Letter: T-S J2.66

Letter T-S J2.66

Tags

Description

Memorandum by Nahray b. Nissim. Dating: ca. 1045 CE. The addressee in unknown but it might be Barhūn b. Mūsā al-Tāhirtī. Contains instructions about payment deduction and details about different shipments and their expenses. (Information from Gil, Kingdom, Vol. 2, #272) VMR

T-S J2.66 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.

Recto, right side

  1. תדכרה' וליה נהראי בן נסים נ'ע' 
  2. וצל כתאב אלאמיר יקול האת מן יגי יקבץ' אלצראר
  3. ואוגבת אלחאל אנחדארי ולם יתפק לי אלאגתמאע במול[אי]
  4. אלשיך ועז עלי ד'לך אסל אללה חסן אלעאקבה ברחמתה
  5. בקית עלי ספתגה מן בוציר מ'ד' די'נ' וביד צאחבהא
  6. ספתגה כתבת עלי אולי ולמא כנת בבוציר אחוגוני
  7. כתבת כתאב אכ'ר אלי מולאי אלשיך באנגאזהא
  8. פיחרץ מולאי אלשיך באכ'ד' אלכתאבין מנה וידפע
  9. לה אלמ'ד' די'נ' תרכת ענדה מא ידפעה פי ד'לך
  10.  רקעה אלשיך אבו יוסף כ' די'נ' ותמן
  11.  ורקעה נסים אלצירפי י'ח' די'נ'
  12.  ולי ענדה מן קבל אבן שכ'ניה תלתיי ו'> קיר'
  13.  ורקעה אבן אל[[זיאת]]//וזאן// אכדתהא
  14.  מן אסחק בן בהלול ען אבן אלמגאני ד' דנ'א' וחבה
  15.                               ד'לך מ'ג' אלא סדס ו>' חבה
  16.  אלבאקי מן אלספתגה די'נ' וסדס ו> חבה
  17.  יקבצ'ה מולאי אלשיך מן אבי עלי צהרי וכד'לך
  18.  יאמולאי אלשיך חמלת פי עשארי גנאים י'ו' עדל
  19.  מנהא ו' באסם יעקוב ואסחק אבני כ'לף י' באסם
  20.  נהראי בן נסים וקד וזנת ען אלגמיע לדאר מאנך
  21.  ובקי עלי אלמכתארה ורשיד יתפצ'ל מולאי אל
  22.  שיך ויקבץ' מן אבי עלי מא ילזמהם ויאכ'ד'
  23.  אלרקאע לסאחל רשיד וכד'לך בקי עלי מן דאר
  24.  אלכתאן רקעה' י' באסם נהראי יתפצ'ל מולאי

Recto, left side

  1. יאכדהא מן יוסף אלחמאל וידפע מן ענדי סידי
  2. אבי עלי צהרי אלדרה' ונצ' ויעטיהא מן רקעה'
  3. אלו' מע רקעתין דאר מאנך למן יעלמהם ענד
  4. אלשריף וינפד' גמיע אלרקאע מע ג'נאים או
  5. מע עבד אלחק בן אלחמול ינחדר פי אלמרכב
  6. וכדלך יזן ללנואתיא אלברטיל מן נצ' ורב' דרא'
  7. אלעדל אלי דרהם ואן סהל אכ'ד' אלג' אעדאל מן
  8. חידרה יאכדהא מולאי אלשיך ויחמלהא מע
  9. ג'נאים ואן גאני אעדאל מן בוציר יתפצ'ל מולאי
  10.  אלשיך בקבצ'הא ויאכ'ד' מא יגב עליהא מן אבי
  11.  עלי צהרי לא אעדמני אללה בקאה וידפע מולאי
  12.  אלשיך לג'נאים דרהמין לצאחב סאחל רשיד
  13.  ען אלי'ו' עדל ואן טלב נצ' די'נ' ישתרי בה אנכ'אך'
  14.  יצון בה אלאעדאל מן אלמטר ויחתסב לנא בה
  15.  מן אלכרי כ'ירה אלמרגאן כאן סוי ח' דנא' ונצ'
  16.  אתפק כ'רוג סידי אבי עלי חסון וכאן ענדי קליל אכד'ת
  17.  אלדי לנחריר עלי ט' דנא' ואצ'פת אלדי כאן ענדי אליה
  18.  פיתבת עלי מולאי אלשיך פי חסאבי ען מרג'אן ט' דנ'א'
  19.  לי ענד אלשיך אבו מנצור אלכאתב שכארה עסקלאני
  20.  פיהא לכ'אצה' ר' אברהם בן אסחק ע'א' ת'וב מלין וד'
  21.  את'ואב כ'אם ופיהא לר' צמח בן סלימן פ'ח' מעגר
  22.  פי רזמה ופיהא לדניאל בן יוסף נ'ב' ת'וב מלין
  23.  ות'יאב ר' אברהם כלהא טי צ'יק ומא פיהא רקאע
  24.  וע' מכתוב ברכה אסלה אדאם אללה עזה אן יתפצ'ל

