מכתב: ENA NS 22.1
מכתב ENA NS 22.1What's in the PGP
- תמונה
- 2 Transcriptions
תיאור
Business letter sent from Alexandria by Avraham b. Farah to Yaʿaqov b. Avraham. The writer describes the difficult situation, probably in North-Africa, and writes about a merchant who had been lost on the road and almost died before he was found and brought to a ship. He also describes the movement of ships and merchandise in Alexandria and mentions taxes. Dated June 20, 1054. (Information from Gil)
תגים
תמונה
תיעתוק
תרגום
Editor: גיל, משה
ENA NS 22.1 1
משה גיל, במלכות ישמעאל בתקופת הגאונים (in Hebrew) (Tel Aviv: Tel Aviv University, 1997), vol. 3.
Recto
- בסם אללה אלעטים
- כתאבי אטאל אללה בקא מולאי אלשיך אלגליל ואדאם עזה ועלאה וכבת אעדאה מן אל
- אסכנדריה ליב' כלון מן רביע אלאול ואלחאל סלאמה ונעמה בבקא מולאי אל
- שיך אדאם אללה עזה אלחמד ללה רב אלעאלמין תקדמת כתבי אליה עדה אר[גו]
- וצולהא ווקופה עליהא ווצל מנה אמס יומנא האדי מע מסרה אל[פיג ?]
- כתאבך ועטפהום(!) ג' רקאע דאר אלכתאן פיהא ל'א' עדל ורקעה ואחדה [מן]
- דאר מאנך פיהא י' אחמאל ואנא אן שא אללה אסתגני ען אלגמיע ורק[עה]
- דאר אלכתאן אן אחתאגהא רדתהא לה וקד וצלת אלכ' עדל ולם אנצ'ר
- אחמלהא לאן לם אקדר עלי חמל מא חמלתה פי אלמכמס אלי בעד אל
- תעב ואלשוחד וכשית אן אחמל האדי נחאסב פיהא בגיר אלמכמס יתזיד
- עלינא פיהא נחו י'ד' דינ' ואכשא לא יכון יסתדרך עלינא פי מא חמלנאה
- קבל האדי פתרכתהא לעל אללה יסהל וצול מא חמל לנא מן לאדקיה ואחמל
- אלאעדאל עוצ'ה פי אלמכמס ואלקוארב כתיר מא יתים מוצ'ע יחמל
- פיה לאן וצל אלי יומנא האדי מן לאדקיה ה' קוארב אתנין מנהא תוצקת
- זביב וקד אביע אולה ג' ותלת ואכרה דינ' ואחד ותלתין אלקנט' וקד כנת
- אכדת עלי אסחק פי כתבי אן יחמל פי אול אלקוארב לם יפעל ארגו
- אן אללה תעאלי יכתב עליה אלסלאמה וסבב נזולה וצול נביד כתיר מן
- בלד אלרום ומן לאדקיה ולם ארא פי גמלה האדי אלקוארב מן אסחק
- כתאב אלדי כאן מע בן עמיר קד סהל אללה אמרה וקד נקצ'ת מנה
- ואחדה צח וזנהא כמא עטיתה ללנקץ' י'ד' רטל ונצף ואנא אעמל עלי
- נקץ' שי אכר ולעל ידכל אבו עמראן בן אכי לה יכרג בה לאן
- סערה באסכנדריה כ'ב' ונצף אלי' ארטאל ואמא מא דכר מולאי אלשיך אדאם אללה
- עזה מן חמל בעצ'ה לדנדיר לאבי אלפצ'ל צאלח פמא לחמלה כמא
- הו בלא נקץ' וגה לאנה יבאע בוכס עטים ומע דאלך אדא אתפק מן
- ימצ'י אלי ענדה אנפדת מעה כמא דכר ואנא אעלם אן חמלה עלי
- ג'התה ליס הו ראי ואמא אעמל
Recto, right margin
- האדי לא אסלך
- קבל מולאי אלשיך
- אדאם אללה עזה
- ולו אתפק לי
- ביעה עלי גהתה
- באסכנדריה כאן
- אכיר לאן יכרג
- פיה כיט כתיר
- וינקץ קארב
- חאתם אלדי פיה
- אלי' אעדאל
- לה כאנה לי אל
- כתיר אללה
- תעאלי יסהל
- עליה ויכתב
- סלאמתה
- בסם אללה אלעטים
- כתאבי אטאל אללה בקא מולאי אלשיך אלגליל ואדאם עזה ועלוה וכבת אעדאה מן אל
- אסכנדריה ליב כלון מן רביע אלאול ואלחאל סלאמה ונעמה בבקא מולאי אל
