Letter: F 1908.44AA

Letter F 1908.44AA

Tags

Input date

In PGP since 1987

Description

Letter from Abūn b. Ṣadaqa, in Jerusalem, to Nahray b. Nissim, in Fustat. In Judaeo-Arabic. Dating: August 28 (Elul 24), 1065 CE, based on Gil's assessment. Abūn conveys blessings for male sons to Nahray. "Al-Kabīra" and Nahray's wife are in Jerusalem, and it is possible that their visit is connected to this matter, that is to say, that they came to pray for a male son. The letter contains various details about the Maghrebis who are in Jerusalem. People are worried about a drought, and the price of wheat is rising. Abūn also mentions his books, which he brought from the West and left with Yeshuʿa ha-Kohen b. Yosef in Alexandria. Abūn reports that he has sold most of the quarter dinars which are mentioned in the other letters, and thus it is possible to deduce the year of this letter. Abūn reports that R. Yiṣḥaq has recovered from his illness (v3–4) and that Nahray's paternal uncle Ibn Sahlān is sick and isolated (v9–10). Information from Gil.

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  • וצל כתאב מולאי אלשיך אטאל אללה בקאה ואדאם סלאמתה וסעאדתה אמס
  • יומי הדא ]ו[הו ו איאם בקין מן אלול אעאד אללה עליה הדה אלמועדים אלמקבלה
  • סנין טאילה וגעלהא עליה מימונה מבארכה בקבול אלתובה ואלמתובה ואשהדנא
  • לה בנים זכרים לחיים וכאן וצולה בעד אשתיאק עטים ווקפת מנה עלי מא אמרצני
  • ואקלקני ואפגעני מן אלגזירה אלכבירה ואלפגעה אלעטימה אלתי הדת קואנא מן
  • ופאה אלסייד אלפאצל עטרת ראשינו ברוך דיין האמת שופט בצדק ואמת וכאן
  • הדא אלסבת ענדי וענד אהלי מתל סבת תשעה באב ומא וגדנא עזא לקלובנא
  • גיר אנה אלויל לנא נחן אלדי עשנא להדה אלמצאיב ונשרבו הדה אלאכואס
  • אלמרה וקד עמית אבצארנא ואקטעת קואנא ונחן באכיין עליה טול חיאתנא
  • ולא עזא בעדה ווחק הדא אלקדס לקד מראר כתירה נתמנא אלמות ונשתהיה וצרת
  • ממן קיל פיה המחכים למות ואינינו ויחפרוהו ממטמונים ממא אקאסיה מן המום
  • הדה אלדניא וכתרה פגעאתהא ועטים מצאיבהא ומקאסאת אהלהא אלדי אנקטעת
  • מנהם אלאמאנה ותבת פיהם אבדה האמונה ונכרתה מפיהם ומא בקי אלא מן יאכד
  • מאלך באליד ואנת תנטר מנה ואעגב כל עגיב אן אסחק חפטה אללה בעד צברנא
  • עליה אליום י שהור מצא לקברי אבות ואשתרא קמח בשקאק כאנת מעה ועניות
  • וולף קמח יצלח למתלה יסוי דינר ותלת אלקפיז וקלת אנא נאכדה מנך בדינר וי
  • וקאל מא אביע ואדכל אלקמח לדארה ונחן וקוף הדא כאן אכר אלצבר ומא יערף
  • לי מעה גיר הדא כל דרהם יוחל לי ענדה מא אאכדה אלא עלי אלשרור משלמי
  • רעה תחת טובה אללה תעאלי יכאפי כל ואחד בניתה וסאעת כתאבי הדא ופק
  • אללה קפיזין קמח מתל קרץ אלדנניר בג דנניר ורבע ואנא אבצר איצא שי אכר
  • פלא ישגל מולאי קלבה וקד חצלת להם אלחטב ואלזית וגמיע מא יחתאגו אליה
  • מתל בצל ומלח וגיר דלך ואנא פארח בכל חאגה תערץ להם וקבצו מני גיר דלך
  • ג דנניר עיון למהמאתהם ומא יעוזהם מעי חאגה ופי אכתר אלאוקאת אמצי אלי אל
  • דאר ואסאלהם לעל חאגה וקד כאנו אקאמו פי אלדאר אלתי נזלו פיהא אול וצולהם
  • שהר כאמל מע אם אבו יוסף ומע אלשיך אלשראבי אלתי תזוג אבנה בנת אלבלוטי
  • וכאנו עלי אנהם יכתרון דאר בגואר אלכניסיה לאנסאן מסלם בה דנניר סנה כאמלה
  • ויקבצהא קבול אלדכול פלמא /א/חצרנא אלה דנניר קאל סתה דנניר מא נחט שי צעב
  • עלי אלאמר פלמא אגבנא אלי אלסתה טלב יגיב עלילות מן וגוה אכר תרכנאהא
  • ואכתרינא חגירה לאמראה יהודיה בדינרין אלי אלמחרם ה שהור והי חגרה בגואר
  • אצחאבנא פיהא גמיע חואיגהא ואלחמאם בגוארהא פי חארה אליהוד קריבה מן אל
  • כניסיה ואלרבאעייה מא אקוא אצף מא עמלתה פי אמרהא ולם אתרך תאגר ולא
  • צואף ולא בזאז עלי מן אערצהא ואנבאע מנהא לט רבעי אלוזן ח דנניר ותמן
  • סער כ דרהם כל דינר מן צרף לו דרה ונצ מנהם קום דפעו לי רהן ומנהם קום
  • דפעו אלבעץ ובקי ענדהם אלבעץ וקד לחקהא כצרה מן אלתחמיר אלתי חמרת פי
  • מצר ווזנת עלי הדה אלבקייה אלתי אכדת דרהם ונצף למן עאודהא באלתחמיר והי
  • באקיה ואנא אגתהד פי אמרהא פסבחאן מן אסקט נגמהא ואמא אלצרה אלתי כאנת
  • ענדי קד טרח אללה פיהא אלמארה ומא גמע אללה מנהא דינר עאמלת מנהא באלבעץ
  • פי סבסתאן וצמג לוז וגאסול וקללות מא לא ימכנני ולא יתסע צדרי לדכרה וכל מא
  • אכתב הדא אלכתאב אתנהד פלעל אלמות אקרב וקד סרני מא דכרה מן וצול אלמראכב
  • סאלמה לצקליה ותופיקהא פי אלבצאיע ואנא ארגב ]]למן[[ למולאי יערפני אסמא אלקון
  • אלואצלין פי מרכב אלאנדלס וכדלך כל מרכב יגי יערפני בגמיע אלאכבאר

