מכתב: T-S 13J7.28

מכתב T-S 13J7.28

מטא-דאטא

מספר מדף
T-S 13J7.28
עורך
S. D. Goitein, unpublished editions.
שפה עיקרית
Judaeo-Arabic

תגים

Additional metadata

Historical shelfmarks
TS Box 13 J 7, fol. 28; TS Box 13 J 7, f. 28; TS 13 J 7, f. 28; TS 13 J 7, fol. 28
תאריך קלט
In PGP since 1990

תיאור

Letter addressed to Makhlūf al-Maghribi in Jerusalem, in the 'house of Natan,' about various commercial matters. Yehuda al-Ashkenazi and Abu Khalifa are also mentioned. EMS

T-S 13J7.28 1r

1r

תיעתוק

S. D. Goitein, unpublished editions.
  1. לקי'
  2. ס]לאם אללה תע' וברכאתה ואזכא תחיאתה
  3. עלי מולא אלגליל אלמוופק אלסעיד אלשיך
  4. מכלוף אדאם אללה בקאה וחרסה ותולאה ומן
  5. חסן אלתופיק לא אכלאה ויגמע אלשמל
  6. בראיאה פי מקר רחמתה קריב גיר בעיד
  7. אלסלאם אליך מן מחבך ר יהודה אסד ואלסלאם
  8. איצא עלי אלאכת אלסעיד (צ"ל: אלסעידה) אלמוופקה אלסעידה
  9. ..... אדאם אללה בקאהא ויגמע אלשמל בראיאהא
  10. פי מקר רחמתה ואן יא אכתי לא תחמלי הם מן גהת
  11. אלכרא ואלגפר ואלנפקה איש מא נא... כלפה אנא
  12. נעטי ענך ואנא כתבת מתל מא פי הדא אלכתאב
  13. קבל אלפסח וקלת לך אנך תקומי תגי עלי איש אנך
  14. מא גיתי מע ר יהודה אלאשכנזי כנת גיתי טייב
  15. ואן יחנא חאמל הדא אלכתאב קאל לאבו כליפה אנה
  16. יגיבך פלא תעווקי נפסך ען אלמגי אי מן גא מן אליהוד
  17. תעאלי (?) ואן יא שיך מכלוף תעלם מא להא אלא אללה
  18. ואנת פאנך תהם פי זהור ותרסל להא מע אול מן
  19. יגי מן אלגמאעה ויכון כאטרהא טייב איש מא גא
  20. עליהא נחנא נזינה ענהא ואיצא יא שיך מכלוף מן
  21. אחסנך תטאלב אבראהים כר...א ותבצר אן כאן
  22. ר נתן אכד שי אסתכמל אנת אלבאקי מנה יקול לה
  23. ביקול לך אבו כליפה מא כאן הדא אמלה מנך ולא
  24. חסב אנך תחוגה אן יטאלבך ואן מסעודה בתסלם
  25. עליך ועלי אמך וכלי אמך תסלם להא עלי סארה אמראת
  26. אלמגבון אבראהים ותקול להא כאטר מסעודא כלה
  27. והי פי אלליל ואלנהאר עלי מא גרא ואן שא אללה יכלף
  28. עליכי בצבי ללחיאה ואן יא שיך מכלוף אלחריר כל רטל
  29. בקט מא אלתיקת לך פיה מצלחה חתי יגי אלחריר אל
  30. גדיד ואשתרי לך ואן תרסל תערפני איש כאן מן אמר
  31. ר נתן איש גראלה מע אלגמאעה וערפנא פי חין נייתה
  32. ביסכן אן כאן ירגע ללקדס אן יסכן פי גזה ואלסלאם
  33. אלתאם עלי ר שלמה זכרי ואן אלספרה נא.י.א עליהא
  34. גאבת קצ אכצר איש מא רסמת חתי נפעל אמא נביעהא
  35. או נרסלהא ואין איש מא אכדת מן בר יונה אשתרי לי
  36. מגפר אביץ [[מתל]] שגל אלקדס וארסלה צחבת זהור
  37. ואן מן אחסאנך מא לנא חאגה ענדך אלא זהו פאן כאן
  38. מא בתלתקי אחד יגי מן אלגמאעה כלף כאטרך אנס
  39. וגיבהא ותעאלי אסתסוק לך חאגתך ותעבך יצל לך
  40. לאן אכתהא מא בקי להא צבר עליהא מן וקת ופאת
  41. אבראהים ואן וצית אלערל חאמל אלכתאב יגידהא
  42. ו[צ]הריהא מן כיאר מן יכון בעד אלסלאם עליך ועלי
  43. זהור ועלי בנתהא ועלי ואלדתך ועלי גמיע מן יחיט
  44. בה עלמך אלכרים ושלום

תרגום

T-S 13J7.28 1v

1v

Verso

  1. יצל ללקדס אלמחרוסה ליד אלשיך מכלוף אלמגרבי
  2. אלדי פי דאר ר נתן סט
תנאי היתר שימוש בתצלום
  • T-S 13J7.28: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/1199/