18J4.12 1v

1v
    תנאי היתר שימוש בתצלום
    • T-S 18J4.12: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
    Cambridge University Library, Taylor-Schechter, T-S 18J4.12. Available online through the Princeton Geniza Project at https://geniza.princeton.edu/documents/3534/, accessed November 27, 2024.
    https://geniza.princeton.edu/documents/3534/