Legal document: Moss. VII,101

Legal document Moss. VII,101

Input date

In PGP since 1988

Description

Legal document issued by Natan b. Avraham's court, in connection with trade between Egypt, North Africa and Sicily. Fustat, February-March 1040.

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  • [חצרו אלי בית דין הגדול] שלאדוננו נתן ראש ישיבת גאון יעקב נט רח כלף בן מוסי אלברקי
  • [וסלמאן בן דאוד בן שמ]עון וטאלב כלף הדא לסלמאן הדא בעדל אלניל דכר אנה //כאן// אנפדה ג אעדאל
  • [ניל אלי ] ועדלין ניל אלי סקליה עלי ידי דאוד בן עזרון ואן מן הדה אלגמלה עד[ל
  • [ ] סהלאן בן יהושע אלטראבלסי אלסאכן בסקליה ואן עדל ניל מנהא [ ]
  • [ ] אלמקים בסקליה ואן גא אלמרכב אלדי כאן פיה אלעדל אלניל אלמפרד [ ]
  • [ ] סופר הדא במדינה אלמהדיה ואן סלמאן בן דאוד בן שמעון הדא קבצה מן אל
  • [ ] פסאלנא סלמאן הדא ען מא דכר כצמה פקאל אנני כנת בסקליה חתי
  • [סאל]ני סהלאן אתולי [ ] עדל מחמול אליה מן כלף הדא דכר אנה חצל באלמהדיה ואן
  • [ ] אבו יעקוב בן אלשאמה ניאבה ען סהלאן הדא [[ ]] פאגבתה ס[וא]לה תם אחצר אבו
  • יעקב אליי מע סהלאן וכתב לי כתאב אלי בן בניה באן יסלם אלעדל אליי ואמרני אבו יעקב
  • בן אלשאמ[ה] באן אדפע אלעדל אלי סהלאן ה[ד]א ואן אמורה הי אמור[ה ] תם מצית אלי
  • אלמהדיה בכתאב אבי יעקב בן אלשאמה [אלי בן] בניה בן כלפון יאמרה באלת[סלי]ם אליי כאן
  • אלכתאב אלי מכזן אבי יעקב בן אלשאמה ואכרג עדל אלניל פוגדת מכתוב עליה רב
  • סלם יבלג לכלף בן מוסי מרסול אלי סהלאן בן יהושע אלי ס[קלי]ה פבעת אלעדל [[ ]]
  • פצח ל[י] אלמביוע מן אלע[דל] נ דינר ובקי מן אלעדל קטעה ניל שיבלי אכזנתהא
  • ענד בן אלמגאני באלקירואן ואשת[רי]ת ס זק זית בהדא אלמאל ולם יבק מן אלגמלה סוא
  • תק דרהם הי באקיה ענד מוסי בן ברהון בספאקס תם /א/חצר אלי בית דין בניה בן כלפון
  • וקאל וצל אליי אבו יעקב בן אלשאמה מן סקליה עלי ידי סלמאן הדא יאמר בפתח
  • מכזנה ותסלים אלעדל אלי סלמ[אן] הדא תם אחצר סלמאן הדא שאהדין והם יעקב בן
  • כלף אלאנדלסי וששון בן אברהם שהדא בוצול הדה אלס זק זית אלמשתריה מן ת[מן]
  • הדא אלניל אלי סהלאן במדינה סקליה ואן סהלאן הדא תנאזע מע סלמאן פי אמר מא יסתחק
  • מן הדא אלזית ופי גמלה אלכלאם גרי מא אוגב אן אשהדנא עלי נפסה אן הדא אלעדל אל
  • [ ] ניל אלמשתרא מנה הדא אלזית אלמדכ[ור ] לכלף [
  • [ ] כלף בן מוסי הדא [מ]ע סלמאן [ ....

verso

  • אלתק אלדי אעתרף אנהא [חצלת] ענדה מן תמן הדא אלעדל אלדי לכלף [אבן מוסי] ואנה יכתב
  • כתאב אלי בן אלמגאני יאמרה בתסלים אלרזמה אלניל אלבאקיה מן אלעדל אלמדכור לכלף הדא
  • ויתבראו [מנ]הא ועלי אנה יגיב כט אבי יעקב בן אלשאמה או כט שאהדין ישהדו באקרארה [[על]]
  • אנה ענד מא אטלק לה קבץ אלעדל אנה אמרה בתסלימה אלי סהלאן וכתב פי א[ד]ר שנת
  • אשנא לשטרות במצרים [בד]אר ר נתנא[ל]
  • ואקני מנהמא גמיעא באלרצא בגמיע [ה]חבר ביר ישועה יר[ח]ם יי הטוב [
  • מא תקדם שרחה ויזכרו אלעזר בן שמואל