Letter: T-S 13J13.5

Letter T-S 13J13.5

Tags

Input date

In PGP since 1986

Description

Letter from Moshe b. Ya'qub, Jerusalem, to Nahray b. Nissim in Fustat

T-S 13J13.5 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

Recto

  • אטאל אללה יאכי וסידי בקאך ואדאם סלאמתכום וסעאדתכ[ום]
  • וכאן לך ולי פיך ולייא וחאפצא במנה ופצלה תקדמת
  • כתבי אליך ומא אשך אן לם יאכר אלגואב עני אלא גיבתך
  • פי אלריף אסל אללה ינצרך ויעצדך ו[יגע]ל אלברכה פי [כל]
  • מעיתך ומעישתך טאל שוקי יאסידי [ות]עלק נפסי לאכ[ותי פי]
  • אלמגרב זאיד עלי מא נחן פיה מן שג[ל לא]סר ואלם אלנפס
  • ומא סמענא אלי אלאן כבר ולא אן כאן [אחד יסא]פר אלי מצר נטלע
  • מן גהתכם עלי חאל וקד כאן סידי אבו סהל מנשה צהרי
  • יכתב אלי פמד תופי יהודה נע מא ראית לה כתאב
  • ואכזית נפסי פי מכאתבתה פקד יכון עלי קלבה מן דלך
  • תקל ובקית אנדב דרכי צורר ויפשחני שמני שומם מתוקע
  • כל מיעאד כתאב פלא ארא שי וקד כתבת כתב ללגרב
  • ואנפדתהא מע כתאבי הדא תתפצל אן מצא אחד אצחאבנא
  • אנפדהא פי גמלה כתבך לסידי אבו אסחק ברהון בן יצחק נע
  • ואללה אלעאלם כיף כתבתהא פמא לי קלב ולא דהן ממא הודא
  • אלקא מן סאיר אלוגוה מא לא יחמל אלכתאב ואללה אלמסתעאן
  • עלי כל אלאחואל ואנא ארגב אלי פצלך תסאל סידי אבן אסחק
  • פי כתאבך אלענאיה פי איצאל אלכתב ותוגיה אלגואב וקד
  • חסן חאל אלשאם פי האה אלאיאם פי אנצלאח אלטרק ורכא
  • אלסער אסל אללה תמאם אלנעמה בפצלה ואנא מנתטר
  • לוצול כתאבך פמא לי במא נתפרג אכתר מנה אללה יפרג
  • ען קלבך כל מהם ויתקבל מנא צאלח אלדעא לך פי הדא
  • אלמוצע אלמקדס וכתאבי סלך אדר שני אסל אללה יגעל
  • מא נסתקבלה אימן אלשהור עליך ואסעדהא לך ויזכיך
  • שנים רבות וכל ישראל ששים שמחים בנין ביתו ושכלול
  • היכלו ויועדינו בו בביאת משיחו בקרוב תכתץ
  • נפסך אלשריפה אפצל אלסלאם ומולאי אלשיך ר משה
  • ופתאה וקאה אללה ר אברהם אפצל אלסלאם וסאיר
  • אצחאבנא וכל מן סאל ענא עפצל אלסלאם ואבו יוסף יכצכם
  • אפצל אלסלאם

T-S 13J13.5 1v

1v

Verso

  • [ל]אכי וסידי אבו יחיי אטאל אללה בקאה מן משה ביר יעקב נע
  • [ ]עליה

Upside-Down #

  • لسيدي ابو يحيي اطال الله بقا٥ وادام من موسى [بن يعقوب
  • نعما٥ نهراي بن نسيم اله وليه
  • الى نهراي بن نسيم
  • [الحسين] بن طاهر نجا بن الحسين اﻻنصاري
Image Permissions Statement
  • T-S 13J13.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.