Letter: T-S 16.339

Letter T-S 16.339

Tags

Input date

In PGP since 2017

Description

Letter from Barhun b. Musa, probably from Alexandria, to Nahray b. Nissim, Fustat. Probably 1062. Barhun writes the letter in the name of his brother, Yosef. He does not write the place where the letter is written but it seems like he is in a port city, probably Alexandria. Before that, he was in Safakus and Mahdiyya. Mentions large shipments of dirhams. Several of Nahray’s business partners are mentioned as well. Deals with selling and shipping goods to Mahdiyya, Tripoli, and Sicily and some details about prices. Mentions the Byzantines that want pepper. Also mentions some family matters about Nahray’s aunt (from his mother’ side) who is in a bad financial situation, and his cousin Yisra'el b. Natan who is in mental distress (or is simply engaged in a prolonged dispute with Barhūn; this section begins on verso, line 9). It seems that Barhun wrote the letter soon before his death in 1062, because he mentions the passing of Elhanan b. Isma’il al-Tahirti, who died in 1062. (Information from Gil, Kingdom, Vol. 3, #348) VMR

T-S 16.339 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. כתאבי יאסידי ומולאי אטאל אללה בקאך ואדאם סלאמתך וסעאדתך וציאנתך וצרף אלאסוא ענך במנה ליג כלון מן

  2. תשרי ערפך אללה ברכה הדא אלשהר והדה אלסנה אלמבארכה ואעאדהא עליך סנין כתירה ואנת שש שמח

  3. תקדמת כתבי אליך מן ספאקץ משרחה וערפתך במא חמלתה אליך פי קארב בן אלעודי כתב אללה סלאמתה ואנא אשרחתה לך

  4. [ ] מוסי בן אבא(!) אלחי ג צרר וזנהא י אלף תק ומעה צרה לדאוד בן סאלם(?) בן

  5. [     ] קבצתהא וחמלתהא אליך וזנהא אלפין דר וצחבה בן אל [         ]

  6. צרה כלטתנ[א   ] לכלטתי מע סידי אבי אסחק אברהים בן פרג [נע] ופי רזמה ל[   ]

  7. בן סעיד כלטה מע אקואם צרתין כלטתנא מע סידי אבי אלפרג ישועה וצרה תצל אליך ברסם ברהון בן צאלח וזנהא

  8. אלף תת דר וגית אספאקץ קבל ראש השנה וסאלת אן יחמל לי ד אלאף דר ואלי וקתי הדא מא ענדי צחה למא חמל

  9. ולא לאקלאע אלקארב אלי מא גאני כתב ידכרה לי אן אלדי כאן לי ענדהם דנא קדם עטיתהם למא כתם אלסיכה

  10. עליהא וגאאת ורגע אלעיאר בספאקץ ג תמאניה מן אלרבע וקאלו מא צאר ידכל אלינא שי וכתבת אליהם ישתריו לי

  11. כמא ופקה אללה ואנא מנתצר ללכתב במא תצל אן שא אללה וקד אסתכרת אללה ושדת רזמה שדת מא כאן [מן כ]לטתנא

  12. מע סידי אבי אלפרג ישועה צרתין לכלטתנא מע חיים בן עמאר ממא יקבצה סידי אבי סעיד דאוד בן שעיא צרתין

  13. לכאצה סידי אבי סעיד דאוד <בן> שעיא צרתין וממא תקבצה אנת סלמך אללה ברסמנא צרתין ו אלאף אלי ע ולברהון בן צאלח

  14. צרתין אלפין לדאוד בן עזרון צרה ולבן קיומא צרה וממא תקבצה איצא ה חלל פוט כל חלה רדא ופוטה וזאיד

  15. פוטה סדאסיה אלגמיע ש קטאיע מן דלך אלנצף אשתריתה לכלטתך תציפה מע אלדינ ואלנצף תצחחה מע בן אל

