Letter: T-S 8J19.24

Letter T-S 8J19.24

Tags

Input date

In PGP since 2017

Description

Letter from Zekharya b. Ya’aqov b. al-Shama, from Tripoli (Libya), to Nahray b. Nissim, Fustat. Around 1060. The letter deals with shipments of goods and coins. The writer asks Nahray to take care of two Muslims that are delivering this letter. (Information from Gil, Kingdom, Vol. 4, #667) VMR

T-S 8J19.24 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. כתאבי יאסידי ומולאי אטאל אללה בקאך ואדאם עזך ותאיידך וסלאמתך ונעמתך מן אלמסתקר

  2. אסרו חג סכות אעאדה אללה עליך סנין כתירה שש ושמח ואלחאל סלאמה ונעמה ואלחמד ללה רב אל

  3. עאלמין תקדמת כתבי אליך פי אלמראכב שרחת פיהא מא נסתגני ען אעאדהא וערפתך מא

  4. אנפדת פי בן אלשואדבי פי רזמה לצהרך אבי סעיד בן שעיה ברסם סאדתי בני אלתאהרתי עס פו[גהת]

  5. אלי אבי אלחסן ישועה כו פוטה ובתמן אללאך אלואצל מע אלבוני מזוד חריר ורטל גיר אלמזוד פי

  6. אלרזמה ופי אלרזמה לכאצתך אלף דרה דרהם אן גייד ולסאדתי בני אלתאהרתי אלף דרה ואנפדת צחבה

  7. מחמד בן אלגזאל מן תמן אלסוכר צרה ואנפדת צחבה חסין בן יחיי לסאדתי בני אלתאהרתי צרה ומעה צרה

  8. הי אלדי צח פי אלעקיק בעד אן קבץ בן אלנפוס[י] ד דנא ותמן ואזנה וכנת עלי אני נעמל חסאב אלסוכר

  9. וננפדה לך כרגת [     ] אלקאפלה סרעה ואל[ד]י אנפדת לך מן תמנה ק דינ ודינ אלי סדס מנהא תמן

  10. אלדרה אלאלף דרה כ דינ ותמן אלצרה אלעין פא דינ וסדס ווזנת מאונה ובאללה לו עלמת וחקקת מא צח

  11. פי אלסוכר למא אכרגת מנה חבה פצא [     ] תמן אלעקיק הו אלדי צח אנפדתה לך באלעדל אלדי דכרת אנא

  12. נעמל עלי ביעה אן שא אללה פיצל אלי כתאבך במא תאמר פי תמנה ומא יושתרא ואחואל אלדרה אלדי

  13. אנפדת וכיף סערהא וכדלך א[ן תערף מ]ולאי אלשיך אבו אלסרור אן כאן צחבה חסון בן יחיי פי מפרג

  14. צרה ופי אלרזמה אלף דרה וכד[ל]ך למולאי אלשיך אבי סעיד בן שעיה צחבה חסון בן יחיי צרה

  15. אללה יכתב אלסלאמה בפצלה ורחמתה ואנא אן שא אללה חריץ אלא יבקא לאחד ענדי דרה ואחד

  16. וכדלך אלדי כתבת אליך בה מן אמר אלתין אלדי אנפדתם מעה אלמכטטה אללולו סאפר פי מפרג

  17. פאן אמכנכם תטלבוה אפעלו אסמה עמר בן סלימאן אלחדאד וסבב כתאבי אליך מוצלה

  18. אליך אסמה מן אללה וקאסם אלבדוי אתנין פאצלין כירין תקאת מן אותק אלנאס פאן ארדת

  19. תנפד מעהם שי לך אלי אצדקאך וגה וקד סאלוני סואלך פי אלמראעה ואלחפץ וביע מא

  20. מעהם ואלוקוף מעהם פי מא ישתרון ולו אן תתרך שגלך יום ואתנין פלהם חואיג

  21. פי דאר אלגוהר מתל כרז וגירה פנחב וצולהם שאכרין וקצא חקהם כיף יגב

  22. ואן סהל שי תנפדה מעהם אלקום תקאת פנחב תקים גאהי ותפעל מא נשכר עליה

  23. אן שא אללה ערפתך אלאמר אלדי כאן מע בן אלגבאס אן ליס הו ענדי ובאעה

  24. אלרגל אעני בן אלגבאס אלביע אלגייד וופק פיה צנק אן גייד ערפתך דלך

  25. קראת עליך אתם סלם ואטיבה וכתבת ען סרעה פאעדר

recto - right margin

  1. בפצלך

  2. וארגו פעלת אלדי

  3. סאלתך פיה

  4. לא עדמתך

  5. ולא כלות

  6. מנך כתאבך

  7. לא תכליני

  8. מנה בחאלך

  9. וסלאמתך ואל

  10. עארץ מן

  11. חאגתך

  12. אני פי דלך

  13. סארך

recto - top margin

  1. אלה ברקלואת

  2. אלדי בקית

  3. למולאי אלשיך

  4. אבי אלסרור

  5. דפעתהא

  6. אלי אבי

  7. אלפצל

  8. ווצלת

  9. אלי מאזר

  10. סאלמה

  11. וללה אלחמד

  12. ודפעת

  13. לה ה דנא

  14. ואזנה

  15. מאונה

Translation

T-S 8J19.24 1v

1v

verso

  1. מולאי אבי יחיי נהראי בן נסים נע אטאל אללה בקאה שאכרה זכריא בן יעקוב נע אלשאמה

  2. ואדאם עזה ונעמאה

Image Permissions Statement
  • T-S 8J19.24: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.