מכתב: T-S 10J12.3
מכתב T-S 10J12.3What's in the PGP
- תמונה
- 1 Transcription
תיאור
Letter concerning several business matters. Contains details about prices of grain. The writer also mentions the local wali (chief of police) and 'amil (finance official). (Information from Mediterranean Society, IV, p. 435, and Goitein's index cards)
תגים
תמונה
תיעתוק
תרגום
Editor: Goitein, S. D.
T-S 10J12.3 1r
S. D. Goitein, unpublished editions.
- אלדי אערף אלחצרה אלסאמיה אלאגליה אלשיכיה אדאם אללה
- תמכינהא וכבת עדוהא אן כציר לם ידפע לעבדה שי ומא
- אקדר אעוק לה גלה ואמא אבן מחסן פקד קאל לי כד
- נ ארדב מא גפרת לאן אלואלי אדם רע וקד מר אבן ושאדי
- //וסרור ויסוב ודפעו לאלואלי דינאר ערפתהא דאלך // נעמה לענה אללה אליה הוה ואכו אלעאמל וקאלו לה
- אלגלה אלדי לאגרא אנהא לך פקאל יא קום אללה הו לא
- יצע אליך יוכד רחלהם וקד סמעת אנהם דפעו לה דינאר
- חתי קעד קסמהא עליהם בעד אן כאן אבו קדאמה קאל
- מא אטלקהא אלא בכמסה אראדב לא זלת מעה
- אלי אן אטלקהא ודפעת לה דינאר מן דהב אברהים ואלאן
- מא צח פי אידינא שי וקד כתבת לה כתאב אערפה מתל
- דלך ואנא מנתצר מא יצל מן אמרהא פי דלך ופי מא
- תקדם דכרה פי כתב מתקדמה לא חאגה אלי אעאדתהא
- צחבה אבו קדאמה וגירה ואמא אבו אלכיר אלביאע
- בעד אן כתבת עלי ידה כתאב וסירתה רגע מן בעץ
- אלטריק ודכר אנה אנפד אלכתאב ואלפראריג צחבה
- אלכולי ולם אערף הל הוה צחיח אם לא ואלדכאן מגלוקה
- ואלבלד שאיל מא פיה דכאן בל עשר דוד יביעו
- פי ביותהם ואלואלי חושך ויום אלסבת גו ערב אלי
Right margin, diagonal lines.
אלכום סאבקו בקרה | ומצו וגא צאחבהא | מסתגית אליה וקאל לצאחב | אמצי קול | תוגיהה | ללאתראך יכרגו
T-S 10J12.3 1v
Verso. Bottom right margin, straight lines written upside down.
- יכרגו יכשפו הדה אלנובה והוה פי
- ביתה גאלם לם יכרג ובקיו אלרקאצין
- וכל מן פי אלבלד יחתלו בו ומא הוה
- חגה ולא יצלח לולאיה בל הוה יעשק
- אלדאר מא ישתהי יכרג מנהא סאעה
- ואחדה אכתר מא יכרג יקעד פי
- אלשונה חתי אן אלכפרא קד טמעו
- פיה ומצו אלרקאצין מן ענדה ואנמא
Top right margin, perpendicular lines.
- באלזמאן פאמא אלקמח אלדי ענדך
- פי אלבית כלי מפרג יביעה ויגיב תמנה
- מעה פאמא דינאר אברהים פי הדא פצול
- מא לך בה חאגה תהיא לכסארה כחל
- אברהים וכלי מפרג ודכר נובה אלאגרא ואלסלאם
Top left margin, straight lines.
- הדא קד מא אוציתך בה פאחדר
- אן תאכד מן אחד לא גלה ולא דהב
- ואלכמסין ארדב כלי מפרג יתולאהא
- ויכלי בן מחסן יקבצהא באסמה
- ויביעהא ואחדה מן מכאלפה
- דלך פתתלף ולא תגתה
Bottom left margin, perpendicular lines.
- צולתה על מזארע ואכד אלגעל
- לרוחה ואמא אלגלה אלמתקדמה
- והי כה ארדב פהי מעי פי אלבית
- וקד אנת . בת והיה אליום בארבעין
- אלמאיה ואלמשתרי קליל
- ואמא גיר דלך פאן פתר אבן אלבשארי
- פקד יקלע ד . ין אלקצב אלדי כמק לקם וזרעהא
- וגאץ אלכולי אלי ענד אלואלי וערפה
- אן מרז . . וצלילה אלמ . . . . . ל . אלמרא מא נסר שיא אל . . באמרהא