- שיך אדאם אללה עזה ואלחמד ללה רב אלעאלמין תקדמת כתבי אליה ע. . אר[גו
- וצולהא ווקופה עליהא ווצל מנה אמס יומנא האדא מע מסרה אל[פיג
- כתאבין ועטפהום ג רקאע דאר אלכתאן פיהא לא עדל ורקעה ואחדה מן
- דאר מאנך פיהא י אחמאל ואנא אן שא אללה אסתגני ען אלגמיע ורק[עה
- דאר אלכתאן אן אחתאגהא רדתהא לה וקד וצלת אלכ עדל ולם אבצר
- אחמלהא לאן לם אקדר עלי חמל מא חמלתה פי אלמכמס אלי בעד אל
- תעב ואלשחד וכשית אן אחמל האדי נחאסב פיהא כתיר אלמכמס יתזיד
- עלינא פיהא נחו יד דינ ואכשא לא יכון יסתדרך עלינא פי מא חמלנאה
- קבל האדי פתרכתהא לעל אללה יסהל וצול מא חמל לנא מן אלאדקיה ואחמל
- אלאעדאל עוצה פי אלמכמס ואלקוארב כתיר מא יתים מוצע יחמל
- פיה לאן וצל אלי יומנא האדא מן אלאדקיה ה קוארב אתנין מנהא מצקה
- זביב וקד אוביע אולה ג ותלת ואכרה דינ ואחד ותלתין אלקנט וקד כנת
- אכדת עלי אסחק פי כתבי אן יחמל פי אול אלקוארב לם יפעל ארגו
- מן אללה תעאלי יכתב עליה אלסלאמה וסבב נאולת וצול נביד כתיר מן
- בלד אלרום ומן אלאדקיה ולם ארא פי גמלה האדה אלקוארב אסחק
- כתאב אלדי כאן מע בן עמיר קד סהל אללה אמרה וקד נקצת מנה
- ואחדה צח וזנהא במא עליהא ללנקץ יד רטל ונצף ואנא אעמל עלי
- נקץ שי אכר ולעל ידכל אבי עמראן בן אבי אעטיה ולא יכרג בה לאן
- סערה באסכנדריה כב ונצף אלי ארטאל ואמא מא אכד מולאי אלשיך אדאם
- עזה מן חמל בעצה לדנהור לאבו אלפצל צאלח פמא לחמלה כמא
- הו כלה נקץ וגה לאנה יבאע בוכס עטים ומע דלך אדא אתפק אן
- ימצי אלעונה אנפדת מעה מנה כמא דכר ואנא אעלם אן חמלה עלי
- גהתה ליס הו ראי ואמא אעמל
right margin, diagonal lines at 180 degrees to main text
האדי לא אכלף | קול מולי אלשיך | אדאם אללה עזה | ולו אתפק לי |
ביעה עלי גהתך | באסכנדריה כאן | אכיר לאן יכרג | פיה כיט כתיר |
וינקץ קארב | חאתם אלדי פיה | אלי אעדאל | לה באית ליל | כתיר אללה
תעאלי יסהל | עליה וינפד | סלאמתה
ENA NS 22.1 2
Verso, upside down (right side up in original orientation, per Gil)
- [ו]ק[אר]ב עלי בן כאלך אלדי חמלת פיה י'ב' עדל וברקלו לם יבקי לה איצ'א שגל ופי[ה]
- ראכב זכרי בן אלאשקר אללה יכתב סלמתה וקד אנפדת אלכתאבין אלאולא לאסחק
- וכדאלך אלכתאבין אלדי וצלת אמס אנפדתהא אלמראכב אלדי תחת אלמנארה אקלעת
- באלטייאר אלדי כאן ורגעת ואלחסאב עלי אלמראכב אלמבצרה אנהא אנתקלת והי מן
- אלמלאחה וחולה אללה תעאלי יכתב סלאמה אלגמיע ברחמתה וצלו קום לגיין דכרו
- אן וגדו בן אבו סלמאן אלאשקר תאיה בעד אן וקף עלי אלהלאך ומצ'או בה אלי אל
- מרכב ללה אלחמד עלי סלמתה מרכב אלקאצ'י אבו טאלב כאן יום אלאחד מוצי
- עלי אלמנארה כרג פי אלבחר נזלו מנה נואתיה שאורו בן אלשארי אן כאן ידכל
- אסכנדריה פערפהום אן עליהים ואגב כתיר רגעו אקלעו הארבין וטארדהום אל
- קוארב לם תלחקה רגע לאטראבלס וכדאלך סאלתהום ען מרכב מולאי אלקאצ'י בן אבי עקיל
- אלמקלע מן צור ערפוני אנה רגע אלי צור אלג' אעדאל אלדי וצלת מן אטראבלס
- אלי אלאן לם אביע מנהא שי לאן מא אקדר עלי אלביע אלי בחצרה אצחאב אל
