Letter: T-S 13J17.18

Letter T-S 13J17.18

Tags

Input date

In PGP since 1986

Description

Letter from Moshe b. Yaʿaqov, Jerusalem, to his wife's brother Nahray b. Nissim, Fustat. Dating: 28 July 1053 CE. Additional echoes of what we found in the previous letter (T-S 13J6.22), after having received a letter from Nahray in the interim. Moshe heard that Nahray had sent money, clothing, and myrobalan with Abū l-Ṭayyib al-Baradānī, but these have not yet arrived. Moshe recently recovered from an illness (iltiyāth) and is still weak. Avraham ha-Ḥaver has also been sick. Information in part from Gil. ASE

Images and transcription

Transcription

Recto

  • אטאל אללה יאסידי בקאך ואדאם סלאמתך וסעאדתך ותאיידך ונעמאך
  • כתאבי מן אלוטן אלמקדס ואלמוצע אלמפצל יום אלד עשר כלון
  • מן אב ען חאל סלאמה ונעמה למולאי אלחמד חסב תפצלה
  • תקדם כתאבי אליך אול אלשהר גואב כתאבך ולמא כאן פי
  • הדא אליום וצל אלי כת[א]בך תדכר אן [ת]קדמת מנך אלי כתב
  • ומא כתאב יצל מנך אלא ואבאדר במגאובתך רגבה פי אל
  • וקוף עלי כתבך ועלם אחואלך וקד דכרת לי פי כתאבך אל
  • מתקדם אנך תנפד אלדנאניר מע אבו אלטיב בן אלברדאני
  • ופי כתאבך אלואצל אליום תדכר אנך אנפדת מעה אלדנאניר
  • ואלכסא ואלהלילג ומא ענדנא מנה אלי אלאן כבר אסאל אללה ימן
  • באלסלאמה ודכרת כרוגך ללריף אסאל אללה יערפך ברכה
  • מא תתוגה אליה ויבארך פי עמרך ופי מא תתקלב פיה יראך
  • ואן כאן יעז עלי בעד כברך ואנקטאע כתבך לכני נרגו
  • אנך תוצי מן ירסל אליך כתבי ותנפד אליה אלגואב ומא
  • כפי ענך יאסידי תעליק נפוסנא לנאחיה אלמגרב פמא
  • טרא אליך תתפצל בסרעה אלכתאב ומא דכרתה מן אמר
  • כרי אלדאר לסידי ומולאי אלשיך מר רב משה פקד ערפתך
  • פי כתאבי אלמתקדם אני סאלת ען אלמוצע אלדי אכרי לה
  • פערפת אנה קד אכרי ללגיר ורפעו ידהם ענה ואלמוצע
  • אלדי אכרית לה כאל אלי חין וצולה אן שא אללה אסל אללה יקרב
  • אלגמע בפצלה וערפתך מא גרי עלי מן אלאלתיאת ופרג
  • אללה גיר אני אלי אלאן מוהון אלגסם וערפתך שדה חאגתי
  • פי איזאר ללציצית א[י]ש מא אדר[כת יכון] צוף וסאלתך [תתפצל אל]
  • ענאיה פי גואב כתאב [ ]ס [ ] מן אלאסכנדריה אלדי [וצלני]
  • טי כתאבך וארגו אלגואב מני באלקרב תכתץ נפ[סך אלשריפה]
  • אפצל אלסלאם ומולאי אסשיך מר רב משה מ[כצוץ מני באלסלאם ועלי]
  • פתאה אפצל אלסלאם ואלאכת תכצך אפצ[ל אלסלאם ונחן]
  • דאעין לך אללה יתקבל פיך צאלח אלדעא ור אברה[ם החבר ]
  • וקד ערפתך פי כתאבי אלמתקדם אן לחקה צעף ו[ ]
  • ור שמעיה יכצך אפצל אלסלאם וה[ ]

Right Margin

  • ואבו יוסף ומן ענדנא יכצך באפצל אלסלאם

Verso

  • אכי וסידי אבו יחיי אטאל אללה בקאה מן משה ביר יעקב נע
  • ואדאם תאיידה

#

  • يصل الفسطاط [ان شاء] الله جسر المعارج

#

  • נהראי בן נסים נע אללה ולייה

#

  • الحسين بن عبد الرحمن نجا بن الحسين

# Upside-Down #

  • يصل هذا الكتاب الى نهراي بن من نسيم من موسى بن يعقوب جسر
  • المعاريج
  • المغربي اطال الله بقا٥
Image Permissions Statement
  • T-S 13J17.18: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.