מכתב: T-S 10J12.2
מכתב T-S 10J12.2תגים
תיאור
Letter. Second leaf of a long letter relating what happened to the writer's brother, Abū Naṣr, on an adventurous business voyage on the Nile. Abu Nasr had been travelling, alongside others on a ship belonging to Abū Zikrī. The writer calls himself ʿabd, which probably denotes an actual slave. The letter also conveys business requests and greetings. (Information from Goitein's index cards and CUDL)
Edition: Goitein, S. D.
Translation:
T-S 10J12.2 1r
תיעתוק
S. D. Goitein, unpublished editions.- ואמא מא גרי עלי אכי אבו נצר פיטול שרחה ולכן ידכר
- אלזבד והו אן למא אן וצלו אלי פם אלחלוג קאל לה שריכה
- אטלע אלי מצר פי הדה אלמרכב ואנא אתוגה אלי בחר
- אלשרק פכאנו אצחאב אלמרכב אלמצרי צרצים טמיאים
- תעלקו באלשיך אבו זכרי וקאלו לה ליס נפתרק אמא
- אן תטלע אנת עלי מאלך ואמא אדא ארדת הדה אלרסול
- יטלע תדפע לה עשרה דנאניר ודפעהא לנא פי
- אלצנאעה פאסת. . לאכי אבו נצר חכם אללה תעאלי
- ויטלע פי אלמרכב אלצגיר ולם ידה עלה אלשיך אבו זכרי שי
- אן יזנה פי שטנוף תם גא אלשיך אבו זכרי אלי מצר אקתרץ
- לה סתין דרהמא וקאל לאכו אבו אלפרג אנא סבקת אכוך
- אלי הונא ומא מעה שי אן יזנה פי שטנוף פאלחקה
- בהדה אלדראהם תם כרג אבו אלפרג וצל אלי שטנוף לם
- יגד לה חם פבעד יומין תלתה וצל וכאנת אלמדה אלדי
- אנעאק מן אסכנדריה אלי שטנוף יח יום תם גא אלי
- שטנוף קאלו לה מא נאכד מנך אלא ח דנאניר פקאל
- להם תצלח חאלי ואלא מרת אלי מצר קאלו לא אצלח אללה
- ללבעיד חאל אן מרת אלי מצר אכתלנא ואן קעדת
- אכתלנא פסאל וצרע אלי אן אכדו מנה תלתה ונצף
- מעה סתין איש יעמל פי אלבאקי פלם //יזל// יסאל //אלרייס// אלנואתיה
- סואל אלמות חתי אנו ענה אלבאקי וקאסי מנהם אלבלא
- תם דכל בחר אלשרק מא מעה רבע דרהם אלא באלגוע
Right margin, perpendicular lines.
- ינזל אלי כל בלד יטלב אן יביע ברבע דרהם מא יקדר עליה נאס יקולו מא נריד שי ונאס יקולו
- לה בכסארה ודק בה אלי אלמחלה חתי באע מנה בתמאניה דנאניר כלון אלטאתיך בעד
- אן ת. . . רגע לה תם כזן אלבאקי פי סמנוד וכלא. והו מא חפט נאס אלרגאל
תרגום
T-S 10J12.2 1v
Verso.
- תם סהל אללה תעאלי יצל אלי מצר בעד ארבעין יום אצאב שריכה
- קד באע אלקלי [[בג]] בתלתה אצעאף ען ראס אלמאל בתחאסבי
- כרגו בלא יבע דרהם פאידה ומא יעוק בסארה יסירה
- תם עלקוה אצחאב אלגואלי מא בא . . . אלא בתלתה . לך בב . .
- דנאניר וכסר עליהא רבאעי גאליה תם דכל בעד דאך
- אלמכדול אלדי גאזבה א אבו אלפצל קד
- קמאשה מן סלעה טביב וקדודי אלי אלצנאעה וראח
- וכלא פי אלצנעה פתתפצל יא מולאי מנעמא מתפצלא
- תכוץ אלשיך אבו אלפצל באלסלאם ותקול לה אנפד כתאב
- ואתנין ותלתה לאבו מצר יכון תצמינהם סואל לאבו נצר
- אן יסאל אלשיך אבו סעד פי כלאק אלשי מן אלצנאעה וקד
- סמע אנה מא יכלפה וקאל לה אל.אמ. מא ארבעה לך
- והו אן תואנא צאע אלכל ותתפצל תגתמע באלשיך אבו זכר[י
- שריכה ותקול לה אן אלדי קאלה לך אבו נצר כרג צחיח
- בנאכדהא מן אלצבאן קליל קליל ופיהא אלב. . ואלנחאס ואלי
- אסעה מא אלנצף ומא המה המה אלוכיל ואמא לא תנעם
- אלשיך אבו אלוחש יכוצך אפצל אלסלאם ויסאל תפצלך
- תשתרי לה מנדיל סוסי בדינארין אלא מא . . . ליהא
- פאנה מחתאג אליה קראת עליך אלסלאם וגמיע מן
- תחוטה ענאיתך אלסלאם ואלכבירה תכצך באלסלאם
- ותשכר אללה עלי סלאמתך ואלשיך אבו אלוחש ואולאדו
- יקרוך אלסלאם
Right margin, perpendicular lines.
- ועבדך אבו נצר אפצל אלסלאם ואבו אלפרג אפצל אלסלאם יא מולאי תבסט לעבדך אלעדר
- פאן עבדך כתבה והו מעגל לעגלה אלרסול ומא ערפת איש אצף ו . . מא [[ . . . . ]] שלום
- שלום לרחוק ולקרוב אמר ייי ורפתיו (!)
