Letter: ENA 2805.5.1

Letter ENA 2805.5.1

Metadata

Shelfmark
ENA 2805.5.1
Editors
A. L. Udovitch. With minor emendations by Alan Elbaum (2020).
Moshe Gil, In the Kingdom of Ishmael‎ (in Hebrew) (1997), vol. 3.
Primary Language
Judaeo-Arabic

Tags

Input date

In PGP since 1990

Description

Letter from Natan b. Nahray to Abū ʿImrān Mūsā b. Abī l-Ḥayy. Among other matters, Natan mentions that he has given 1 dinar each to Moshe the Judge and Yeḥezqel the Alexandrian, the two frail old men who wrote T-S 13J28.10 requesting charity from Mūsā b. Abī l-Ḥayy. Natan also mentions a medicinal syrup that he has asked Abū l-Afrāḥ to buy him. ASE.

Transcription

A. L. Udovitch, [digital geniza document edition].
  1. כתאבי אטאל אללה בקא מולאי אלשיך ואדאם תאידה וסלאמתה ונעמתה וכבת
  2. אעדאה מן אלמסתקר לז בקי אדר ראשון כתמה אללה עלינ[א ו]עליך באחסן
  3. כאתמה בעד וצול כתאבך תדכר סלאמתך ועאפיתך [אדאמהא אללה לך] ברחמתה
  4. תם דכרת אלה׳ דנא׳ וקד באדרת פי אלוקת ודפעת מנהא [אלי אלמריץ ?] אבן אלנגיד
  5. כמא דכרת ג׳ דנא׳ וכאן תחת צרה ווצלת לה פי וקתהא אללה לא יחרמה אלתופיק
  6. ואן ינפעה במא יפעל ואנא אדפע אלדינ׳ אלי ר׳ משה דיין ברקה ודינ׳ אלי
  7. יחזקיל אלאסכנדראני כמא דכרת והו מריץ פי ביתה אללה יתיב מן דפע
  8. ולא יחרמה חסן אלתופיק תם דכרת אמר אלניל וקד עמלתך וטלבת חסון
  9. פי אלנטע גאב לי שי מתרא לא יצלח לי געלתה מצאביה לסוק אבאעה
  10. ג׳ אלי רבע ואכדת לך גראב חסן כמא אכדת אנא ו. אנא אמצי אלי
  11. ביתך ארפע אלברמה כמא דכרת ואכד אלכישה ואנא יא מולאי אערף חאלך
  12. ומא אנת עליה פלו בר לי אללה אלעאלם לדכלת מסרה עלי קלבך פטיב
  13. נפסך תם דכרת אמר אלשב ולם וצל מנה שי ואלרום מא ישתריו שי
  14. חתי יצל ויכרג סערה ואלכלב י[. . . . .]א וצל[. . . . . . . .]ל שי
  15. דפעת לה וקד וצל אלי כתאב אלשיך אבו אלאפראח ערוס ודכר לי פיה
  16. אן גאה ר צדקה וקאל לה אן אנעאקת(?) ר עלאן הנא כז דינ׳ < ואן דפע
  17. לה מנהא יי דנא'

