Scholarship on Letter: T-S Misc.28.207

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.

Recto

וסי]די בקאך ואדאם איאם סלאמתך ורעאיתך וציאנתך וכפאיתך וחראסתך
] כתבת ישיכי וסידי ען אחואל אן תסרך ואמור אן תבהגך דלך פצ'ל אללה גל ועז
] אלשוק נחוך בחית לא אסתטיע נצפה אסל אללה אן ימן עלי באלאגתמאע
]נא וצלת כתבך ישיכי וסידי אלאולה ושיכי אבי זכריא מחבך אחצ'רהם
] אן כרג' אלי אשיר פוג'הת בכתאב אליה ווקף עליה וכתב ג'ואבה ווגה //כתאב// אלי [ ]
] אן תלתה ווג'התה אליה מע אלפראנקין יום כתאבי האדא אליך וגואבה יצל [אליך]
] מע אול מן יכרג אלי נאחיתכם אן שא אללה ואנת תעלם ישיכי וסידי אנך
]//אללה// וליס לנא פי דאך אלמוצ'ע אחד סואך ולא פי גירה מן אלמואצע מתלך וקד
כ]תאבך אלדי כתבת אלי מחבך ושרפתני ביה ולקד עז עלי שגל אן אשתגלת סרך
ל]אן לם ימכנני גיר דלך למא אתצל בי מן פעל אוליך אלקום וממא עז עלי אבי
]// בה אידה אללה גל ועז// דאך אלכלאם פראית אן אתלאפא אלקצה בכתאבי ולעמרי לקד כאנת בידה
] עלוהא אבי זכריא אכי סלמה אללה לקד זאל אכתר מא כאן יגדה ולקד עז
] אנא נחסמך חלילה חלילה אן יכון האדא ולא יטלע האדא עלי סדרנא
] האדא אן יתהם אנסאן מן הו עדתה ואליה יסתנד פי גמיע אמורה ואמא
] אן קד אשנעו אנהם כתבה כתב באשיא פכשינא אן יכון כברהא אח[ ]
ר]אס אלמתיבה נט' רח' פיתסע עלינא אלכרק פבאדרת בדאך אלכתאב לילחק
] לעמרי ואן נפד דאך אלכתאב ואן כאן ליס פיה צ'כר אנסאן עלי מא צ'כרתה אנת
] קד אנצלח אכתרהא ולא בקי מן אלגמאעה אלי בעץ' נפר ממן הום מתכלין עלי
] פמתי לם יכון לה כבר אייס אלנאס מן אלמחלוקת ואנצלח אמרהם ואמא
] אן לא יתזיד ואמא נחן פליס ילחקנא מן האדא שי ולא נפכר פיה אלי מן אגל אלמחלוקת
א]בי יעקוב יוסף בן אברהם בן ספוס והו מן אבנא אלתג'אר ואלאצול ושאב אן פיה כיר
] פאחב מן פצ'ל שיכי וסידי אן יעמל מעה כעואידה אלחסנה איד ליס ידכר אלבלד
יח]תאג אלי מערפתה ומעה כתב אלמתאיב כלהא כתבנא וכתב אבו יוסף סלמה אללה מע
] ענדנא פי אלוקת פי מן מצ'א אולא מנה בחמלהא איד הו אלתקה אלמאמון פאחב מנך
] בכתאבך מע כל חאגה תערץ לך אכן פיהא סארך איך הואיגך ענדי פרץ' אן
] אנת דאך לאבי יעקוב האדא ענד אבי יעקוב יוסף שריך אבו אלולידל ק' די'נ' לקד רגה אל
שיך אבו י]עקוב יוסף בן אסחק צדיקנא סלמה אללה ואמרה באן יביע אלחריר וקת וצרלה וירפע
ואחב מן ש]יכי וסידי חסן אלענאיה ביה חתי תצל אליה רואג אנה ליס יקים פי אלמוצ'ע ואנמא ישתרי
] קד חמל איצ'א מעה תיאב כז מתאע אן חסן גיד והו אמר אן לך קליל פנחב אלענאיה
] חסבמא עודה אללה פי גמיע מא יחתאג אליה קראת עלי שיכי וסידי אפצל
[אלסלם ועלי] סידי אבי אלפרג אידה אללה אפצל אלסלם וסידי אגל מן כל צדר ושלום ומעה כתאב
א]נת תקף עליה אן שא אללה ושלום

T-S Misc.28.207 1r

Recto

T-S Misc.28.207 1v

Verso