Letter: ENA 2805.6

Letter ENA 2805.6

Tags

Input date

In PGP since 1990

Description

Letter from Mūsā b. Abī l-Ḥayy (Alexandria) to Nahray b. Nissim (Fustat).

ENA 2805.6 1

1

Transcription

A. L. Udovitch, [digital geniza document edition].
  1. על שמך
  2. כתאבי אטאל אללה בקא מולאי אלחבר אלגליל גדול הישיבה ואדאם
  3. עזה ותאיידה וסעאדתה מן אלאסכנדריה ליב בקין מן טבת כתמה
  4. אללה עליה באחסן כאתמה ען חאל סלאמה ונעמה ושוק אליה קרב אללה
  5. אלאגתמאע בה עלי אפצל אלמתאב וממא אעלמה בה אנני כרגת
  6. ענה (?) ונאלני מן וחשה עטים אללה תע לא יוחש מנה ויסאהל קרב
  7. אלאגתמאע עלי אפצל חאל ווצלת להנא בחמד אללה סאלם בעד משקה
  8. ומקאסאת אשתיא ותגדים תם למא וצלת להנא בקית מע אלכתאן
  9. פי אלכליג ג איאם מא קדרת אחמלה אלי אלבלד מן קוה(?) אלאשתיא
  10. ואלזלק ואלטין מא תקדר אלדואב תמשי אלי אליום אלראבע חמלתה
  11. עלי גרר וכזנתה פי בעץ אלטריק לם אקדר אוצלה אלי דור
  12. אלתגאר מן אלזלק אלי אן תטייב ולזמני עליה מון תקילה
  13. לא חילה אללה תע יגעל אלעאקבה לכיר וסאלת ען ר ישועה
  14. פערפת אנה סאפר ושק עלי אלדי לם אגתמע בה תם ערפת
  15. אן סאפרו קום מן אצחאבנא ושק עלי איצא אלדי לם אגתמע

on the margin

  1. בה חתי / כנת אנפד / מעהם אלדי / אספ(?)לני מולאי / לא עדמת בקאה /
  2. וקד אסתכרת / אללה תע ואנפדת / צחבה חאמל / כתאבי הדא / והו אבו נצר /
  3. אלבגדאדי / צרה עדדהא / כז דין / וזנהא כו דין וסדס / אחב תתפצל /
  4. תזנהא גמלה / לסידי אבו בגיר / אלצירפי / תאכד / מולאי /
  5. מנהא כ דין / גיר תלת / יבקא סתה / דנאניר / ונצף / ווצית סידי /
  6. אבו אלפרג / ישועה /

ENA 2805.6 2

2

verso

  1. יציף אליהא דין ונצף יקבצה לי מן אבו מנצור אלזיאת ויסלם אלתמאניה דנאניר אלי
  2. סידי אבו סעיד כלף בן קמקם סאעה וצולה מן תניס בגיר תאכיר בקיה לה ענדי מן
  3. תמן עוד וחלפת לה לא וכרתהא ענה סאלתך(?) תוכד עליה פי דלך פיצל אלי כתאבה
  4. בוצולהא ליטמאן קלבי ובמא כאנת לה מן חאגה קראת עליה אתם אלסלאם ומולאי
  5. אבו סעד אחיאה אללה אלסלם וסידי אבו אלפרג אתם אלסלם ור ישועה אתם אלסלם ושלום

inscription

  1. מולאי אלחבר אלגליל מרנו ורבנו מחבה מוסי בן אבו אלחי נע
  2. גדול הישיבה
  3. אטאל אללה בקאה ואדאם תאיידה
Image Permissions Statement
  • ENA 2805.6: Images provided by the Jewish Theological Seminary Library (JTSL) CC-Zero / Public Domain