רשומה קשורה ל-מכתב: Moss. Ia,7
מכתב Moss. Ia,7- ציטוט
- S. D. Goitein, index cards.
- Location in source
- Relation to document
- דיון
- ציטוט
- Alan Elbaum, unpublished editions (n.p., 2020).
- Relation to document
- Digital Edition
תמונה
תיעתוק
תרגום
Editor: Elbaum, Alan
Moss. Ia,7 1r
Alan Elbaum, unpublished editions (n.p., 2020).
Recto:
- לבעצהם
- סאלת אלנדא (?) הל אנתהר (?) פקאל לא
- ולכנני עבד ליחיא בן כאלד
- וליס בתמן אשתראני ואנמא
- תוארתני ען ואלד בעד ואלד
- והדה בעץ אוצאף אלסייד אל
- אגל אלמולא אלאמגד תבת אללה
- מגדה וצאעף סעדה וכפאה
- כל מחדור וקד תחמל אלכאדם
- מן גמאיל אלמולא ותפ/צ/לה ואחסאנה
- מא לו ראם שרח יסירהא לכל (!)
- ען תסטירהא וכאן אלשיך אלאגל
- אלחכים אלמדהב אדאם אללה
- תופיקה וכפאה מא יחאדרה קד
- אגתמע באלממלוך יום אלאחד פי אל
- מטבך בחצור אלמולא ואערץ
- מערוץ כטר בבאלה וראית אל
- מולא קד אסתצוב אמתתאלה
- פלם יליק באלכאדם פעלה וחסן
- פי ראיי אלמציי אל{י} בלביס אכתר
- פעזמת עלי דלך גיר אנני לם
- יכן עאקתי אלא בסבב שגל
- קלבי מן גהה באב אלדאר
- ובאב אלטבקה פיחתאג אלתגייר [[באל]]
- בגמלתה ואלאיתאר כאן תגרי
- אלכאדם עלי מא עהדה מן
- תפצלהא
Moss. Ia,7 1v
Verso:
- פי אלאהתמאם באלכאדם פי
- הדא אלמעני מן גיר אהמאל
- ולא תאכיר פקד אכדת אל
- מסלה חקהא פי תקסים אל
- כאטר ואנתטאר אלאמור
- אלגיר ממכנה אלא ללאוליא
- עאלם {עלם?} אנהי אלכאדם דאלך
- בעד תקביל איאדיהא אל
- כרימה וכדמתהא באפצל
- אלסלאם
- ואנמא מא אשאר אליה חצרה
- סיידנא אדאם אללה תופיקה
- פי מא יכתץ בחצור אלממלוך
- אליה מא תהיא מן גליל אלמכרמה
- פלם יכן תאכירה אלא ען עדר
- אן ואצח ומן אעגב מא אשער
- בה סיידנא אן אלכאדם מן עטם
- מחבתה אל[ר?]אתיה וגלאלה
- מקדאר סיידנא ענדה פאנה
- באללה אלעטים קטע אלצלאה
- ו[[ח]]סא[[צר]]רע אל{י} כדמתה ויקים אל
- . לא . . לה הדא מא ישא . ואנני
- לא יתהיא לי אלספר דון אן
- יועמל באב אלדאר ובאב
- אלטבקה פכטרהם עטים
- ומא דהבה אלמרואת ואן
- תאכר ספרי פלא תחסבני
- אלא מן אלהאלכין וסלאם
