Letter: T-S 13J14.18

Letter T-S 13J14.18

Tags

Input date

In PGP since 1986

Description

Letter from Yisrael b. Natan from Jerusalem to Nahray b. Nissim, Fustat. September 8, 1060. Several financial issues between Yisrael and Nahray. Also mentions copying books and the writer asks for a shipment of cinnamon. (Information from Gil, Palestine, vol. 3, pp. 139-143, #470). VMR

Images and transcription

Transcription

Recto

  • כתאבי יאסידי ומולאי אלעזיז עלי אטאל אללה בקאך ואדאם נעמאך
  • מן אלקדס עמרה אללה לג בקין מן תשרי ואלחאל סלאמה וללה אלחמד
  • וען שוק אליך קרב אללה אלאגתמאע בך עלי כיר אנה ולי דלך ואעלמך
  • וצל כתאבך תדכר קבץ ג דנאניר מן מולאי אלכהן שריכך
  • פאוקפתה עלי כתאבך פקאל לו וצל אלי כתאבה לדפעת ג אליך
  • פקלת לה קד כתב אליך אלי אלרמלה פקאל לי אמצי אלי אלרמלה
  • פאן וגדת כתאב בדלך מן בן עמך אדפע אליך פמצא אלי
  • אלרמלה וקד קבצת מנה ג דנאניר כיאר וקד [כנת] כ[ת]בת אליך
  • כתאב אנה לם ידפע אליה שי וסאלתך תאכד כט ר אברהם פק[ד]
  • קבצתהא פלא תאכד כט ולא גירה אחסן אללה גזאך דלך
  • אלגמיע ענדי יג דינאר רבאעיאת סקליה עתק ודנאניר
  • ואנא יאסידי מנתצר לכתאבך באכבאר אלגרב ואכבאר
  • אכי אבי יחיי ואערף עלי איש אעול אמא אן אכתב
  • וכאלה למולאי אלשיך אבו סחק ברהון אדאם אללה עזה אן
  • איש אלדי תראה צואב אפעלה ואנא לה נעגז מולאי
  • אלשיך אבו אסחק עלי אלדי ירידה ואנא פי כל אלאוקאת
  • אדעו לך ולה עלי אבואב אלרחמה לאני אמצי אליהם אל
  • אתנין ואלכמיס ועלי סאיר אלאבואב אללה יתקבל מני
  • פיכם צאלח אלדעא ואן ראית לי צואב אן אוכלה עלי כל
  • טלב לי פי אלגרב תכתב אלי ותערפני במא יחסן עליך
  • וכתבך לא תכליני מנהא בגמיע אלאכבאר וסער אלקמח
  • ואלכבז ואכבאר אלגרב ואמא אלשאלה אלדי סאלת אכדי
  • גואבהא פהדא אלשהר נעני תשרי מא כאן למולאי אל
  • רייס פראג לאן אשגאלה כלהא פי הדא אלשהר ואעלמתה
  • שכרך לה פי גואב אלאולה וסרה דלך ואנא אן שא אללה
  • אכד לך גואב אלאכרי ולכנה יריד טול רוח וסבר

Right Margin

  • ואלכתאב
  • אלדי אנפדה
  • מולאי אלרב ר
  • יהודה טי כתאבך
  • הו ענדי אלי
  • וצול כתאבך במא
  • תאמר פיה
  • וכדלך אחב
  • תכתב כתאב
  • למולאי אלשיך
  • אבו סחק ברהון
  • ותערפה דעאי
  • לה ומחבתי
  • ואני לה עלי אלדי
  • ירידה וכדלך
  • תערפה קצה
  • אללה דינאר
  • אנהא צחיחה
  • לה פי אל
  • ודע

Top Margin

  • לה דינאר
  • ואלדפתר
  • תו ענדי
  • מתבות פיה
  • דלך קראת
  • עלי כאצה
  • נפסך אל
  • שריפה
  • אפצל אלסלם
  • ומולאי אלרב
  • אלסלם ור
  • אברהם ואל
  • אצדקא אל
  • סלם

Verso

  • וכתבך לא תכליני מנהא בחאגאתך וכדלך כנת כתבת אלי פי אל
  • נסך פאחב תערפני איש אלדי תריד תנסך ואן קדרת תשתרי
  • רקוק ותדפעהא למולאי אלשיך אבו נצר בן צגיר [[יוצלהא]] ינפדהא
  • אלי אלרמלה יקבצהא מכלוף ואן לם תכתאר אנת נסך אן
  • תסאל ר אברהם ביר יצחק אלתלמיד ננ אן כאן יריד נסך וקד
  • עולת עלי אני אשתי הונא אן שא אללה למא אתצל בי חדית
  • אלמא ואיצא אני מתבות במצר פי אלכראג קאטן
  • לאן כאנו כתבוני פי אלאול טארי פלמא טאלת אקאמתי
  • במצר כתבוני קאטן ולי אליום ען מצר עשרה סנין והדה
  • אליא ואלסעה קד אבתדית אנסך לצדיק //סדר// נשים ונזיקים
  • משנה פיגיני כתאבך מסרע במא תרידה מן אלנסך או ר אברהם
  • או מן תראה ושלומך ירבה ואן אכתרת תפאסיר או איש
  • מא אתפק אגוז וקתי עד ישקיף וירא יי משמים

On the Side

  • כי מצא - מן ואלה הדברים - אלי שפטים ושטרים

Upside-Down

  • לסידי ומולאי אבי יחיי נהראי בן נסים ננ מן ישראל בן נתן נע באלפסטאט
  • אטאל אללה בקאה ואדאם נעמאה ותאיידה אן שא אללה
  • لسيدي وموﻻي ابي يحيي نهراي بن نسيم المغربي من اسرائيل بن سهلان المغربي الفسطاط ان
  • [شاء الله] اطال الله بقاه وادام عزه وتأييده وسلامته الحسين بن علي وولده عمر بن يوسب
Image Permissions Statement
  • T-S 13J14.18: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.