Letter: T-S 13J19.3

Letter T-S 13J19.3

Input date

In PGP since 1988

Description

Letter from Shelomo b. Yehuda to Avraham Ha-Kohen b. Yiṣḥaq b. Furat.

Images and transcription

Transcription

  • לאהובינו וגדולינו ונכבדנו ושרינו וחשובנו ובבת אישוננו
  • כב קד מר ורב אברהם הכהן שר העדה הרופא
  • היקר החשוב [ישמרו] צור יעקב בן זקיננו כק מר ורב
  • יצחק זקן הקהלות ירחמהו נורא עלילות אן כאנת
  • כותבה מנקטעה ענה אדאם אללה עלוה פמואצלתי לה
  • דאימא באלדעא אללה יסתגיבה פיה סבב הדה אלחרפין
  • מא גרא פי בלדנא ודלך אן אלעדים קד חצל בינהם
  • משאחנה וקנאה ומקאולה ובדלך תדהב חקוק אלנאס
  • ויתם עליהם אשיא וכאן סאדתי בני ישועה שצ קד
  • אשתרי אכוהם ר מברך ננ ביות מערופה פי דאר והדא
  • טאהר מערוף ואשתרי בקיה אלדאר שיך גריב גוי זקן
  • אלשמי אדם רע וכאן יעמל עליהם אליום סנין והם לא
  • יעלמון ולמא בין אלעדים בעצהם בעץ שהדו לה מנהם
  • עידי שקר אן מלכהם לה ואכרגו מלכהם מן ידיהם
  • ונחן וכל יהודי פי אלקודס עארפין בצחה אלמלך להם ולם
  • ינתקל ען ידיהם בוגה ולא סבב ויכון סידי אלשיך
  • יעלם אן ועיד באללה תם הדא עלי האולי אלקום אלדי
  • הם מתאבין באיש יעמל גירהם פאללה אללה אן קדר
  • זקיננו עלי שי פי הדא אלמענא לא יבכל בה פהדא שי
  • ללכל הו ולא יכון בסבב משאחנה האולא נהלך נחן
  • והו שמ צור אהדא אלי מא יכאטב בה סידי אלקאצי אבו
  • אלמעאלי אדאם אללה עלוה פי הדא אלמעני ושלומו ושלום
  • כבודו וסיעתו והחמוד מרבה שלומו ישה רב ו נ י ו ע ו א י
  • שלמה הצ ראש ישיבת גאון יעקב ברבי א כ ת ל ת ל א ש

verso (right) #

  • حضرة سيدي الشيخ ابي اسحق ابراهيم بن اسحق
  • الكوهان المتطبب
  • حرسها اللة

# (left) #

  • راس المثيبة (او: المسهلية) الرملة
  • ان شاء اللة
  • جل وع [ز ]
Image Permissions Statement
  • T-S 13J19.3: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.