רשומה קשורה ל-מכתב: T-S 10J19.5

[כתאבי יאסידי ומולאי] אט[אל אללה בק]אך ואדאם סלאמתך [ועאפית]ך וצרף אלאסוא ענך ברחמתה מן

[             ]יה לי בקין מן סיואן ען חאל סלאמה ונעמה ושוק אליך קרב אללה אלאגתמאע בך עלי אפצל

אלאחואל ומא תחב עלמה אן כאן תקדם כתאבי אליך וערפתך [   ] בן יוסף אלדי פי

רוחך ללה אלחמד וערפתך אמר אלכציין אלדי וצולו(!) כצי אלכז אלי וכצי אלחמראוי ודכרו אן כאן

מעהם כצי אלדואמה ואן אתלבשו בה אלגזאה וכנא משגולין אלסר מן דלך כתיר פלמא כאן אמס

כתאבי הדא וצל אלכצי להנא בעד מא טלעו אלגזא אליה ואכדו מא כאן פיה מן אלאכסיה(?)

ואלזאד ואקפאץ מן סכר כאנת לוכילה ולם יאכדו מן אלכתאן שי סוא אן פתחו תלת אעדאל

אכדו מנהא חול אלנ רטל מן כל ואחד ובקיתהא מעהם פי אלכצי ובקית אלכתאן כלה סאלם

ללה אלחמד אללה אלעאלם מא כאן עלי קלבי מן אלגם ומא דכל עלי קלבי אלסעה מן אלסרור אללה

לא יוקפך עלי מכרוה ויכתב סלאמת בקית אלמראכב ואלג אעדאל אלדי פתחת מנהא ואחד

ללמפצל ואתנין לאצחאבנא מא עלמנא למן הי וקד טלעת ללכצי אלי אן אעלם למן הי פלם אקף

לאנהא מרצוצה תחת אלסמאנין(?) ואלחבאל עליהא אעלמתך דלך וקד אכדו אלקטאיע דכלת ללכנאיס

[       ] אבי ולו עלמת אני אדע אנפדתה למא קבלך יכלץ אלתמן ואשתרי גירה למא יצלח לי [לל]

[         ] כראי מן דינ אלק למא חולה פעלת וכתב ען סרעה קראת עליך אתם אלסלם ומולאי אלרב

[הגדו]ל אתם אלסלם ואצהארך חרסהם אללה אלסלם ואלליו[אני](?) אלסלם וגמיע מן תחוטה ענאיתך אלסלם

[        ] וכנת כתבת אליך בשרח מא עלמתה ממא אוסק לך [       ] דכרו אן [

[     ארגו] כתאבך מני באלקרב ושלום ור ישועה יקרא עליך אלסלם ואחב תערפני פי כתאבך במא חצל

[    ] לי מן בן עבד [ ] אלי ענדך ואיש עמל אלשיך

[אבו אל]כיר פי [                   ]