Scholarship on Letter: BL OR 5566A.3

Letter BL OR 5566A.3
  1. Bibliographic citation
    S. D. Goitein, unpublished index cards (1950–85), #5764. Princeton Geniza Lab, Princeton University.
    Relation to document
    • Discussion
  2. Bibliographic citation
    Moshe Gil, In the Kingdom of Ishmael‎ (in Hebrew) (Tel Aviv University, 1997), vol. 2.
    Location in source
    • #110
    Relation to document
    • Digital Edition
    • Edition
Image
Transcription
Translation

BL OR 5566A.3 recto

°
recto
Moshe Gil, In the Kingdom of Ishmael‎ (in Hebrew) (Tel Aviv University, 1997), vol. 2.

Recto

  1. כתירא כמא הו אהלה ומסתחקה [             ] וצל לי כתאבך [
  2. ותנסב לי תפריט פי מא בעתה ואשתריתה ואנא פי מא רא[יתה מ]א קצרת [
  3. תדכרה אבי יעקב צאנה ועמלת עלי מא רסמתה ואמרתם אן [אוכד] עלי תוגיה [                                ] לי ללקירואן [               ]
  4. ווגהת ק'ק'ג'ע' דינ' כסא ושמע מע אול רפקה כרגת וגהת מעהא ת דינ' אל[                 ] לאלא נכאלפכם
  5. פי מא אמרתם ואכרה אדא וצל אליך אלרחל תעמל עלי ביעה ותוגה מרגועה [                                                ] אלי אללה מנה פלם תעמל
  6. אלא שהותך ולו עלמת דלך מא כנת נעמל הדא אלא כנת נבקי אלגהאז ת[              ] אלגיד ארגו מן אללה חסן
  7. אלעאקבה פאנא עמלת הדא לנלחק רצ'אך ומא אמרת ואנת תלומני ותסתע[                מא] עמל אחד מא עמלתה אנא
  8. מן כל אלגהאת ולאכן נגאזא בניתי ניגאזא [כ]ל אנסאן בניתה וצ'מירה תס[                         ] כתבך אן אל[די] אעטיתני
  9. בעתה בזיאדה [וכ]דלך אנא איצ'א לו תרכ[ת א]לרחל וכאלפת ראיכם לכ[                                          ] 
  10. עלי אני נתבע מא אמרתני בה וקלת איצ'א יגיני אלמתאע פלמא אן חצל[                                                        ]
  11. מא ליס קבלי וליס כאן הדא אלצ'ן פיך ואיצ'א לם יכון ביני ובינך אלא א[                                                  ]
  12. אן תג'רי אלאמ[ור] עלי וגהה כיר ממא אן [תכת]ב אלי מא ליס קבלי ואל[                                                                ]
  13.  טלבתם מן תלסקוהא בראסה חתי אדא לאק[א]כם מא תשתהוה לם תסאלו [                         ] ולו עלמת אן ילחקני מן גהת[כם]
  14. שי מן הדא אד'ן מא כנת נדכל עלי מא דכלת ולא כאן אעתקאדי אד [א]תצלת מעכם אלא ויצל אלי מתל הדה
  15. אלמאל ומן אלגאה ואלשרף אצ'עאף דלך פחצלת עלי צ'ד דלך ואעצ'ם מא עלי תוביכך לי פי כל כתאב וצל אלי
  16. נחמד אללה עלי דלך באזא אלשכר צאר ד'ם ולאימה        ואלדי וג'התה אליך פי אלבר ליס הוא איצ'א כ'מאן ולא
  17. כ'רתי אנמא הו שקה ועמאמה ושודרי וזעפראן ותיאב דיבאג ומלונאת ולו בקי ההנא לתזירת פיה ללא'
  18. אתנין ואלשודרי אכדתה למא תקדם דכרה פי תדכרת אבי יעקב סלמה אללה ק' דינר עין פאר אמתנעת
  19. ען אצראף שי מן הדא וארדת אן תפי כמא כאן ביננא כאן תוגה באלדנני' כתאן או גהז מן אלגהאז וירבח
  20. פיהא נצ' אלמאל ובעד הד'א אע/ת\קאד כל ואחד נגאזא בה ואמא מא דכרתה מן אללולו וגירה פמא נעלם אלגיב
  21.                                  וקד פרג'ת מן דלך וערפתך אלגואב פיה ופי גירה

