Legal document: NLI 577.3/3

Legal document NLI 577.3/3

Input date

In PGP since 1989

Description

Agreement in which someone rents half of a house he sold with the option to buy it back within ten years. Location: Alexandria. Dated: November 3, 1103 CE.

Images and transcription

Transcription

  • נחן אלשהוד אלכאתמין אספל האדא
  • אלכתאב ודלך באן חצרו אלינא אהרן
  • בן שמריה הכהן ונסים בן יעקב
  • שריכה והם פי צחה עקולהם ו/א/בד/א/נהם
  • וגואז אמרהם טאיעין גיר כארהין
  • לא מקהורין ולא מגבורין ולא סהו ולא
  • ג]לט ולא עלה בהם ולא מרץ ולא שי מן
  • גמ]יע מפסדאת אלשהאדה וקאלו
  • לנא] אשהדו עלינא ואקנו מנא ואכתב[ו
  • בגמיע אלא]לפאט אלמחכמה ואלמעאני
  • אלמו]כדה וסלמו דלך למכי בן אבו סהל
  • אלמערוף באלוקאר ליכון בידה חגה
  • וותאק לליום ומא בעדה באן אשרטנא
  • לה עלינא אן נכריו לה נצף אלדאר
  • אלדי אשתרינא מנה בתלאתה דנאניר
  • פי כל סנה ואדא וכר ענא אלכרא
  • סנה לנא אן אכרגה ואכריוהא
  • לגירה ואן דפע לנא שי מן אלסתין
  • דינאר אלדי הי תמנהא פי גמלה אל
  • עשר סנין נאכד מנה ואן גאב לנא
  • אלכל נעידהא עליה פי גמלה עשר
  • סנין ואן תמת עשר סנין ולם יגיב
  • לנא שי נביעהא ואיש מא תזייד
  • עלי אל]סתין דינאר נדפעה למכי
  • אל]מדכור וכאן דלך אול יום מן שהר
  • כסליו סנה ארבעת אלפים ושמונה
  • מאות וששים וארבעה שנים למנינא
  • דרגילנא (!) ביה במדינת אכסנדריה (!)
  • שריר וקיים אברהם בר יעקב דרעי נב"ת
  • אברהים בר צדקה הלוי נ"ע
  • יפת בר חלפון נ"ע אחימעץ בר יצחק נ"ע