Letter: IOM D 55.14

Letter IOM D 55.14

Tags

Input date

In PGP since 2017

Description

Letter from Salāma b. Mūsā Safāquṣī, probably from Mazara, Sicily, to Yehuda b. Moshe b. Sughmār (Alexandria), ca. 1055. Salāma b. Mūsā intends to buy a house in Mazara. The letter describes the writer’s conflict with local Jews who are plotting against him, and mentions a ban of excommunication declared against them. Salāma b. Mūsā asks for goods to be sent with various people and expresses a wish to renew the partnership agreement with Yehuda b. Moshe b. Sughmār. (Information from Gil, Kingdom, Vol. 4, p. 431. See also Goitein notes linked below.) There are photostats and an edition in Goitein's notes (to be uploaded).

IOM D 55.14 recto

recto

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. באקי כתאב מולאי אלשיך אבו זכרי יהודה בן מוסי בן סגמאר וכאן לבן אל[    ]

  2. אלחראס ואבו אלפצל בן בר[כא]ת ויעקב בן כלף חסד לאכיה וכאן גרם פי [    ]

  3. קאל מא יצתחק אלאלף דנא[ניר] סוא אכי וחצל משכוץ מן אליהוד אכתר מן [    ]

  4. אן תעמל לארואחכם מוצע ולנא מעכם ותגתהד פי אלחירם מי אלקדס [    ]

  5. יאכי גריב ומן ישתהי פיה שהוא דנייא ותכתב בד[לך] ותוקף עלי [    ]

  6. אלדי יצלו ותובכהם ג[אית] אלתוביך אולהם אבו אלפצל בן כלפה ולא ינטלי עלי [    ]

  7. מנכסר ב[       ] ואמא אלג אעדאל אלדי לשיך אבו אלסרור סמעת מן יקול אנה ב[    ]

  8. ותלתיין ואלבקייה ו רבאעי אלקנטאר ואנא נאכד לה חסאבהא מן סודאן וננפדהא פי אל[    ]

  9. לאן מא יכצה קאל לי תוצל פיהא ק דינ בהא[      ] כלף אן עצים ויצלו אלי ענדכום ג[מאעה מן]

  10. אצחאבנא ומנהם רבי יהודה בן אסמעיל והו אנסאן אן כיר רייס [ ]

  11. סלימאן אלואדיאשי וה[ום] אקואם אכיאר לעל יכון אלרחל בידהם [ ] אנא [     ]

  12. יהודה פי מתל דלך וקד נזלת אסמי פי אלקאנון ואנא עלי שרי דאר פי הדה אלחא[רה     ]

  13. או נתרך רבאעייה ענד אשיך אבו אברהם יצחק בן כלף לשרי אלדאר ליגלב אלדי [    ]

  14. ברחמתה תכתב עלי מא תוגה אמא מע יצחק בן כלף או יעקב בן אסמעיל או יהו[דה]

  15. בן אסמעיל לא יכון בד ותוגה אלגמיע לסקליה עלי כל חאל ואן קדרת עלי [    ]

  16. אעדאל [ ] לאספאקץ אן כאן תם אחד יותק אפעל תכון מיסארי או בוצירי ואן אל[     ]

  17. תגד לאספאקץ או ללמהדיה ואנא מעול אן שא אללה למא תצל בה כתבך מע אלפיוג ולי [    ]

  18. ואימונה תחול ניתי עלי מא עקדתה מעך ואנא עלי אלעהד מקים מן [ ] אל

  19. אמונה ובעד אן נשתרי שי פי אלשתא עלי אסמך ליס תחול נייתי פיה פתגת[הד

  20. פי האדי אלרחל אלי אן יצל אן שא אללה ולו חתי דינר לוצל אליך עוצה פתכון מן דלך

  21. עלי יקין אן גאיד וטייב נפסא וקו עינא ואגתהד וקד טלב אלשיך אבו אברהם

  22. מנך אלפרקה למא חל עלי ערצה מן האולאי אלקום פיגב תגעל לך ולנא מוצע

  23. ויעלם אנך רגל ושיך [וקמדם] ומקדם ותגמע אלגמיע אלסקלין מן אצחאבנא ותוכד

  24. ותערפהם ותקול להם חדית אלחירם ותחדד מעהם חד ויכון כאתקאן [ ]

  25. אלרייס בתוביך להם פי מא יפעלוה מע אלגרבא ונחב תקצי חקי ולא תפרט פי

  26. מא כתבת ביה אליך מן גהת זכאר ותכון מן אעואנה אין מא חצר דכרה לאני

  27. נכשא לא יפסד אלחאל בן כלפה ויתביין לסואלי מוצע וקד וגדנא אלבלד תחת

  28. חאל וקד פרג אללה ואלבלד אמן ראכי כתיר אלאנחלאל ואנא עלי אלעאהד ביני ובינך

  29. פאנא אן שא אללה נצל למא קבלך לתגדיד אלעאהד מעך ויכון אלדי יצל לסקליה ליבאע

  30. פי אלשתא ואנא נקים עוצה מן אפריקיה וישתרא ביה קמח ומא טלע כאן אלי

  31. אלכלטה וגרצי ואללה לא יידאד פיהא ואלדי נבשרך ביה אני כאטבת מולאי אלשיך

  32. אבו אברהם יצחק בן כלף עלי מסלה אלעדל וקד וגדה ותמנה יצל אליך וקד סרני

  33. דלך ופרחת לדלך אכתר מן שיי ללה אלחמד ולם תגייר נפס מולאי אלשיך

  34. אבו אברהם אלי אלגליל כיאר בן זכרי לאכן אנחלת אלמסלה פנחב [    ]

recto - right margin

  1. אול אלזמאן וכדלך נחב תסתעמל לי אלחצר אלדי וציתך עליהא עלי כל חאל ואלקיאס ענדך ותכון גיאד טאילה

