Letter: DK 237.2 (alt: XV)
Letter DK 237.2 (alt: XV)What's in the PGP
- 1 Transcription
Description
Letter from Yiṣḥaq b. David b. Sughmār, Fustat, to his partner Makhlūf b. ʿAzarya, Jerusalem. (DK XV, ed. Gil, Palestine, Pt. 3, pp. 178-183.) The market was at a standstill because of an epidemic (amrāḍ). ASE.
Tags
Image
Transcription
Translation
Editor: Gil, Moshe
Moshe Gil, Palestine During the First Muslim Period (634–1099) (in Hebrew) (Tel Aviv: Tel Aviv University, 1983), vol. 3.
Recto
- כתאבי יאסידי ומולאי אטאל אללה בקאך ואדאם סלאמתך וסעאדתך וציאנתך
- מן אלפסטאט י בקין מן טבת ען סלאמה ואלחמד ללה רב אלעאלמין ושוק
- [אליך שדיד] אסל אללה יקרב אלאגתמאע עלי אפצל עואידה אלגמילה כאן
- וצלת אלי כתבך מן אללאדקיא ומן טראבלס ווקפת עליהא וסרני מנהא עלם
- סלאמתך אדאמהא אללה לך לאני כנת משגול אלקלב בך כתיר לאן כאן >וצל<
- כתאב בן אכת אלגזאל מן חלב ולם ידכרך ואשתגלת אלקלוב בך חתי
- וצלת כתבך דכרת סלמך אללה מא בעתה לי מן אלעוד ומא חצל פיה
- ראית פי הדה אלציפה נפאק פי אלעוד במצר מא ראית מתלה מן עמרי
- קסים אלעוד אלדי אנפדתה מעך בעתה ז ותלת אלמן ומא כרגו אלרום
- מן מצר ותרכו בהא עוד חתי אלבראיה טלבוהא עט[ים ו]לו כאנת
- אלדי אנפדתהא אלי אלגרב כנת נאכד פיהא צרה גידה וליס יעלם אחד
- שי כאן תקדם כתאבי אליך עטף כתאב אלחזן אלכאמכי בתאריך אלול
- געלתה עטף כתאב אכי אליה ואכד עליה ידפעה אליך פיה שרח עטים
- לאני חסבת אן יאכדך שהר תשרי פי אלקדס יבנה במהרה חתי ערפוני
- אנך לם תלחק אלאעיאד וליס אשך אן אלכתאב ענד אלרגל והו משרוח
- חתי אכבאר אלמגרב אשרחת לך פיה ארגוא (!) אנה וצל אליך דכרת סלמך אללה
- אנך אשתרית סלת ענזרות סער ד ותלתין אלי אמנאן וליס פי בלד מצר
- אכסד מנה וקד וצלת בחמד אללה פי הדא אלאסבוע אלי דאר מולאי אלשיך
- אבי נצר אדאם אללה עזה ומא בצרתהא אלי אסעה ולם תשרח אן כאנת
- גלאל או פיהא רקאק אגל ענזרות יסוי אליום ד אלי אמנאן והדא אלרזק
- אלדי קוסם לנא אחסן אללה גזאך עלי כל חאל דפע עלי בן עקיב דינר
- מאונת תניס ערפתך דלך דכרת יסידי אמר אלחריר וצל כתאב
- יוסף אכי סלמה אללה אול אלזמאן ידכר וצול אלקטעתין אליה ואן
- אלדי חצל פיה באסעאר מכתלפה ששעט ונצף ואן לם יקבץ מן
- אלתמן שי ולם תכן כתבי וצלת אליה בשרח וכאן קד אשתרא לי רזמה
- תצאף באזא תמן אלחריר אלי אלרזמה ושדהא וחצל פי גמלת אלרזמה
- פיהא נחו קק דינר ווצלת באמר אללה ומנה סאלמא והי מכירה אן
Right Margin
- וסלמוה ללחכם לאנה
Top Margin Verso
- לא בוגה ולא בסבב דכרת יסידי סלמך אללה נשתרי לך בתמנה קרפה
- קרנפל והי גאליה תסוי ב קירט אלמן וליס הי גידה ואלרזמה לם נביע
- מנהא אלא אל [ ] יסיר לאן פי אלבלד אמראץ וכסאר ואנא אחלל קליל קליל
- כמא תעלם פאן כנת מצטר אלי מא חצל פי גזך אכתב חתי אנפדה
- אליך מני ונביע אנא אלרזמה אן שאללה ינעטי לכל דינר חקה ותצל אליך
- כתב יוסף מע אלפיוג במא עמל מע אלמשתריין ויצל אליך מחאט
- אלי אכר חבה ולא תשגל קלבך אכתב אלי[[ך]] במא תכתארה נעמל לך ולו
- כאנת אלקרפה אלדי כתבת פיהא צאלחה אלתמן כנת אשתרי מן ענדי באזא
- מא חצל חתי נצחח מא חצל לך ויצל אליך בעד דלך ואכתב במא תשתהי
- אנא אבאלגך אליה קד אשרחת לך כל שי ואכבאר אלמגרב פיה גלא עטים
- קמח ד אתמאן בדינר וזית ח בדינר ואמור מלתאדה אסל אללה ינטר אליהם
- וכסאר עטים פי אלבלד ואלשלטון פי מוצעה יעמר אלמסילה ולא
- עשה כלום ואלמ[ ] ואלכיר (?) יצל אלי אלקלעה מן בלד זואוה ומן אלגבאל
- נפי אלעסכר גלא עטים ואלשיך אבי אלפרג נסים אל[ ] פי כל נעמה וגמיע
- אצחאבנא בנעמה מע בן חמאד ערפתך דלך וצ[ל כתא]ב אלטלי (?) ליהודה
- בן אלרקי והו פי וקתנא גאיב סאפר אלי אלצעיד מע כלוף צהרה ישתרו
- כתאן וניל ערפתך דלך לא תקטע כתבך עני פי כל וקת וכץ נפסך באתם אלסלאם
Right Margin
- ואכי וגמיע
- אצחאבנא יכצוך
- אלסלאם
[[יקראך באלסלאם]]
Below, Upside-Down
- לסידי וריסי אבי סעיד מכלוף בן עזריה ננ מן אסחק בן דאוד ננ בן
סגמאר
- בן מחאכם(?) ננ
- אטאל אללה בקאה ואדאם סלאמתה וסעאדתה יצל אלי אלקדס יבנה במהרה