Letter: F 1908.44L
Letter F 1908.44LTags
Input date
In PGP since 1988Description
Letter from Mardūk b. Mūsā, in Alexandria, to Nahray b. Nissim, in Fustat. In Judaeo-Arabic. Dating: January 26, 1048, based on Gil's assessment. The writer confirms receipt of two letters from Nahray and gives directions on business matters, including that when a certain Abu ‘Amr arrives, Nahray should take 16 dinars from him. The writer also requests that Nahray purchase two books with high-quality paper for him, remarking that he has already written to Ḥalfon to buy a cloak (kisā'). Well wishes are sent to Abū Isḥāq Barhūn and Abū ʿAlī Ḥassūn. Information from Gil. EMS.
Edition: Goitein, S. D.
Transcription
S. D. Goitein, unpublished editions.- כתאבי יא סידי ומולאי אטאל אללה בקאה ואדאם סלאמתה וסעאדתה מן אל מסתקר
- ען חאל סלאמה ועאפיה אלחמד ללה רב אלעאלמין לז כלון מן שבט כתמה אללה
- עלינא ועליך בכיר אעלמך יא מולאי אן תקדמת מני אליך עדה כתב ארגו
- וקופך עליהא וקד וצל כתאבך עלי יד סידי אבי אברהים אסמאעיל בן פרח
- ותם וצל איצא מן בעדה גואב אכר עלי יד אלפיג ואנת תדכר פיה ביע
- דהב לא לא עדמת [ת צ]לה ואלדנאניר שאכריה תסוא מן יז אלי יח ונץ ובקית
- יא מולאי נעתגב לדאלך נחב מן מולאי אן יגתהד וישתרי מא
- דכרת לה פי אלכתאב לא יוכר מנהא חאגה וישד אלכל פי ברקלו ומא
- נוציה פי חדית אלודע ויכון אלכל פי כיטי ומא דכרתה פי חדית אל
- מתאע נחב מן מולאי אן ישק עלי רוחה פיה ויביע ובאללה יא מולאי מא
- נתכלץ פיה עלי מא דכר שרעכי ולאכן מא יאכד ואחד אלא מא קצי
- [ומ]א דכרתה פי באב עקבאן קד סלמת לה כל מא כאן לה ענדי וקד
- בעת לה תלאת ארטאל בלא נקץ סער וכ אלעשרה והו יאמולאי פיה טול רוח
- אן עצים ומא נדרי כיף כרג ראיך וגרא ומא אצף לך מא קאסית
- פי אלעדד ומא קבצת אלבקיה אלא דרהם ומא יצח פי כלהא
- אלא נחו ג' דנאניר ואלמשרף אלאן הו פי תרוגה והו אלסעה מא וצל
- ואן ר(ו)ה תוגה שי אלי אטראבלס אגעלה פי אלברקלו וגהו לכלפון
- יביעה לך פמא אחתאג יא מולאי אדא וצל אבו עמר בן ספראוי
- תקבץ מנה יו דינאר לאן הי תמן מתאע אלדי בעת לסידי
- אלחנאן תדפעהא לה פתעלמני פיהא פי כתאבך לאן קלבי
- פיהא [[משק]] משגול אלא אן יצל כתאבך ואלסלאם עליך ומא
- כאנת מן חאגה אכתב לי פיהא ותכץ עני אבי אסחק ברהון
- באפצל סלאם ואן כתבת אלי אבוציר תקרי עני סידי
- אבי אסחק ברהון סלאם ואבי עאלל חסון סלאם ותשתרי
- ל(י) שטתין ורק גיאד וקד כתבת לכלפון ישתרי לך כסא
- לסידי ומולאי אבי יחיי נהראי בן נסים נע מן מהבה מרדוך בן מוס
- אטאל אללה עזה ואדאם סלאמתה ונעמתה נע
- אלפסטאט אן שא אללה