  16. צרתין ו[             ] תציפה לכלטתנא מעך עלי אלרסם ומא מנע אן נגעל הדא אלשי בקימתה ליאנה שרא קדים ואלצרף דון

  17. אלנ בדינ וצעב אן נדפעהא והי לא תסוא אלתמן וקד וצל אלי כתאב מוסי בן אבי אלחי ידכר אנה תצל אליך צרתא אבי

  18. אלפרג מרדוך לכלטתי מעה ד אלאף דר אסאלך יאסידי אן תנצר מא וצל אליך ברסם כלטת מוסי בן אבי אלחי והי אלב

  19. צרר תשתרי לנא בתמנהא עדל לך ועדל בקם ואלבקיה כתאן או צקט ממא תראה לעל קצט חלו ומא חסן ענדך

  20. וכדלך יאסידי אש מא וצל אליך ברסמנא מן סקליה מן גהת סידי אבי סעיד מימון בן כלפה תתבתה וקד בלגני אן אכיה קד

  21. סאפר פי הדה אלסנה ולא שך אנה חמל צחבתה מא כאן לנא וכדלך וצל אלי כתאב סידי אבי אלפצל בדלך מן טראבלס ידכר

  22. אנה יחמל אליך מן אלעקיק ויחמל אליך גמיע מע ינץ לנא ענדה אללה תעאלי יכתכ סלאמה אלגמיע ואנא אסאלך יאסידי סלמך אללה

  23. אן תנסך לי גמיע מא תרכתה ענדך וגמיע מא נץ לי ענדך ממא חמלתה אליך ואלי גירך ואש מא תבקא תביעה במא

  24. קסם אללה תעאלי ואמא אלחריר פנרגו אן יכון לה ענדכם צוק גייד והו ענדנא פי עין אלעדם יסוא אלכז שש(?) דר אלרטל

  25. וכדלך אלקאבסי אלקצירי וגיר דלך מן ח לחולה פנחב לא תבקי לי שי ותציף אליה מא יצל לך פי הדה אלסנה והו שי עין נאץ מא

  26. הו שי יתעבך פי תקאצי ויצל אלי חסאבך ג נסך ד לאן פרגתי פי אלחסאב ולעל מא פאתנא אליום סנה ואתנין תכלפה אלסנה

  27. ויכון אש מא אשתריתה תחדרה לי אלוקת לא תתואנא פיה אלי אן יפות אלספר ונחמל ללמהדיה ולאטראבלס וסקליה אללה ילהמך

  28. למא פיה אלכירה ברבח וקד וצל אלקפץ אלנשאצר ואלי אלאן לם נחלה והו יסוא מנין נצף דינ ואנא נחללה באופר סער אן שא אללה

  29. וקד וגהת אליך הדה אלדנ ונצף אלחלל ושדת להם ממא קדמת עליהא למן יולפהא לי קמ דינ צרפה קסז והי מע גירנא קנ

  30. וגירנא //אקל// וקד כאן ענדנא שי ולפנאה צאלח טול אלשתא חמלתה לך ולאבי אלפרג ישועה ואלי סידי אבי סחק אברהם בן פראח לאן

  31. שהותי מא יצל לכם אכתר מן רוחי פנחב תכון לי מתל מא אנא לך ואנת תערף ואנא פיך כטיב ואן כאן ל[   ]

recto - right margin

  1. נחתאג

  2. נחקקה עבדך

  3. וקד כתבת אליך

  4. פי באב אלעדל

  5. ונצף אלדי יכץ

  6. אבי אברהם מא פיה

  7. כפאיה תעמל

  8. פי דלך מא יכוצך

  9. ויכוצנא לאנה

  10. שי תעלם אנה

  11. ינצרף ללעניים

  12. וקד אכרגת ענה

  13. גמלה ואנא כל

  14. יום נכרג ענה

  15. ונציף אליה

  16. …נחקק(?)

