מכתב: T-S 13J19.1
מכתב T-S 13J19.1What's in the PGP
- תמונה
- 1 Transcription
תיאור
Unfinished business letter sent by Mubarak b. Natan to Mubarak b. Ibrahim in Tyre, to whom he had already written three letters. (Information from Goitein's index cards)
תגים
תמונה
תיעתוק
תרגום
Editor: Goitein, S. D.
T-S 13J19.1 1r
S. D. Goitein, unpublished editions.
- על שמך
- כתאבי אטאל אללה בקא מולאי אלשיך ואדאם עזה
- וסלא]מתה ונעמתה מן אלסכנדריה
- ען חאל סלאמה ועאפיה ואלחמד ללה וחדה וען שוק
- אליה שדיד גמע אללה ביננא עלי אסר חאל במנה
- וכרמה אנה ולי דלך אן שא אללה ואלדי אעלמה בה
- וצלת אלי כתבך מע סידי אבו אלחסן ערוס וקדימ[.
- . . . .] יהא וסרני חסן סלאמתך ואנת תדכר קלה
- . . . . . .]תי לך ואללה אלעצים אסמה מא כתבת
- אלי צור אלא עדה //כותב// אחדאהם מע כלף גלאם
- אבו חגר ואכר מע צהרה מעאלי אלדמשקי ואכר
- מע סעיד אלכהן ומא ערפת הל וצלו אם לא ואנא
- שרחת מא כאן ומא וצל מא לם ימכני דכרה
- פ[י] האדא אלכתאב ואנא אשרחה לך וקת ספר אלנאס
- וקד וצל לי עמול עשרה אתואב מאירקי ועשרין
- וקאיה //מזוגה// מלונה ומלחפה כליעה וצראויל(!) לטיף ורדה
- אקבצ[[.]]ת אלגמיע ואצעדת בה דכאן בן סאמרא
- אלבזאז ובעת אלאתוב אלמאירקי יג דינ גיר תלת ולוקאיה
- אלמלונה בדינארין וט קראריט ורדה ג רובעיה
T-S 13J19.1 1v
Verso.
- וקד קבצת מן ערוס ד עמאים ג אתוב מאירקי וי תכך
- ובלה אלעטים לולא אנה תטירני עליה למא אלתקת אליהא
- ואכדת פוטה חמרה וכמאר וכיסה לטיף
Bottom margin, parallel lines written upside down.
- מולאי אלשיך אבו אלפצל מן שאכר תפצלה
- מבארך בן אבראהים מבארך בן נתן
- אטאל אללה בקאה ואדאם נעמתה