recto

  1. כתאבי אטאל אללה בקא מולאי אלשיך ואדאם תאידה וסלאמתה ונעמאה וכבת

  2. אעדאה מן אלמסתקר לז בקי מן אדר ראשון כתבה אללה עלינ[א ו]עליך באחסן

  3. כאתמה בעד וצול כתאבך תדכר סלאמתך ועאפ[י]תך [אדאמהא אללה ל]ך ברחמתה

  4. תם דכרת אלה דננ וקד באדרת פי אלוקת ודפעת מנהא [לאבי ע]מראן אבן אלנגיד

  5. כמא דכרת ג דנא וכאן תחת צרה ווצלת לה פי וקתהא אללה לא יחרמה אלתופיק

  6. ואן ינפעה במא יפעל ואנא אדפע אלדינ אלי ר משה דיין ברקה ודינ אלי

  7. יחזקיל(!) אלאסכנדראני כמא דכרת והו מריץ פי ביתה אללה יתיב מן דפע

  8. ולא יחרמה חסן אלתופיק תם דכרת אמר אלניל וקד עמלתה וטלבת חסון

  9. פי אלנטע גאב לי שי מחרא לא יצלח לי געלתה מצא ביה לסוק אבאעה

  10. ג אלי רבע ואכדת לך גראב חסן כמא אכדת אנא ו> אנא אמצי אלי

  11. ביתך נדפע אלברמה כמא דכרת ואכד אלכתאב ואנא יאמולאי אערף חאלך

  12. במא אנת עליה פלו בר לי אללה אלעאלם לדכלת מסרה על[י] קלבך פטיב

  13. נפסך תם דכרת אמר אלשב ולם יצל מנה שי ואלרום מא ישתריו שי

  14. חתי יצל ויכרג סערה ואלכל בי[         ]נא וצל[       ]אל שי

  15. דפעת לה וקד וצל אלי כתאב אלשיך אבו אלאפראח ערוס ודכר לי פיה

  16. אן גאה ר צדקה וקאל לה אן אנעאק לעלאן הנא כז דינ > ואן דפע

  17. לה מנהא ח דננ

verso

  1. וכתאב ר צדקה וצל אלי יקול אן דפעת אליה כז דינ ' < פחית דפע אליה כאן יאכד כטה
  2. אלי בק כצתה ואכדהא מן שיה ואל[. . .] אח[. . . . . . .] כמא סאל
  3. כז דינ' ונצף ויאכד כתאבה אלי בדלך חתי אתצרף אנא פי שייה אללה אללה
  4. לם יעאק עליה שי ואן קד אכדתהא אנא מן שייה ואלי אסעה מא אביע אל
  5. סנבל [. . . .] חסאב מה [. . .] לי אלסכר ואלורד מרבא ואיש אלדי נדפע
  6. לעמראן מנה תשרח אלי דלך פיי כתאבך ואלקפה אלדי פיהא אלסכר ואלורד מרבא
  7. קד וצלת סאלמה מע אללוח וקד כנת כתבת אלשיך אבו אלאפראח פי שרא שראב
  8. וקד אעלמני אנה גאל פלא ישתרא לי אללה יגניני (?) ענה וקד דכר ר צדקה אן אלתוב
  9. ענד סידנא שר השרים ירום הודו פנחב מנך תקבל חצרתהא עני ותעלמהא
  10. דעאי ודעא ישמל להא אללה ידימהא איאם ומא צח פי אלתוב תקבצה לי
  11. ענדך אלי אן יצל אליך כתאבי כמא תפעל פי דלך וכתבת עלי עגלה אעדר
  12. בפצלך תכתץ אפצל אלסלאם ואלשיך אבו אסחק וביתה יכצך באלסלאם

at the head of the page

  1. ואלשיך אבו אלסרור פרח בן יוסף יכצך באלסלאם ונהראי ולדי יקבל
  2. ידך ויכץ חצרתך באלסלאם ודאימא אדעו לך דעא עצים

address, right column:

  1. מולאי אלשיך אבו עמראן מוסי בן אבו
  2. אלחי נע'
  3. אטאל אללה בקאה ואדאם תאידה

address, left column:

  1. מחבה ושאכרה נתן בן נהראי נע׳

verso

  1. וכתאב ר צדקה וצל אלי יקול אן דפעת לה כז דינ > פחית דפע אלי[    ]א יאכד כטה

  2. אלי בקבצהא נאכדהא אנא מן שיה ואל[   ] אח[                 ]אם אלי

  3. כז דינ נצף ויאכד כתאבה אלי בדלך חתי אתצרף אנא פי שייה אללה אללה

  4. לא יעיק עליה שי לאן קד אכדתהא אנא מן שייה ואלי אלסעה מא אביע אל

  5. סנבל [             ] חסאב [                    ] אלסכר ואלורד מרבא ואיש אלדי נדפע

  6. לעמראן מנה תשרח לי דלך פי כתאבך ואלקפה אלדי פיהא אלסכר ואלורד מרבא

  7. קד וצלת סאלמה מע אללוח וקד כנת כת[בת] לשיך אבו אלאפראח פי שרא שראב

  8. וקד אעלמני אנה גאלי פלא ישתריה לי אללה יג[זיה] ענה וקד דכר ר צדקה אן אלתוב

  9. ענד סידנא שר השרים ירום הודו פנחב מנך תקבל חצרתהא עני ותעלמהא

  10. דעאי ודעא שמל להא אללה ידימהא איאם ומא צח פי אלתוב תקבצה לי

  11. ענדך אלי אן יצל אליך כתאבי במא תפעל פי דלך וכתבת עלי סרעה אעדר

  12. בפצלך תכתץ אפצל אלסלאם ואלשיך אבו אסחק וביתה יכצוך אלסלאם

verso - top margin

  1. ואלשיך אבו אלסרור פרח בן יוסף יכצך באלסלאם ונהראי ולדי יקבל ידך ויכץ חצרתך

verso - right margin

  1. באלסלאם וב[יתה] ידעו לך דעא עצים

verso - bottom margin - address

  1. מולאי אלשיך אבו עמראן מוסי בן אבי מחבה ושאכרה     נתן בן נהראי נע

  2.                                    אלחי נע

  3. אטאל אללה בקאה [ו]אדאם תאידה

https://geniza.princeton.edu/documents/717/