  17. מא יצח ענה

  18. נוגהה לאן פי

  19. הדא אלוקת יכרג

  20. וערפתך חאל

  21. כאל[ת]ך ואני [         ]

  22. [      ]ך [         ]

  23. [             ] וקד

  24. תופי יצחק

  25. ולדהא ינסי

  26. אללה פי אגלך

recto - top margin

  1. ואנא פי

  2. ספאקץ ולם

  3. יכלי להא אלי

  4. חואיג חאנות

  5. חול קק דר ופי

  6. ענקהא טפלה

  7. לא תנסהא לו

  8. ראית…

  9. ואהלהא ומא

  10. צנדו אליה לתעגבת

  11. אללה תעאלי ירזקך

  12. וירזקנא אחרת(?)

  13. טוב וקד יאכי

  14. תכלמת מע אבי אל

  15. פרג עטא פי מא

  16. יתעלק פי מא

  17. בינכם וקד

  18. כתב אליך

  19. נסכתין חסאב

  20. במא

Translation

T-S 16.339 1v

1v

verso

  1. בינך ובינהם והו משתהי פי תגדיד אלכלטה מעך גיר אנה יריד תכליף(?) הדה מן גהת אליתומים וקד כתבת לסקליה יחמל לך

  2. מא תם ואלצרוף יאכי הי אלדי עמלך עליהם ולקד ערץ עלי מא אוגבה כסארך(?) מן אלדנא עלי אני נצמן לה מא ענדך תנפדה אליה

  3. פכשית לא יקע מנך באלמואפקה תם אני טלבתה אן יכון יעטיהא לך דנא דלך אלוקת לאן הי גואז מצר פלם יתחצל דלך מנה ול

  4. עמרי אנה בסוסה ולי מדה מא אגתמעת בה פתכתב במא יחסן ענדך ותחקק גמיע דלך אליא ואנא לך הון אכתר מן וכיל וקד יאכי

  5. וצל לך כלטה סידי אבי סעיד מימון פי בן אלאסכנדר עדל פלפל וקבצה אבו סעיד סלמה אללה והו פי אלמכזן אלי וצול כתאב אבי סעיד מימון

  6. במא יאמר פיה וכנת אנא בספאקץ ולא כאן פי אלוקת פסחה ווקת טייב לבעת סהמך ואנפדתה אליך וכאן סערה לו דינ אלקנטא והו

  7. אליום לח ישתריוה אלרום והו אכר שראהם ומא נגסר נביע מנה שי אלי וצול כתאב אבי סעיד מימון לאן בלגני אנה בסקליה אביע מן הון

  8. בכתיר ואלדי נסאלך יאכי לא תחמל לנא ברסם אחד שי פאן מא נקדר עלי קבצה ולא עלי קבץ רחלנא אלי סרקה לאן אצר מא עלי

  9. אלאנסאן כתרה אלתצרף ופי אקל מן הדא לך כפאיה אללה תעאלי יסתרנא ויסתרך בסתר כנפיו חאל ר ישראל מא נצף לך מא נחן פיה

  10. מע אבי יחיי פי אלמכאתבה והו מא יעמל פיה אלדהר שי אלי מא יתזיד צעובה וקד כתבנא למן יובכה ויכשמה ולו וגדת

  11. סביל ללמסיר אליה אשפי קלבי מנה קליל ואן כאן מא עלי קלבה מן אלכלאם וגירה שי ואכתרה למא כתב פי ביע אלעלו וקע אלעלו

  12. צאר א[רכ]ץ מא יסוא שי כתב פי ביע מקרא סוית לה כה דינ כתבת אליה ואנא ננתצר גואבה וסאלני אן יכון יקדם מן ענדה עלי

  13. תמנהא ק רב קדם גואז אלשרק הי תקע לה בקריב מן בדלהא פי מא יתצרף פיה לאנה פי סוסה פי תצרף עטים ופי כסב אללה