Translation

T-S J2.66 1v

1v

Verso, right side

  1. [י]קף פי פתח הד'א אלעדל ויבובה חתי ינעזל לכל
  2. אנסן באבתה ויעלם מא יכ'ץ כל אנסן מן אלמונה
  3. ויבקי מא לגירנא אלי אן יצלו אצחאבהא יז<ן> מא
  4. עליהא ללוכיל ויקבצ'הא מן אלוכיל ויזן גמיע אלמונה
  5. ויתפצ'ל יקף פי ביע אלע'א' ת'וב אלדי לר' אברהם
  6. באלדי'נ' ואלד' אתואב אלכ'אם סאל אן יג'סלו באלצאבון
  7. וידקו ת'ם בעד דאך יבאעו פאסהל הד'א אן יבקיהם
  8. מולאי אלשיך ענדה אלי חין וצולה וכד'לך איצ'א וצל לה
  9. כ'אצה שכארה צג'ירה פיהא לר' יוסף בן דיאן ברקה
  10.  ד' את'ואב וט' מעאגר יוכ'ד' מנה מא ילזמה מן אל
  11.  מונה מע נצ' דינ' אסלפה לה ויסלם אליה שי ויבאע
  12.  בקיה' אלרזמה באלדיג' ולעל יבאע אלד' אתואב מתאע
  13.  ר' יוסף יסתופי מנהא מא כאן עליה ויסלם לה אלבאקי
  14.  ולי אנא ענדה איצ'א חול דינרין תוכ'ד' מנה וקד חמל
  15.  לנא פי עדל לדאניאל בן יוסף מ'ט' ת'וב וקבץ' אלעדל
  16.  אלשיך אבו אלחסין אלטוסי פאד'א וצל דניאל יקבץ' מולאי
  17.  אלשיך מנה אלמ'ט' ת'וב ויערף איש עליהא מן אלמונה
  18.  ויחא<סב>ה במא יכ'צה מן מתאעה אלמחמול מענא
  19.  ויסאקטהא למן גאז יאכ'ד' מן אצחבה ולא יחתסב הו לא
  20.  בקטן ולא בעאבה וכד'י נחן מן הד'ה אלמ'ט' ברסם
  21.  כלטתי מעה כ'ט' וברסם כ'אצה אברהם כ' ת'וב ואסל
  22.  מולאי אלשיך אן יגריני עלי תפצ'לה ואהתמאמה לא
  23.  עדמני אללה בקאה אבד'א אלמונה עלי מא כאן פי
  24.  עדלה סער י'א' די'נ' אלמגלד ואלמונה עלי אלדי לה
  25.  פי עדלנא סער י'ב' די'נ' אלמגלד וע' הד'א תואקפו
  26.  מן ת'ם וקד תרכת לה כתב ד' אברהם חתי ינפ<ד>הם
Image Permissions Statement
  • T-S J2.66: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.