BL OR 5566A.3 verso

°
verso

Verso

  1. ואמא אנא פמא כאלפת ולא ג'ארדת ממא אמרת בה שי ואחד דכרת איצ'א אן נשתרי אלכחל אן כאן בסתה
  2. דנני' ווצל כתאבך נשתרי מנה ב'ל' קנטאר וכסר מן סער ד' דנני' תם אנא אשתרית ח' קנאטיר סער ד' דנני' ונצף
  3. ואסתכרת אללה וותקת בה וחמלתה פי מרכב אכו אלוזיר ואברית עליה ח' דנני' וקבצ'תה ובקרת לה ד' דנני'
  4. והי כ' קטעה מנהא אתנין עלי ד' פאסל אללה אן יסלמה ויגאזי כל ואחד כפעלה פעמלת דלך ווצלת אליך אלק' מיה
  5. דינ' בחסן ניתה ותקתי בה כמא אועדת פמא חצל לי בעד הדא אלפעל אלא אללאימה ואלתוביך דכרת איצ'א
  6. דנאוה אלשמע וקד אביע דונה מא וקפת פי שראה בוצוט רבאעי פי אלקנטאר ותקול אן לם ימנעך אן
  7. תוגה בצאעה ללג'רב אלא אנא והדא שי ליס קבלי מנה שי איש תמתנע ען דלך מן גה[תי       ] לי קבלך מאל או
  8. בצ'אעה לכאצתי חבסתהא עלי חתי תכאף מני ותמתנע אן תוגה בה מת[אע          ] דכר לי אבי יעקב אמר אל
  9. מרגאן ואנא לם נ[        ] מן ענדך עלי אני ננצ'ר אלמרגאן ולא נשתריה ללכלטה [                                                ] פי שרי אש[      ] חתי ורד 
  10.  כתאבך אן אלעדל [      ] בה פתרכת ען דלך וא[ן כאן] ליס נשתרי שי ממא[                      ] תקדם אלא [                             ] מ[א]לך
  11. ולו עלמת אן מא כאנת כלטתך אלי לנצפי רחלך חתי תחצל מ[א]לך ענדך לכ[נת                                              ]
  12. ולא כאן יחצל עלי הדא אלאסם אני שארכת [ו]כדמת ועמלת כל מא יגב [                                         ]
  13. אן נגאל צד דלך פי מרגועה פעמלת אנת[         ] חצל לי מנך מא אוגענ[י                                             ]
  14. הו אליום ענדנא ד' [       ] ותולת ומא כאן מן אלאע[        ] דרה' נצף אלתי כתבת לך [                                                              ]
  15. דכרת איצא ביע אלכסא וחסן חאלה מן אסוק אלגיד ומא ביינת לי איש אלדי חצל מ[ן                                      ]
  16. ואחד [           ] ואעלם אן תבקא ענדי מן אלסק[מו]ניה מתל ה' אמנא ומן אלורד מן [                                                   ] עלי אלקדוס מע מן כרג
  17. ואלדי גא פי הדה אלקאפלה ירבח פי[     ] תניס תולת אלמאל מא כאן מן אלרדא ואלקנע אלמקא[נע                                           א]ברהם בן אסמעיל אן ורד כתאבך
  18. אליה לישרף עלי פי מא אביעה ואשתריה ולו אעלמני דלך אדן מא כנת נתרך שי אלא [                                    ] הדה אלאשיא אלדי אלזמתני
  19. אלתואני ואלעגל וכל חאל דמום ותבעדני ען חגתי וחקי תם יצל כתאבך וליס פיה [                                                  ] שגל אשגלך אללה פי כיר
  20. עלי כאצה נפסך אלעזיזה אפצל אלסלם ואטיבה ואעלאה ואבו אלפרג' אחיאה אללה אלס[לם                      אחיאה א]ללה אפצל אלס[לם]
  21. יאסידי אחיאך אללה אדא וצל אלכחל תעמל עלי אנפאד כמא [            ] וכדלך ע[                                        ] תעמל עלי [                        ]
  22. אטריק משגולה בכל שי אלא זעפראן וארגו אן פי דינך [                              ]
  23. ומן אללה ועלי אכיך אלסלם אן [            ] יגמע אללה ביננא [