Letter: DK 238.2 (alt: VI)
Letter DK 238.2 (alt: VI)What's in the PGP
- 1 Transcription
Description
Letter from Saʿīd b. Yūnus, in מנומון (Memnon?), to Nahray b. Nissim, in Fustat, ca. 1060. The writer works for Nahray in acquiring flax from the villages in the area. He impatiently awaits the arrival of Nahray. Various local Muslims are mentioned who have business relations with Nahray, including "the Sultan," perhaps the local military leader. Information from Gil.
Image
Transcription
Translation
Editor: Gil, Moshe
DK 238.2 (alt: VI) recto
°
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
Recto
- בשמך רחמנא
- כתאבי אטאל אללה בקא מולאי ואדאם עזה ותאיידה וסלאמתה וסעאדתה ונעמה וכבת
- באלדול אעדאה מן אלמנימון יום אלגומעה ליומין בקין מן מרחשון ערפך אללה
- ברכתה וסעאדתה ואצרפה ענא וענך באלסלאמה ואלחאל סלאמה ונעמה לה(!) [אל]
- חמד ואלמנה וען שוק אליך שריד קרב אללה אלאגתמאע במנה וכרמה וקד
- עלם אללה תעאלי כתרת שוקי אליך וקלקי ובאללה אלעטים לאני לו עלמת
- אן כונת תקאס אלי הדה אלג'איה מא כונת אג'י אלא במג'יך ממא אנא פי אלאנתט'אר
- פי כול יום ומא געלני אן לא אכתוב אליך אלא אלאנתט'אר לאן וצל כתאבך
- אלעזיז עלי ותקול אן בעד אלסבת אכרוג' פארגו אן יכון תאכורך לכיי'ר
- ואמא מא דכר מולאי אדאם אללה עולאה מן כבר אלדאר אכ'דו לנא אל
- דאר אלדי כאן פיהא אידריס אלכ/א/תב וקאלו לחאל אלשד אן יכון פי דאר
- אלבנזארתי וחאל אלמסיר אל<י> אלפיום גא פי הדה אלגומעה מחמד בן קמקום
- מע אלבג'איי ודכרו אן אלרייש טולב לסלטאן פאכ'רו דלך אלי וצול מולאי
- אן שא אללה ואלעאמיל ואלקאצ'י יסאלוני ען כברך פי כל יום אללה יגעלך 2-1
- פי חאל אלסאלמה(!) ואנא אסאל מולאי אדאם אללה עזה אן יאכ'וד לי מעה דסת ורק
- דמשקי ג'ייד ויאכ'וד לנא מעה אלזנאר מן חואג'י קראת עלי מולאי אפצ'ל
- אלסלאם ואידריס יכוצך באתם אלסלאם ואבי אלקאסם הבה יכוצך באתם
- אלסלאם ויקול לך אללה אללה חואגי לא תכלני מנהא [[ואלם]] ואלסלם
- ואנא אסאל מולאי אדאם אללה עולאה אן יבלג' סלאמי כתיר למולאי
- ורייסי אלרב אדאם אללה עזה ועלי סידי אבו אלפרג' עיאש אלסלם
- ואבי יעקב יוסף אלסלם ואבי עמראן אלדי מע אלרב אלסלם וכל מן סאל
- עאני(!) אלסלם והדא אלכתאב כתבתה עלי חאל עגלה פאעדרני
- פיה ושלמך יגדל ואל ידל
Recto, right margin
- ואיצא אסאל מולאי אדאם אללה עלאה וכבת אעדאה אן לא יכליני מן אכבארה ואן תאכ'ר אכתר מן הדא פלא יכליני מן כתאבה לתסכ/ו/ן
- נפסי אליה ואכבאר [ ] אללה ועקב שלום
DK 238.2 (alt: VI) verso
°
Verso
- لسيدي ومولاي ابي يحيى نهراي بن نسيم من سعيد بن يونس شاكر مننه
- اطال الله بقاه وادام عزه يصل التمارين دكان ابي الخير الصيرفي