Letter: T-S 13J22.5

Letter T-S 13J22.5

Tags

Input date

In PGP since 2017

Description

Letter of holiday greetings from Shelomo b. Eliyyahu to his paternal aunt. 13th century. (Information from CUDL)

T-S 13J22.5 1r

1r

Transcription

Motzkin, "The Arabic Correspondence of Judge Elijah and his Family" (PhD diss., n.p., 1965), 2.

Recto

  1. ולדהא אבו אלברכאת בן אלרייס
  2. אהני אלסת אלגלילה אלואלדה אלאצילה אלכרימה
  3. אלנבילה עמתי אלעזיזה עלי וענדי אטאל אללה
  4. בקאהא ואדאם עזהה ונעמאהא ומן חסן אלתופיק
  5. לא אכלאהא וגמעני בהא פי ירושלים לאנה [[אלקאד]]
  6. אלקאדר עלי פעל דלך אן שא אללה ואעלמיך יא עמתי
  7. אנני משתאק אליך וכל מא סמעת אנך פי עאפיה
  8. אנתי וזוגך ואולאדך אפרח ואשכר אללה תע עלי
  9. עאפיתכם גמיע פאללה יגעלכם פי חייז אלסלאמה
  10. ואלעאפיה ואנני מהניא לך בהדא אלמוסם
  11. אלשריף אלמבארך אללה יזכיך שנים רבות
  12. נעימות וטובות לחזות בנועם ייי ולבקר בהיכלו
  13. ויחרז עליך אולאדך וישאהדך אפראחהם גמיע
  14. ויעווציך בחיאתהם ויגעליך תבצרי אולאדהם
  15. וירד עמי אבו מנצור לאפצל מא עוודה
  16. מן אלכיר ואלסעאדה אלדאימה יא עמתי
  17. שהד אללה כל מא כתבת ללשיך אבו אלברכאת בן
  18. בנת עמי זל נסאל עניך פי כל כתאב ולא
  19. נקטע אלסואל עניך פאללה יסמעני ענכם אטייב
  20. אלאכבאר ולו סאפרת אלי אכר אלעולם וסיירת
  21. כתבי אלי אהלי ליס בד לי מא נסייר ליך כתאב
  22. מן אין מא כנת לאן נחן מנתצרין הוא אלניל
  23. אלמבארך פאללה יפרחנא במגייה וכמאלה
  24. ואיצאל מנאפעה ואלאמר ללה ואלסלאם
  25. עליך ועלי אכותי אלשיך דאוד ופקה אללה תע
  26. ועלי סלימאן ועלי אבו אלחסן ועלי סתהם ועלי
  27. אכתהם סת אלימן ועלי אבנהא ועלי זוגהא אלשיך
  28. אלאגל אלחבר הבה אללה שמ צו ווצל כתאבך וקראה
  29. אלדיאן מולאי וסיידי ושכרנא אללה עלי עאפיתך
  30. ואלסלאם עלי עמי מנצור ועלי אכותה 
  31. אלסלאם פאללה יגמע שמלנא [[ומולאי]]

Translation

T-S 13J22.5 1v

1v

Verso

  1. ואלסלאם עלי בנת עמי סת אלמעאני
  2. ועלי נסים ועלי יוסף ועלי מוסי
  3. ובנתהם פי עאפיה ובנתהא איבא פי עאפיה
  4. והי תסאל ענהם ומשתאקה אליהם גמיע
  5. ואלסלאם עלי אלשיך אבו אלברכאת הדרת
  6. הנשיאות ועלי אביה ועלי ולדה ועלי אהל
  7. ביתה ועלי גמיע אלאהל אלסלאם אלתאם
  8. ועלי מולאי וסיידי אלחבר אלאגל סייד אלחברים
  9. ר יהודה החבר המעולה החכם והנבון הירא
  10. שמים ועלי ולדה אלשיך אלחכים אלאגל
  11. אבו אלפצל שמ צו ושלום על ישראל אנס

Verso - address

  1. يصل الى الشيخ ابو البركات الحريري הדרת הנשיאות
  2. يوصله الى صاحبته ויקראה עליהא والفضل
  3. له في ذلك من عند بن عمه ابو البركات ابن الرئيس
  4. امانة امانة
Image Permissions Statement
  • T-S 13J22.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.