{ { right margin } }

  • כאנני משאהד להא
  • ולעל יגיני כתאב מן צקליה או מן אי
  • מוצע כאן ואלי אלאן מא וצל נגא אלגלאם
  • אללה יכתב עליה אלסלאמה וכאן וצל אליי כתאב מולאי אל
  • שיך מנד מדה ידכר אנה קבץ אלכראריס אלתי כאנת לי ענד ר
  • ישועה חרסה אללה ווצל מנהא לר ישראל אלכראסתין
  • אלתי פיהא אצול אלדקדוק לינסכהא למולאי פלמא כתבת
  • לה חרסה אללה נאכד עליה פי תוגיההא וצל אליי
  • כתאבה יקול ערפני מא הי חתי אכתב פי אמרהא
  • ללאסכנדריה פמא אערף איש הדא וכתאבה
  • ענדי אנהא כלהא וצלת אליה ועלי אנה יוגההא
  • אליי מע מן כרג וקד עייאת מא אכתב פי
  • אמרהא והי ח כרראריס )!( פיהא מסאיל
  • בכט ידי לרבינו שמואל פי אשת בעלת אב )?(
  • ואלאתון ואל]נח[ש ומסאיל כתירה
  • וכראסה פיהא כס]...[יכה וכראסה
  • פיהא קצה אלמש] [אט] [
  • אלא אלכ] [יא אכר גיר
  • ואלכר]אסה
  • ואל]

