Letter: T-S 13J16.7

Letter T-S 13J16.7

Tags

Input date

In PGP since 1986

Description

Letter from Yisrael b. Natan, Jerusalem, to Nahray b. Nissim, Fustat. In Judaeo-Arabic. Dating: 11 January 1052 CE. Apart from business matters, this letter contains information about the struggle over the position of Rosh ha-Yeshiva upon the death of Shelomo b. Yehuda. It appears that the Maghribīs are very involved in this struggle. Yisrael mentions in passing that the remnants of his illness are still with him (r7). Information from Gil. ASE

Images and transcription

Transcription

Recto

  • כתאבי יאסידי ומולאי אטאל אללה בקאך ואדאם נעמאך וסלאמתך וסעאד[תך]
  • מן אלקדס עמרה אללה לילה לו כלון מן שב[ט] ערפך אללה ברכתה ו[מאי]ליה מן [אל]
  • אשהר ען סלאמה פי אלנפס ושגל פי אלקלב ואעלמך וצלת כתבך ואחד
  • בתאריך י כלון מן כסליו ואכר בתאריך יומין כלון מן טבת וקד תאכר אלי י
  • בקין מן טבת וקד תעגבת מן תאכירה ולם יאכר כתבי ענך אלא כ[תב]ת באל
  • חמה ואלברד ואלסעה קד פרג אללה אקול [ברוך ה]ג[ומ]ל לחייבים טובות
  • ואנא אלסאעה בקי בי אתר אלצעף ודכרת פי כתאבך זיגתך אלי דאר אלכהן
  • וקד סרני דלך עצים לאן ליס במצר אחסן מן הדה אלבית ואנא
  • אהניך אסל אללה יפרחך ויתל פרחך ודכרת יאסידי פרחך וסרורך בוצולי
  • מן בלד אלרום והדא יאסידי מא תחתא[ג] תקררה ענדי לאני מא אשך פי
  • דלך ולא פי מחבתך וקד כאן וצל אלי כתאב רבינו יהודה זל ומא אכר ג[ו]אבה
  • אלא כנת וגע ופי סאעתי הדה כתבת גואבה פיה סודות גדולות ען
  • אלדי סאלני ענה פדכל ענדי שיך מן אצדקאי קראה וכרקה וקאל לי סכנה
  • תוגה הדא אלכתאב לאן אלכתאב אלדי וצל מן ענדה כנת וגע וקע פי
  • יד קום קראנה פלא ינסב אלי עגז וקאל שומר פיו ולשונו שומר וג
  • וקד דפעת אלכת[אב] לר //לרבנו// יוסף יתעבת פי אכד אלגואב ומא אמכנני
  • אכאתבך חתי אכדת גואבה ואלצלח יאסידי בעיד לאן ר יוסף יריד
  • יכון יסמא אסמה ראש ישיבה ויכון //סידנא// אלנשיא ראש ישיבת גאון יע[קב]
  • [ו]ל[כ]ן [קאל א]ל[נשי]א ליס יכון הדא אבדא וקד דכלו אלנאס הונא בינהם
  • ומא קד[רו עלי אלצלח] שי פלא תתעבו אנתם [ופי] תעבכם כסארה וקד קבצת
  • יאסידי מן סידי אבו יעקב יוסף אלכהן בן עלי אדאם אללה עזה י דנאניר
  • ואזנה אלנצף רבאעיאת סקליה עתק ואלנצף דנאניר צחאח וכאן פי אל
  • דנאניר דינ ואחד מכסור ורבאעי דנ יסוא אלדינ סער אלרבאעיאת אל
  • סקליה אלעתק פלא עדמתך ולא כלות מנך ואלדי [[אקרא]] תריד עלמה
  • אן מא כרגת מן אלבלד אלרום חתי אעטית גט ואבני קד תופי ואנא תם
  • ולם יתבקא לי תם אלא טפילה אסל אללה לא יוריני בלד אלרום אבדא
  • ודכרת יאסידי אן נסאל ען משה ביר אברהם קאבסי אלמערוף באבן גאמ[ע]
  • וקד סאלת ומא עלמת להדא אלאנסאן כבר ולקד סררת בכתאבך

Right Margin

  • ותשדידך
  • ועזאך לי כק
  • אלולי חזקו
  • ]ידים רפות
  • [ו]בר[כים] כושלות
  • א[מצו ]
  • [ ]
  • יאסידי אכיר
  • מן כל שי
  • קראת עלי
  • כאצת נפסך
  • אלשריפה
  • אפצל אלסלם
  • ורבינו יהודה
  • ]אס[ל תערפה אן
  • כתבת גואב
  • כתאבה והו
  • קד כרקה
  • אנסאן שיך
  • מפני
  • הסכנה  

Top Margin

  • וחק הדא אל
  • מוצע אל
  • מקדס לקד
  • כתבתה וכרקה
  • אנסאן שיך פלא
  • ינסב אלי עגז
  • ולא תפריט
  • בגואב כתאבה
  • ותכץ רבינו
  • יהודה אל
  • סלם
  • וסידי אבו סחק
  • ברהון בן צאלח
  • אלסלם ור
  • [אברה]ם בן אל
  • [ת]ל[מ]יד

Verso

  • וסידי אבו זכריא יהודה בן [ס]לאמה אלב[ר]קי סלמה אללה אלסלם וסידי אבו אלפרג בן
  • סעאדה ננ בן רואדה תכצ[ה] סלאמי ור עיאש בן ר צדקה ננ אלסל[ם] ומן סאל עני
  • אלסלם וכתבך לא תקטעהא עני ואנא דאעי לך ולסידי אבוסחק ברהון סלמה אללה
  • פי הדא אלמוצע אלדי קיל פיה העם היושב בה נשוא עון: אסל אללה יגמענא כלנא
  • אלי הדא אלמוצע אלמקדס ויעגל בדלך קריב אן שא אללה ושלומך ירבה ויגדל
  • תם יאסידי אמר סידנא /ר/ יוסף יגיו כלמה [ ]ן אלי האהנא מן סאיר אלבלדאן
  • ולם יקדרו עלי צלחהם לאן כיף יבקא אסמה ראש ישיבה וסידנא אל
  • נשיא לא י[ ]ל [ ] כיף יכון צלח בינהם ערפני אנת כיף יכון הדא אלצל[ח]
  • [ ] והאולאי לם ירצאו במא רציתם אנתם איש
  • [נעמל] סוא הדא וחסבי אללה וחדה

Upside-Down

  • لسيدي وموﻻي ابي يحيي نهراي بن نسيم المغربي من اسرائيل بن سهلون الفسطاط
  • اطال الله بقا٥ وادام عز٥ وتاييد٥ وسلامته ان شاء الله

Below, Upside-Down

  • الحسين بن علي وولد٥ عمر [بن يوسف]
Image Permissions Statement
  • T-S 13J16.7: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.