  14. יתם עליה ואנא ננתצר לעל יוגה שי או יכתב בביע אלמקרא פאן לם יתם מנה שי לעל תעטיה מן מתאע אברהם אלקאבסי י דנא

  15. אלי אן יפתצל מעה לאן ניתה יעטיה מן אלמקרא סהמין לא גיר וסהם שמואל קאל אנא נאכדה לאן לי עליה נפקה ואנא ניתי נמצי אלי

  16. סוסה בסבבה בעד אלעיד אן שא אללה וד אעדאל כתאן אלדי אנפדת בלגני אנהא וצלת לסקליה וקד [         ]

  17. וכתבת מעה תדכרה פי קבצהא ופי גירהא אללה תעאלי יכתב סלמהא וקד בלגני אן חסן חאל אלכתאן בסקליה ואעטם חאגתי אליך פי

  18. אלכתב מע כלק [                   ] משרחה במא יבאע וישתרא ואמא אסעאר בלדנא פמא להא קאעדה חתי אלצרף יזיד [             ] מתל[ה]

  19. יז וינקץ מתלהא עלי קדר אלטלב וכדלך אלסלע לאן אלבלד צעף כתיר ולעל יתם לך אלטלוע לדנדיל או לטנסא תשתרי קטעה

  20. כתאן פהי מוגרא כתאתינהם ולא תשתרי לי אגזר כתאן תקדר עליה ולא תשתרי אלדון ואלגבראן דינ(?) אללה אללה סאלני יאכי סידי

  21. אבי אברהם יצחק בן יעקב סואלך פי מא וצא לה אלחנן רחמה אללה ואנת אערף בתקתה ודינה וקד דכר אן צאעת תיאבה פי טריק פי כדמתנא

  22. וצדק ענה רח ולם יקבצהא וקד כתב לך וכאלה פתגתמע מן תראה פי דלך ותקצי חאגתה כמא יגב וקד עיית מא נקול להם עוגז

  23. עאגז ען חואיג אלנאס ולם יקבלה מני לאן וסמך חסן אללה יזידך פנחב לא ננעאק בכתרה אלוכון עליך תחוגנא ללספר

  24. וקד כתבת לך נסכה חסאב מן ספאקץ ונסכתין מן אלמהדיה נחב תכתב אלי גמיע מא יוגבה אלחסאב מתפצל אלאסעאר חאלהא קאעדה

  25. אלכתאן אלף קק אלי אלף צדף קע אללך מן יח אלי טו אלבקם כ אלאמרי אלפלפל לו אלקנט אלסכר מביוע לקלתה אלכאפור כאסד ג גיר

  26. רבע ואלניל כטביי(?) קליל קצט חלו תקטיע לטיף פהו יכרג אכתר מן אלמר צאר עליה טלב כתיר וגה מא אלהמך אללה אליה

  27. ותכון כתבך משרחה כל וקת וכתבי תצלך אול אלוקת קראת עליך אתם אלסלם ועלי סאדאתי אצהארך ומולאי אלרב אדאם אללה

  28. עזה אפצל אלסלם ועלי סידי אבי זכרי אלטביב ואכיה אפצל אלסלם ועלי מן תחוטה ענאיתך אלסלם סאלוני יאסידי סידי אבי

  29. יוסף ישראל בן אלרקי ואכיה אבי אלפרג נסים וקד תצאהר אלי פי הדה אלאיאם וכתבו לך וכאלה פי תרכה אכיהם אבי זכרי יהודה

  30. רחמה אללה נחב יתביין להם בהדה [

verso - bottom margin - address

  1. לסידי ומולאי אבי יחיי נהראי בן נסים נע                   מן ברהון ויוסף בני מוסי        נע מצר אן שא אללה

  2. אטאל אללה בקאה ואדאם סלאמתה וסעאדתה

Image Permissions Statement
  • T-S 16.339: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.