Legal document: Bodl. MS heb. d 66/70
Legal document Bodl. MS heb. d 66/70What's in the PGP
- Image
- 1 Transcription
Description
Court ledger. Containing multiple legal records/testimonies. Location: Probably Alexandria, since Goitein identifies the handwriting as belonging to the teacher Yehuda b. Aharon Ibn al-ʿAmmānī. One of the entries is dated: Thursday, 6 Adar [4800 +] 196 = 4996 AM = 14 February 1236 CE. (Ashtor believed this document to be from Cairo and the date to be [5]196 AM= 1436 CE.) (Information mainly from Goitein's index card.)
Tags
Image
Transcription
Translation
Editor: Ashtor, Eliyahu
Bodl. MS heb. d 66/70 70 recto
Eliyahu Ashtor, History of the Jews in Egypt and Syria under the Rule of the Mamlūks (in Hebrew) (Jerusalem: Mossad Harav Kook, 1970), vol. 3.
Recto
- בן יעקוב וקאל הדא אלדי נשהד בה
- וחצר איצא אלשיך מנצור בן אלשיך עואץ נע ושהד אן
- אלדיאן אשתרי מן דאר אלכרשופי אלרבע במאיה דינר
- ואנה אקאם גבאה והו צחבתהם לגבאיתהא פגבאו
- מנהא אתנין וסבעון דינר מצ בקי מן דלך תמאניה
- ועשרון דינר פקאל לה מן אין נכמל אלמאיה דינר
- אד לם תגביהא ואלא אקבצהא מן מאלך פוזנהא מן מאלה
- וכאתב אלבאיע עליה ואנה לם יחקק אנה אסתופאהא מן
- אליהוד או מא אסתופאהא
- וחצר איצא אברהים בן אלשיך אבו נצר בן הרון נע ושהד
- אנה תגמע באלדיאן אלמדכור ואנה קאל לה תמצי מע
- שרכאנא פי דאר אלכרשופי ואקף מעהם עלי שרי
- אלכשב אלדי יצלח ללעמארה ללדאר אלמדכורה ומהמא
- אשתראו מן אלכשב חאסבהם עלי אלעשרה אסהם מן
- דאר אלכרשופי אלמדכורה ודכר אנה קאל ללדיאן איש
- אלמעני תזן אנת מן מאלך עלי הדה אלחצה פקאל וקת
- אלעמארה נחאסבהם מא ינובני מן נאיב אלסדס אלדי לי
- ומא ינוב אלרבע אלדי ללהקדש ואסתפסרה בית דין
- קאל בקי ללדיאן עלי הדא אלרבע שי אם לא פקאל מא
- אעלם שי
- וחצר איצא אלשיך אבו נצר אלכיאט //בן מחפוט// יום אלאתנין
Bodl. MS heb. d 66/70 70 verso
Verso
- ] דאר אלכרשופי פאן בקי עליה שי
- אלרבע חתי נגביהא ועאש בעדהא מדה
- וצח ענדי אן אלרבע לליהוד ואלסדס אקתרץ מן
- תמנהא מן ענד בן מימון אלנאכודה ולם נערף אן
- אלסדס לליהוד או לה ואנה יחקק אנהא פרד גבאיהם
- וחצר איצא אלשיך כלף אלכחאל יום אלכמיס אלסאדס
- מן אדר קצו בבית דין ושהד אן רבינו אברהם הדיין
- וקת אן אשתרי אלרבע אלאול מן עבד אלואחד אלגזולי
- וראח כאתבה באסם אלהקדש פמנעה אלבאיע אלמדכור
- אן יכאתבה באסם אלחבס פכתבה באסמה וחלפה
- אלדיאן אעני ללבאיע וזוגתה אנהם לם יביעו בקיה
- חצתהם פי הדה אלדאר ללדיאן אלמדכור ואן הדא
- אלשאהד אגתמע בעבד אלואחד בעד דלך במדה
- וקאל לה אן קד דעת אלצרורה לביע אלסדס פאן
- אראד אלדיאן ישתריה פהו אולא לאן לה עלי כדמה
- פאגתמע באלדיאן ואכברה בדלך פמצי אלדיאן
- ועקדה בחצורה מנה אלסדס אלמדכור באסמה
- עלי נייה אנה יביע חצה מן אלהקדש או יגבי גבאיה
- פעקד אלסדס וגבי גבאיה תאניה לם אעלם מא כאן
- בעד הדא