{ top margin }

  • לר ישראל
  • ינסכהא פבחק אלאהבה
  • אלא //מא// פרג עני מולאי אלשיך הדא אל
  • הם וקד סררנא בופא אלמא
  • אללה יבלג בה אלמנאפע
  • ויהדינא וכל ישראל ואמא
  • נחן פי הדא אלבלד מא נראו
  • פרג אלקמוח עטימה
  • וקד תטאעמו פיהא אלגלא
  • אללה יחסן אלעאקבה
  • ולא מעאש

{ verso }

  • ואלי אלאן מא וצל ר נתן מן דמשק לאנה מצא מע ר יצחק קאל לה תמצי מעי
  • ואעטיך אלתלת פי מא יחצל לי ואמא מא דכרה חרסה אללה אן אכתב עלי זוגתה
  • נסכתין וג אנא אנתטר וצול ר נתן ואפעל פי דלך פוק אלשהוה ואמא ר יצחק נט רח
  • הו פי עאפיה ומא ישך אחד פי מא דכרה חרסה אללה מן שגל באלה בוגעה ללה
  • אלחמד
  • אלדי אשפאה ולעל יצל מן ענד /ר/ מימון לי פרג פיערפני וכדלך //סידי// אבו אלפצל בן כלף נע
  • לי ענדה חסאב ואעטם סרור ידכל עלי קלבי מא יתצל בי מן סלאמה גסמה ואכבאר
  • יערפני בהא מן אלגרב לאני הונא משתאק לסמאע כבר לאני טול נהארי מחצור פי אל
  • דאר אקרא אלי וקת עצר אכרג סאעה אתפרג וארגע אלי צלאה מנחה ועמך אבן
  • סהלאן הו ענדנא פי אל]]קא[[קדס וגע אללה תעאלי ישפיה וידכר אנה תעוזה נפקה
  • ומא יגד אחד ידכל אליה ולא יכלמה באלעזיז עליי ואלנאס מעדורין יטלב ואחדה
  • יעמל גמיל רבמא יחצל פי אשיא לא ירומהא ורבמא יכרג עלי וגהה בעץ אלאק/א/ר]בה[
  • ישתרי לה חאגה והו יסכן פי דור אלמסלמין ולא דאכל ולא כארג עליה ואן סמע לר
  • יצחק אלאנדלסי חרסה אללה כבר בוצולה יכתב אליי בפצלה פאני מעלק אלקלב אליה אללה
  • יסמעני ענה כיר ויערפני בפצלה אן כאן וצל רבינו יחי לעד למצר אללה תעאלי יגעלה פי
  • חיז אלסלאמה קראת עלי מולאי אלשיך אגל אלסלם ומולאי אבו אלחסן ומולאי אבו עלי
  • אצהארה חרסהמא אללה אפצל אלסלם וקד וצלת כתב אבו אלפרג חאטה אללה מן צור
  • 1 והו פי כל עאפיה ואלצבי אשד סלמה אללה מעה אעלמתה דלך ושלום לו

{ right margin }

  • וקד תופי אלרגל אלדי כאן יטאלבני פי דאר אלשיך אבו אלאעלא
  • וגרת לי מעה תלך אלקצץ וקד לקי פעלה פעויל לנא פמא
  • אגפלנא ען חאל אנפסנא אללה י]כתב[ פי אגל מולאי ויטול
  • עמרה

{ upside down }

  • ךמסלת الشيخ ابو يحيي نهراي ابن نسيم من ابون ابن صدقة المغربي شاكر٥
  • اطال الله بقا٥ وادام سﻻمته وسعادته الفسطاط ان شاء الله عز وجل
  • عامر بن الحسن [وولد[٥ ابراهيم بن نجا عمر بن يوسف وولد٥