Scholarship on Letter: T-S 13J15.23

Letter T-S 13J15.23
  1. Bibliographic citation
    S. D. Goitein, unpublished index cards (1950–85), #10362. Princeton Geniza Lab, Princeton University.
    Relation to document
    • Discussion
  2. Bibliographic citation
    Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
    Location in source
    • #455
    Relation to document
    • Digital Edition
    • Edition
Image
Transcription
Translation

T-S 13J15.23 1r

1r
Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  1. רבות שלומות מרובבים ואלפי ברכות מאולפים ומאות טובות
  2. ניאותים ועשרות שמחות מעושרים לאביר בתורה ברכות לו
  3. להחבירה ונזר להכתירה לכבוד גדולת קדושת מרינו ורבינו אביתר
  4. הכהן הרביעי בחבורה אשר חכמתו צבורה והיא כאבן יקרה לעיני
  5. כל להאירה אשר אהבתו קשורה אסורה לא מותרה לא חלפה ולא
  6. נתמרה ישמע צור בעדו כל עתירה ויצילו מכל צרה נין כבוד גדולת
  7. מרינו ורבינו שרינו וכתרינו ועטרת ראשינו אדונינו אליהו הכהן
  8. ראש ישיבת גאון יעקב דגל עם יי נטריה רחמנא נין כב גד קד מר
  9. ורבינו אדונינו שלמה ראש ישיבת גאון יעקב זצל קד נפדת כותבי
  10. לחצרת סידנא אלראיס אלרביעי נט רח עידה ולם יגיני גואב ארגו יכון
  11. דאליך לכיר וסלאמה וקד שרחת מא ענדי מן אלוחשה פי גמיע כותבי
  12. אללה יאנס בבקאה ויסתגיב מני צאליח מא אדעוה תבע כל צלאה
  13. וקד ערף סידנא סבב תאכרי ען אלדכול אלי מצר ללאכבאר אלתי כל יום
  14. תצל מן הפחד והרעב צור ברחמיו ישקיף על עולמו וקד סאלת פי גמיע
  15. כותבי אלמכאטבה לסידנא אלנגיד נט רח ולמולאי אלחבר אלוף הבינות
  16. חכם הישיבה שצ לעל יחצל שי אגיז בה וקת לאן קד אנגלקת מן אלכרוג
  17. אלא מוציע צור סגורה לא יוכל אדם לצאת מירושלים אל רמלה וכל הדרכים
  18. בחזקת סכנה וקד תבת וליוצא ולבא אין שלום והשמועות מכל צד ופינה
  19. רעות ואסאל חצרתה אלגלילה אלמכאתבה אלי מליג אלא הבה צהרי בן אסראיל
  20. ואן ילטוף פי אמא רגועה אלא אולאדה אלדי קד תרכהום סנתין בלא שי וקד
  21. בקיו הום וואלדתהום האלכין עורי וקילה ומא בקי פיה אנאל שי מן קילה
  22. וציקת יד וטעף חאל וחאלי סידנא עאריף בחאלי ולה הדה אלמודה לם
  23. ינפד אליהום דרהם לא אקל ולא אכתר ומא כאן אלאמל פיה הדא לו אנהום
  24. מא הום אולאדה וסידנא נט רח לא יתרוך מגהוד פי הדא חתא יפעלה וקד
  25. סאלת חצרתה אלגלילה באן ישתרי לי מן מצר מנין תינכאר גיד בלוגי ותכון
  26. צוחבתה תצל ויעלם הבה צהרי אן חצל לה כתאן יכון וצולה בה אלא עסקלאן
  27. ויטלע בה מן עסקלאן לאן כל מן יצל בשי אלא יאפא יקח אותו השליש אשר ביפו
  28. ויתן אותו לבעל המחנות כצצת חצרת סידנא אלראיס אלרביעי נט רח באתם אסלאם
  29. ואסאל יכוץ חצרת סידנא אלנגיד נט רח באתם אסלאם ועלי סאדתי אולאדה שצ
  30. אתם אסלאם ועלי מולאי אלחבר אלמעולה חכם הישיבה אלוף הבינות שצ אתם
  31. אסלאם ועלי סידי אלכהן אלפרנאס נאמן הישיבה וולדה אתם אסלאם ואשר בצור
  32. אשר קשר לא נשאר לו עוזיר והפילו צורו ואסאל חצרתה אלגלילה ישרפני בכתאבה
  33. בגמיע אכבארה ומא יכון מן אמורה ואן יכון לה מקאם ועבידה אבו אטיב ואכוה
  34. יכוצו חצרתה באתם אסלאם ואכי יכוץ חצרתה אלגלילה באתם אסלאם וגמיע
  35. אלאוהבים יכוצו חצרתה באתם אסלאם ולם יתגיר אחד ען אלמחבה נכתב בזכ
  36. לעומר עבדה עלי הכהן בר יחזקאל החזן נבע

T-S 13J15.23 1v

1v

(verso)

#

  1. حضرة موﻻي
  2. حضرة سيدنا الريس الربيعي ابو الفضل ابياثار بن ايليا راس المثيبة الفسطاط عمر[ه الله
  3. سيدي صدقة بن مختار تخصه باتم السلام وتعلمه ان ال[ لم يف[عل شىء مما كان يعاهدنا عليه امانه موداة امانه موداة
Image Permissions Statement
  • T-S 13J15.23: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.