  2. טרר וקליל עוד ונד ונחב זוג אכראץ כאפור לדאר וסתר ללבאב אחמר מאמוני טול טו או יו שבר

  3. [ ] כיר ומא נגיב מוצע אן תחצר ולא תעוול אלאשיא אלי ברוחך ויקנעני

  4. [ ] אלקאלוץ והו באלקרב מנך מן ביתך

recto - top margin

  1. [ ] בסביל אלכיר מן גהת אלשיך אבו אברהם יצתק ומא נחתאג אלתאכיד

  2. [ ] אכתר אן תעטיה עני דינ כמא כתבת אליך ביה ואן אכתאר אלמוגי תוגהה

Translation

IOM D 55.14 verso

verso

verso

  1. תכון תשאהדה כל יום וכדלך אלוסק תשאהדה ברוחך ויכון אל> מנה פי אל

  2. מרכב אלכביר ואל> מנה פי מרכב אלסיידה ויכון אלגמיע לסקליה עלי כל

  3. חאל וכדלך יאמולאי נחב תגהד רוחך פי שרא ק צרף לזית מן האדי אלשתא

  4. או ברניה גיאד כבאר ותנפדהא לאספאקץ או ללמהדיה לאן אלצרף באיע פאן

  5. וגדת מן האדי אלכבאר אפעל לאנהא תחמל אלמונה ולא תסתגליהא ולל[

  6. אלי אלצרף אלגאיד וכתבך לא תקטעהא עני פי אלשתא בוצול גמיע מא וצל לי

  7. ומא עמלת ותכלט אלרבאעיה אלדנאניר חתי יציר אלגמיע נצפין אלנצף ללכלטה

  8. תמרהא אללה ואלנצף לנא כאצה ותתחמל פי דלך אלמשקה וכדלך נפ[

  9. פי מא נתחמל פיך מן אלמשקה מן אקאמת רחל פי אלשתא ויכון [ ] להאדי

  10. אלכלטה מן זית וצאבון ואכתר מא יראוגני פי אלספר אלי תגדיד עהד ביני

  11. ובינך ואן לא יכון לך צאחב סואי ולא יכון לי אנא צאחב סואך ילעל תת[

  12. כלטה תתמר יכון מנהא אלתלת ענדך מקים ואלתלת ענדנא ואלתלת מסאפר

  13. ויכון דלך מן וקת וצולי אליך ואן כ[לפ]תני אלמונה וגא כתאבך בדלך ובמא]

  14. תפעל אנת וראית אנת מא נפעל אנא אסתגנינא גמיעא עלי אלספר וכנ[ת]

  15. אנא מקים פי אלמהדיה אדא וצל רחל וגהת עוצה מן אפריקיא זית וצ[אבון]

  16. ומא ירבח פיהא או דנאניר אפריקיה תכון מעדה מן אלשתא אללה יעין עלי [אל]

  17. מראד וכדלך תכץ עני מולאי אבו יצחק אברהם בן פראח אלאסכנ[דראני אלסלאם]

  18. ותערפה אן סאלני מולאי אלשיך אבו אברהם יצחק בן כלף פי אמר עלאותה

  19. פי מרכב אלגנאני ולם יוגד גמלה ראנא נבחת עליה ולם נגד לה דכר פי אל

  20. שרנבל וקד אגתמעת מע אלראיס חסין וקאל לי הו ענד סלאמה וקד כתבת

  21. למולאי אלשיך אבו אברהם יצחק בן כלף יאכד כתאב מן מפצל ואלרגל

  22. אקלע אלי אל[ ] נכשא אלא ילחקה אלכתאב ואנא נ[    ]

  23. נפיס אעלמתך דלך ומולאי אלשיך אבו יצחק עלי מן [    ]

  24. חק וכץ נפסך אלשריפה אפצל //אלסלאם// ומולאי אלשיך אבו אלכיר אלסלאם ומולאי

  25. אבו נצר ולדה אלסלאם ומולאי אלשיך אבו אלסרור אלסלאם ורבי[נו אל]

  26. סלאם וכל מן תשמלה ענאיתך אלסלאם ועמראן אלסלאם

verso - bottom margin - address

  1. [לשיכי ומו]לאי אבו זכרי יהודה בן מוסי בן מן מחבה לא עדמה סלאמה בן מוסי בן יצחק נע

  2. סגמאר

  3. [אטאל אללה בקאה ו]אדאם תאיידה וסלאמתה תוגיה אברהים בן אלאסכנדראני