- פלה וגמיע אלמתאע אלדי וצל הו ללקאצ'י אבו טאלב והום יקולו אן גא נותיה
- ראיי יגמעו חלקה קד חמל איצ'א ללאדקיה פי האדי אליום י' ברקלואת צהבא וכאן
- באע אלי' אעדאל ואלברקלו מן ק'ק'י'ז' אלי ק'ק'כ' ולעמרי עטית נצפה בעדל אלקאלוצי
- אלדי נזל מן בן אסכנדר ש'י' ארטאל תאמלת חסאב סלימאן בן מוסי אכדה בקי לה
- דינרין כמא דכר מולאי אלשיך אדאם אללה עזה רקעה אלעדל אלחלבי אלדי זאד הו פ[י]
- עטף כתאבי האדי דכר אנפאד דננ' ולו כנת בעת שי אסתלפתה מן אלוכיל [ ]
- ומע האדי אנא אחרץ וקד וזנת ען אלי'ב' עדל ואלברקלו נחו כ'ה' דינ' מאונה
- גמיע מא וצל פי האדי אלה' קוארב מן לאדקיה י'ב' רזמה קטן כצצת מולאי באתם סלם
- ומולאי אלשיך אבו עלי חסין ומולאי אלשיך אבו סעיד אדאם אללה עזהום אתם סלם וחסבי אללה וחדה
Verso (upside down in original orientation, per Gil)
- מולאי אלשיך אלגליל אבו אלפרג יעקוב בן אברהים נ'נ' אברהים בן פראח נ'נ' אסכנדראני
- ואבו אלחסין יוסף ואבו סעיד אברהים אבנא יעקוב ربيع الاول سنة ست
- חרסהם אללה
verso
- מרכב עלי בן כלף אלדי חמלת פיה יב עדל וברקלו לם יבקי לה איצא שגל ופי[ה
- ראכב זכרא בן אלאשקר אללה יכתב סלאמתה וקד אנפדת אלכתאבין אלאולא לאסחק
- וכדלך אלכתאבין אלדי וצלת אמס אנפדתהא למראכב אלדי תחת אלמנארה אקלעת
- באלטייאר אלדי כאן ורגעת ואלחסאב עלי אלמראכב אלמבצרה אנהא אנתקלת והי מן
- אלמלאחה ומלה אללה תעאלי יכתב סלאמה אלגמיע ברחמתה וצלו קום לכיין דכרו
- אן וגדו בן אבו סלמאן אלאשקר תאיה בעד אן וקף עלי אלהלאך ומצ.ו בה אלי אל
- מרכב ללה אלאמר עלי סלאמה מרכב אלקאצי אבי טאלב כאן יום אלאחד מרצי
- עלי אלמנארה רדה פי אלבחר נזלו מנה נואתיה שאורו קאל שארי אן כאן ידכל
- אסכנדריה פערפהום אן עליהום ואגב כתיר רגעו אקלעו כארגין וטארדהום אל
- קוארב לם תלחקה רגע לאטראבלס וכדלך סאלתהום ען מרכב תמלי אלקצי בן אבי עקיל
- אלמקלע מן צור ערפוני אנה רגע אלי צור אלג אעדאל אלדי וצלת מן אטראבלס
- אלשאם לם אביע מנהא שי לאן מא אקדר עלי אלביע אלי בחצרה אצחאב אל
- בלד וגמיע אלמבאע אלדי וצל הו ללקאצי אבו טאלב והום יקולו אן גד יומנא
- האדא יגמעו חלקה קד חמל איצא ללאדקיה פי האדא אליום י ברקלואת צחת אוזאן
- כ ארטאל יא עדל ואלברקלו .ן קק [. .]ל[. . . . . . . ]. .י עטית שחד ועדל אלקאלוצי
- אלדי נזל מן בן אסכנדר שי ארטאל הא. . . חסאב סלימאן בן מוסי וגדת בקי לה
- דינרין כמא דכר מולאי אלשיך אדאם אללה עזה רקעה אלעדל אלחלבי אלדי צאר תוב
- עטף . . . . האדא דכר אנפאד דננ ולו יגב בעת שי . .לפה מן אל.כיל . .ל. .
- ומע האיי אנא אחרץ וקד וזנת ען אליב עדל ואלברקלו נחו כה דינ מא. .ל.
- גמיע מא וצל פי האיי אלה קוארב מן אלאדקיה יב ו. . . . קטן וצטה צו. . באתם סלם
- ומולאי אלשיך אתם סלם ומולאי אלשיך אבו סעיד אדאם אללה עזהום אתם סלם וחסבי אללה וחדה
bottom margin, straight lines at 180 degrees to main text
מולי אלשיך אלגליל אבי אלפרג יעקוב בן אברהים ננ
אברהים בן פרח נט אסכנדרני
ל. . . אלשיך אבו סעיד אברהים א. . . . . יעקוב
אלא.ל לא. . .
חרסה אללה
