Letter: T-S 13J17.22

Letter T-S 13J17.22

Input date

In PGP since 1989

Description

Letter from Yehuda ha-Levi to Ḥalfon b. Nethanel.

T-S 13J17.22 1r

1r

Transcription

S. D. Goitein, "Newly Discovered Autograph of Rabbi Judah Halevi‎" (in Hebrew), Otzar yehudei sefarad‎ 8, no. 5 (n.p., 1965), 7-10.
  • אלשיך אלאג'ל אלחבר אלסיד אלאכמל אבו סעי(ד בן אלצ'מיאטי
  • אטאל בקא' מולאי וסידי (
  • משתמלה ואלאזאלה (
  • יא מולאי את'ר וצולי סאלמא" בחמד אללה וענדי מן אנק(טאע)
  • מג'אלסתה אלמעסולה ומפאצ'תה (!) אלמאמולה מא יכון ענד מן שאהד
  • מן פצ'לה מא שאהדת ותיקן מן ד'אתה ואדואתה מא תיקנת
  • ובחסבה אעט'ם מן קדרה מא יגב עלי ואלתזם מן ברה ושכרה
  • בחסב אלאסתטאעה אעאן אללה עלי קצ'י ואג'בה במנה אלא מזיד
  • עלי מא ענדי מן אלשגיל בה ואלתטלע אלי מא ירד מן קבלה
  • אטלעני אללה תעאלי מן דלך עלי אלנבא אלסאר ואלכ'בר אלמאמול
  • פלה אלפצ'ל אן ינעם עלי בתעריפי בצורה אחואלה ואלי
  • מא דא אל בה מא תרכתה בסבילה אסאל אללה תעאלי אן
  • ימן עליה ועלינא באכמאל צחתה ואעאדתה אלי אולה
  • ויקרב אובתה עלי אמלה ומרגובה ויצל פצ'לה בתעריפי
  • מתי תכון אלחרכה אלסעידה אנג'ח אללה מסאעיה ואדאם
  • עלי אכ'ואנה איאדיה בעזתה ופצ'לה

margin

  • ואן תפצ'ל מולאי במערפה אלחאל בי פלא ג'דיד גיר שגל אלבאל באלדי אתולי עלאג'ה כתם אללה באלחסני
  • לנא אגמעין בימנה ואקרא עלי חצ'רה מולאי אלסניה סלאמא יצ'אהי ודי ויואזי שוקי ויצ'אהי אעט'אמי
  • ותשיעי ומתלה עלי אלתאג רין אלג'לילין אבי יעקוב בן עזרה ואבי אסחק בן מעטי סידי אעזהמא אללה תם אלסלם
  • אלמרדד אלמכרר אלמעאד עלי חצ'רה מולאי וסידי ורחמה אללה תעאלי וברכאתה
  • אלאדב גירה

T-S 13J17.22 1v

1v

address (page b)

  • אלשיך אלאג'ל אלחבר אלסיד אלאכמל
  • אבו סעיד בן אלצ'מיאטי אסעדה
Image Permissions Statement
  • T-S 13J17.22: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.